നോട്ട്​ പിൻവലിക്കൽ: സർക്കാറിന്​ ആർ.ബി.​െഎ നൽകുന്ന ലാഭവിഹിതം കുറഞ്ഞു

ന്യൂഡൽഹി: നോട്ട്​ പിൻവലിക്കലി​​െൻറ പശ്​ചാത്തലത്തിൽ പുതിയ കറൻസി അച്ചടിക്കുന്നതിന്​ കൂടുതൽ തുക ആവശ്യമായി വന്നതോടെ സർക്കാറിന്​ നൽകുന്ന ഡിവിഡൻറിൽ കുറവ്​ വരുത്തി റിസർവ്​ ബാങ്ക്​. 30,569 കോടി രൂപയാണ്​ ഇൗ വർഷം റിസർവ്​ ബാങ്ക്​ കേന്ദ്രസർക്കാറിന്​ ലാഭവിഹിതമായി നൽകുന്നത്​. കഴിഞ്ഞ വർഷം  ഇത്​ 65,786 കോടി രൂപയായിരുന്നു.

വ്യാഴാഴ്​ച ചേർന്ന റിസർവ്​ ബാങ്കി​​െൻറ സ​െൻററൽ ബോർഡ്​ യോഗമാണ്​ ലാഭവിഹിതം സംബന്ധിച്ച്​ തീരുമാനമെടുത്തത്​. 58,000 കോടി രൂപ ആർ.ബി.​െഎയിൽ നിന്ന്​ ലഭിക്കുമെന്ന്​ സർക്കാർ കണക്ക്​ കൂട്ടിയിരുന്നത്​. പൊതുമേഖല ബാങ്കുകളിൽ നിന്ന്​ 74,901.25 കോടിയുടെ വരുമാനവും സർക്കാർ പ്രതീക്ഷിച്ചിരുന്നു.

നോട്ട്​ പിൻവലിക്ക​ലിനെ തുടർന്ന്​ പുതിയ കറൻസി അച്ചടിക്കേണ്ടി വന്നതിനാലാണ്​ ആർ.ബി.​െഎയുടെ ലാഭത്തിൽ കുറവുണ്ടായതെന്നാണ്​ സാമ്പത്തിക വിദഗ്​ധരുടെ വിലയിരുത്തൽ. 500 രൂപയുടെ പുതിയ ഒരു നോട്ട്​ അച്ചടിക്കുന്നതിനായി ആർ.ബി.​െഎക്ക്​ 2.87 രൂപ മുതൽ 3.09 രൂപ വരെയാണ്​ ചിലവ്​. 2000 രൂപയുടെ നോട്ടുകൾ അച്ചടിക്കുന്നതിനായി 3.54 രൂപ മുതൽ 3.77 രൂപ വരെയും ആവശ്യമായിരുന്നു. ഇതാണ്​ നിലവിലെ പ്രതിസന്ധിക്ക്​ കാരണമെന്നാണ്​ വിലയിരുത്തൽ.