പി​ഴ​പ്പ​ലി​ശ ഈ​ടാ​ക്കുന്നത് വിലക്കി റിസർവ് ബാങ്ക്; ജ​നു​വ​രി ഒ​ന്നു മു​ത​ൽ ബാധകം

മും​ബൈ: വാ​യ്പ തി​രി​ച്ച​ട​വി​ൽ വീ​ഴ്ച വ​രു​ത്തി​യാ​ൽ ക​ന​ത്ത പി​ഴ​പ്പ​ലി​ശ ചു​മ​ത്തു​ന്ന​തി​ൽ​നി​ന്ന് ബാ​ങ്കു​ക​ളെ​യും ബാ​ങ്കി​ത​ര ധ​ന​കാ​ര്യ സ്ഥാ​പ​ന​ങ്ങ​ളെ​യും വി​ല​ക്കി റി​സ​ർ​വ് ബാ​ങ്ക്. യു​ക്തി​സ​ഹ​മാ​യ പി​ഴ മാ​ത്ര​മേ ചു​മ​ത്താ​വൂ​വെ​ന്ന് ക​ർ​ശ​ന നി​ർ​ദേ​ശം ന​ൽ​കു​ക​യും ചെ​യ്തു. അ​ടു​ത്ത ജ​നു​വ​രി ഒ​ന്നു മു​ത​ൽ പി​ഴ​പ്പ​ലി​ശ ഈ​ടാ​ക്ക​രു​തെ​ന്നാ​ണ് നി​ർ​ദേ​ശം.

വ​രു​മാ​ന​വ​ർ​ധ​ന​ക്കു​ള്ള ഉ​പാ​ധി​യാ​യാ​ണ് ബാ​ങ്കു​ക​ളും ഇ​ത​ര ധ​ന​കാ​ര്യ സ്ഥാ​പ​ന​ങ്ങ​ളും അ​മി​ത​മാ​യ പി​ഴ​പ്പ​ലി​ശ ഈ​ടാ​ക്കു​ന്ന​തെ​ന്ന് റി​സ​ർ​വ് ബാ​ങ്ക് കു​റ്റ​പ്പെ​ടു​ത്തി. വാ​യ്പ​യെ​ടു​ത്ത​യാ​ൾ വാ​യ്പ വ്യ​വ​സ്ഥ ലം​ഘി​ച്ചാ​ൽ പ​ലി​ശ​യു​ടെ കൂ​ടെ ചേ​ർ​ത്ത് പി​ഴ​പ്പ​ലി​ശ എ​ന്ന രീ​തി​യി​ൽ ഈ​ടാ​ക്കാ​ൻ പാ​ടി​ല്ല. ആ​വ​ശ്യ​മെ​ങ്കി​ൽ പി​ഴ​ത്തു​ക എ​ന്ന പേ​രി​ൽ ന്യാ​യ​മാ​യ തു​ക ഈ​ടാ​ക്കാം. ഈ ​തു​ക​ക്കു​മേ​ൽ പ​ലി​ശ ഈ​ടാ​ക്കാ​നും പാ​ടി​ല്ല.

അ​തേ​സ​മ​യം ക്രെ​ഡി​റ്റ് കാ​ർ​ഡ്, ബാ​ഹ്യ വാ​ണി​ജ്യ വാ​യ്പ​ക​ൾ, ട്രേ​ഡ് ക്രെ​ഡി​റ്റ് തു​ട​ങ്ങി​യ​വ​ക്ക് പു​തി​യ നി​ർ​ദേ​ശം ബാ​ധ​ക​മ​ല്ല. വാ​യ്പ തി​രി​ച്ച​ട​വ് മു​ട​ങ്ങി​യാ​ൽ പ​ല സ്ഥാ​പ​ന​ങ്ങ​ളും പ​ലി​ശ​നി​ര​ക്കി​നെ​ക്കാ​ൾ ഉ​യ​ർ​ന്ന പി​ഴ​പ്പ​ലി​ശ​യാ​ണ് ഈ​ടാ​ക്കു​ന്ന​ത്. വാ​യ്പ കൃ​ത്യ​മാ​യി തി​രി​ച്ച​ട​ക്ക​ണ​മെ​ന്ന ബോ​ധ്യം ന​ൽ​കു​ന്ന​തി​നാ​യി​രി​ക്ക​ണം പി​ഴ​ത്തു​ക ഈ​ടാ​ക്കേ​ണ്ട​ത്.