ബാങ്കുകൾക്കും ബാങ്കിങ്​ ഇതര ധനകാര്യ സ്ഥാപനങ്ങൾക്കും മുന്നറിയിപ്പുമായി ആർ.ബി.ഐ ഗവർണർ

ന്യൂഡൽഹി: ബാങ്കുകളും ബാങ്കിങ്​ ഇതര ധനകാര്യ സ്ഥാപനങ്ങളും ഭരണപരമായ കാര്യങ്ങൾ കൂടുതൽ ശക്​തിപ്പെടുത്തണമെന്ന്​ ആർ.ബി.ഐ ഗവർണർ ശക്​തികാന്ത ദാസ്​. വിർച്വൽ യോഗത്തിൽ സംസാരിക്കു​േമ്പാഴാണ്​ ശക്​തികാന്ത ദാസ്​ ഇന്ത്യൻ സമ്പദ്​വ്യവസ്ഥയെ കുറിച്ച്​ പ്രസ്​താവന നടത്തിയത്​. നല്ല ഭരണ സംവിധാനവും റിസ്​ക്​ മാനേജ്​മെന്‍റും ബാങ്കുകളുടേയും ബാങ്കിങ്​ ഇതര ധനകാര്യസ്ഥാപനങ്ങളുടേയും മികച്ച പ്രവർത്തനത്തിന്​ ആവശ്യ​മാണെന്ന്​ ശക്​തികാന്ത ദാസ്​ വ്യക്​തമാക്കി.

ധനകാര്യ സ്ഥാപനങ്ങളെ ശക്​തിപ്പെടുത്താനാണ് ആർ.ബി.ഐ​ ശ്രമം. സാമ്പത്തിക സുസ്ഥിരത കൈവരിക്കുന്നതിനായി പ്രതിരോധ സംവിധാനമുണ്ടാക്കുകയാണ്​ ഇപ്പോഴത്തെ പ്രധാന ലക്ഷ്യം. പുതിയ സാ​ങ്കേതിക വിദ്യകളുടെ സഹായത്തോടെ ബാങ്കുകളിലെ പ്രതിസന്ധി മറികടക്കാനാണ്​ ശ്രമമെന്ന്​ ആർ.ബി.ഐ ഗവർണർ പറഞ്ഞു.

ബാങ്കുകളിൽ ശക്​തമായ ഇ​േന്‍റണൽ ഓഡിറ്റ്​ വേണം. ബാങ്കിങ്​ ഇതര ധനകാര്യ സ്ഥാപനങ്ങൾക്കുള്ള മാർഗനിർദേശം ഉടൻ പുറത്തിറക്കും. സമ്പദ്​വ്യവസ്ഥയുടെ തിരിച്ചുവരവ്​ പ്രകടമാണ്​. ബാങ്കുകളിലെ മൂലധനസമാഹരണത്തിനും ആർ.ബി.ഐ പ്രാധാന്യം നൽകുന്നുണ്ടെന്ന്​ ശക്​തികാന്ത ദാസ്​ പറഞ്ഞു.