ബാങ്കുകൾ ലാഭവിഹിതം പ്രഖ്യാപിക്കരുതെന്ന്​ ആർ.ബി.ഐ

ന്യൂഡൽഹി: കോവിഡിനെ തുടർന്നുണ്ടായ പ്രതിസന്ധി മറികടക്കാൻ ബാങ്കുകൾക്ക്​ മേൽ കൂടുതൽ നിയന്ത്രണങ്ങളുമായി ആർ.ബി.ഐ. വാണിജ്യ -സഹകരണ ബാങ്കുകൾ ലാഭവിഹിതം വിതരണം ചെയ്യരുതെന്ന്​ ആർ.ബി.ഐ നിർദേശിച്ചു. 2019-20 സാമ്പത്തിക വർഷത്തിലെ ഡിവിഡൻറ്​ നൽകരുതെന്നാണ്​ നിർദേശം.

സമ്പദ്​വ്യവസ്ഥയിൽ വായ്​പ ഉറപ്പാക്കുക എന്ന ലക്ഷ്യം മുൻനിർത്തിയാണ്​ തൽക്കാലത്തേക്ക്​ ലാഭവിഹിതം നൽകേണ്ടെന്ന തീരുമാനത്തിലേക്ക്​ ആർ.ബി.ഐ എത്തിയത്​. കോവിഡിനെ കുറിച്ച്​ ഇപ്പോഴും അനിശ്​ചിതത്വം തുടരുന്നതിനിടെയാണ്​ ആർ.ബി.ഐയുടെ തീരുമാനം.

വായ്​പ അവലോകന യോഗത്തിലാണ്​ ബാങ്കുകൾ ലാഭവിഹിതം തൽക്കാലത്തേക്ക്​ നൽകേണ്ടെന്ന തീരുമാനം ആർ.ബി.ഐ അറിയിച്ചത്​. രാജ്യത്തെ പല ബാങ്കുകളും പണപ്രതിസന്ധി നേരിടുന്നതിനിടെയാണ്​ ആർ.ബി.ഐയുടെ നിർണായക തീരുമാനം പുറത്ത്​ വന്നിരിക്കുന്നത്​.