വിദേശ വിപണിയില്‍ മസാല ബോണ്ടുകളിറക്കാന്‍ ബാങ്കുകള്‍ക്ക് അനുമതി

മുംബൈ: വിദേശ വിപണികളില്‍ രൂപ അടിസ്ഥാനത്തിലുള്ള ബോണ്ടുകള്‍ (മസാല ബോണ്ടുകള്‍) ഇറക്കാന്‍  ബാങ്കുകള്‍ക്ക് റിസര്‍വ് ബാങ്കിന്‍െറ അനുമതി. മൂലധന അടിത്തറ വര്‍ധിപ്പിക്കുന്നതിനും അടിസ്ഥാന സൗകര്യങ്ങള്‍ വികസിപ്പിക്കുന്നതിനുമായാണ് ഈ അനുമതി. നേരത്തെ കമ്പനികള്‍ക്ക് ഇത്തരത്തില്‍ ധന സമാഹരണത്തിന് അനുമതി നല്‍കിയിരുന്നു. ഇത് പ്രയോജനപ്പെടുത്തി ഇതുവരെ 7472 കോടി രൂപയാണ് സമാഹരിച്ചത്. വിദേശത്തെ രൂപ ബോണ്ടു വിപണി വിപുലപ്പെടാന്‍ ബാങ്കുകളുടെ ഇടപെടല്‍ സഹായിക്കുമെന്നാണ് റിസര്‍വ് ബാങ്കിന്‍െറ വിലയിരുത്തല്‍.