മത്സരം കടുപ്പിച്ച്​ പേമെൻറ്​ ബാങ്കുകൾ

മുംബൈ: ധനകാര്യ സേവനമേഖലയിലേക്ക്​ പുതുതായി എത്തിയ പേമ​െൻറ്​ ബാങ്കുകൾ തമ്മിൽ മത്സരം ശക്​തമാകുന്നു. പേടിഎം കൂടി രംഗ​െത്തത്തിയതോടെ ഉയർന്ന പലിശനിരക്കുകൾക്കു പുറമെ വ്യത്യസ്​തമായ ഒാഫറുകളും പ്രഖ്യാപിച്ചാണ്​ പോരാട്ടം. പരമ്പരാഗത ബാങ്കുകൾ സേവിങ്​ ബാങ്ക്​ നിക്ഷേപത്തിന്​ നാല്​^അഞ്ച്​ശതമാനം വരെ പലിശ നൽകിയിരുന്നപ്പോൾ ഇന്ത്യ പോസ്​റ്റ്​ ബാങ്ക്​ 5.50 ശതമാനവും എയർടെൽ 7.25 ശതമാനവും വാഗ്​ദാനം ചെയ്​താണ്​ നിക്ഷേപം ആകർഷിച്ചിരുന്നത്​. അതേസമയം, ഏറ്റവുമവസാനം വാലറ്റ്​, റീചർജിങ്​ രംഗത്തുനിന്നെത്തിയ പേടിഎം ഇതിനു തയാറല്ല. നാലുശതമാനം തന്നെയാണ്​ അവരുടെ വാഗ്​ദാനം. പകരം ‘സീറോ ബാലൻസ്​^സീറോ ഡിജിറ്റൽ ചാർജ്​ ട്രാൻസാക്​ഷൻ’ അക്കൗണ്ടാണ്​ അവർ മുന്നോട്ടുവെക്കുന്നത്​. പുതുതായി അക്കൗണ്ട്​ തുടങ്ങുന്നവർക്ക്​ കാഷ്​ ബാക്കും വാഗ്​ദാനമുണ്ട്​. 

പണം പിൻവലിക്കലിൽ മെട്രോ നഗരങ്ങളിൽ മൂന്നുതവണവരെയും മെട്രോയിതര നഗരങ്ങളിൽ അഞ്ചുതവണയും പ്രതിമാസ സൗജന്യ ഇടപാടാണ്​ പേടിഎമ്മി​​െൻറ വാഗ്​ദാനം. അതിനു​ശേഷമുള്ള ഇടപാടുകൾക്ക്​ 20 രൂപ വീതം ഇൗടാക്കും. ഡെബിറ്റ്​ കാർഡ്​ വാർഷിക ഫീസായി 100 രൂപയും ഇൗടാക്കും. അതേസമയം, ഒാൺലൈൻ ഇടപാടുകൾ സൗജന്യമാണെന്നു പ്രഖ്യാപിച്ചിട്ടുണ്ട്​. ഇന്ത്യപോസ്​റ്റ്​ സ്വന്തം എ.ടി.എമ്മുകളിൽനിന്ന്​ പണം പിൻവലിക്കുന്നതിന്​ പണം ഇൗടാക്കുന്നില്ല. അതേസമയം, ഒാൺലൈൻ ബാങ്കിങ്ങിനും ​െഎ.എം.പി.എസ്​, യു.പി.​െഎ, ​നെഫ്​റ്റ്​ തുടങ്ങിയവക്കും പണമീടാക്കുന്നുണ്ട്​. നെഫ്​റ്റിന്​ 2.5^5 ശതമാനവും ​െഎ.എം.പി.എസിന്​ അഞ്ചുരൂപയുമാണ്​ ഇന്ത്യ പോസ്​റ്റ്​ ഇൗടാക്കുന്നത്​. മൊബൈൽ ബാങ്കിങ്ങിൽ നെഫ്​റ്റ്​ സൗജന്യമാണ്​. പക്ഷേ, ​െഎ.എം.പി.എസിന്​ ഒാരോ ഇടപാടിനും നാലുരൂപ ഇൗടാക്കും. 

മൊബൈൽ ബാങ്കിങ്​ വഴിയാണെങ്കിലും അല്ലെങ്കിലും മറ്റൊരു ബാങ്കിലേക്കുള്ള പണം മാറ്റത്തിന്​ എയർടെൽ 0.5 ശതമാനം നിരക്ക്​ ഇൗടാക്കും. അതേസമയം , എയർടെലിൽനിന്ന്​ എയർടെൽ അക്കൗണ്ടിലേക്കുള്ള പണംമാറ്റം സൗജന്യമാണ്​. കുറഞ്ഞത്​ 100 രൂപയാണ്​ നിക്ഷേപം. പിൻവലിക്കലിന്​ 0.65 ശതമാനവും ഇൗടാക്കും. അതേസമയം, നിക്ഷേപത്തിനു തുല്യമായ എയർടെൽ നെറ്റ്​വർക്ക്​ ടോക്​ടൈമും ഒരുലക്ഷം രൂപയുടെ സൗജന്യ ഇൻഷുറൻസുമാണ്​ എയർടെൽ വാഗ്​ദാനം ചെയ്യുന്നത്​​. 
സെപ്​റ്റംബറോ​ടെ എല്ലാ ജില്ലകളിലും എത്താനാണ്​ ഇന്ത്യ പോസ്​റ്റ്​ ലക്ഷ്യമിടുന്നതെന്ന്​ സി.ഇ.ഒ അശോക്​ പാൽ സിങ്​ പറയുന്നു. ആദ്യ വർഷംതന്നെ രണ്ടുകോടി അക്കൗണ്ടുകളാണ്​ ലക്ഷ്യമിട്ടിരിക്കുന്നത്​.  വായ്​പകളോ ക്രെഡിറ്റ്​ കാർഡോ നൽകാൻ അനുമതിയില്ലാത്ത, ഒരു ഉപഭോക്​താവിൽനിന്ന്​ ഒരുലക്ഷം രൂപ വരെ മാത്രം നിക്ഷേപം പരിമിതപ്പെടുത്തിയിട്ടുള്ള ബാങ്കുകളാണ്​ പേമ​െൻറ്​ ബാങ്കുകൾ. പക്ഷേ, എ.ടി.എം^ഡെബിറ്റ്​ കാർഡുകൾ വിതരണംചെയ്യാനും നെറ്റ്​^മൊബൈൽ ബാങ്കിങ്​ സേവനങ്ങൾ നൽകാനും ഇവക്കാവും.