ബാങ്കുകളിലെ നിക്ഷേപം അഞ്ചു​ലക്ഷം കോടി കവിഞ്ഞു

  • മൂ​ന്ന്​ മാ​സം കൊ​ണ്ട്​ 7461 കോ​ടിയാ​ണ്​ വ​ർ​ധി​ച്ച​ത്

ഇ. ​ബ​ഷീ​ർ
08:28 AM
03/10/2019
investment-increase

തി​രു​വ​ന​ന്ത​പു​രം: സം​സ്ഥാ​ന​ത്തെ ബാ​ങ്കു​ക​ളി​ലെ നി​ക്ഷേ​പം അ​ഞ്ചു​ല​ക്ഷം കോ​ടി പി​ന്നി​ട്ടു. സാ​മ്പ​ത്തി​ക പ്ര​തി​സ​ന്ധി​യു​ടെ സാ​ഹ​ച​ര്യ​ത്തി​ൽ കൂ​ടി​യാ​ണ്​ ബാ​ങ്ക്​ നി​ക്ഷേ​പം സു​പ്ര​ധാ​ന നാ​ഴി​ക​ക്ക​ല്ല്​ പി​ന്നി​ട്ട​ത്. ക​ഴി​ഞ്ഞ ജൂ​ൺ 30 വ​രെ​യു​ള്ള ക​ണ​ക്കു​​പ്ര​കാ​രം 5,01,023 കോ​ടി രൂ​പ നി​ക്ഷേ​പ​മാ​യി എ​ത്തി. ഇ​തേ​കാ​ല​ത്ത്​ 3,34,655 കോ​ടി രൂ​പ ബാ​ങ്കു​ക​ൾ വാ​യ്​​പ​യാ​യും ന​ൽ​കി. വാ​യ്​​പ-​നി​ക്ഷേ​പ അ​നു​പാ​തം ക​ഴി​ഞ്ഞ ഏ​താ​നും മാ​സ​ങ്ങ​ളാ​യി അ​ൽ​പം മെ​ച്ച​പ്പെ​ട്ടു​വെ​ങ്കി​ലും വീ​ണ്ടും കു​റ​ഞ്ഞ​താ​യി സം​സ്ഥാ​ന​ത​ല ബാ​േ​ങ്ക​ഴ്​​സ്​ സ​മി​തി​യു​ടെ ക​ണ​ക്കു​ക​ൾ വ്യ​ക്ത​മാ​ക്കു​ന്നു.

ക​ഴി​ഞ്ഞ മാ​ർ​ച്ചി​ൽ 4,93,562 കോ​ടി രൂ​പ​യാ​യി​രു​ന്നു നി​ക്ഷേ​പം. മൂ​ന്ന്​ മാ​സം കൊ​ണ്ട്​ 7461 കോ​ടി രൂ​പ​യാ​ണ്​ വ​ർ​ധി​ച്ച​ത്. പ്ര​വാ​സി നി​ക്ഷേ​പം ര​ണ്ടു​ല​ക്ഷം കോ​ടി​ക്ക്​ അ​ടു​ത്തെ​ത്തി. ജൂ​ൺ 30 വ​രെ 1,92,254 കോ​ടി രൂ​പ. ക​ഴി​ഞ്ഞ മാ​ർ​ച്ചി​ൽ 1,90,055 കോ​ടി രൂ​പ​യാ​യി​രു​ന്നു. 2199 കോ​ടി രൂ​പ മൂ​ന്ന്​ മാ​സം കൊ​ണ്ട്​ വ​ർ​ധി​ച്ചു. ക​ഴി​ഞ്ഞ വ​ർ​ഷം ജൂ​ണി​ൽ 1,76,098 കോ​ടി​യാ​യി​രു​ന്നു പ്ര​വാ​സി നി​ക്ഷേ​പം. ആ​ഭ്യ​ന്ത​ര നി​ക്ഷേ​പം ക​ഴി​ഞ്ഞ വ​ർ​ഷം ജൂ​ണി​ലെ 2,86,644 കോ​ടി​യി​ൽ​നി​ന്ന്​ ഇ​ക്കൊ​ല്ലം 3,08,769 കോ​ടി​യാ​യി ഉ​യ​ർ​ന്നു. ക​ഴി​ഞ്ഞ മാ​ർ​ച്ചി​ൽ ഇ​ത്​ 3,03,507 കോ​ടി രൂ​പ​യാ​യി​രു​ന്നു. 

ബാ​ങ്കു​ക​ൾ ന​ൽ​കി​യ മൊ​ത്തം വാ​യ്​​പ തു​ക 3,34,655 കോ​ടി​യാ​യി​ട്ടു​ണ്ട്. ക​ഴി​ഞ്ഞ മാ​ർ​ച്ചി​നെ​ക്കാ​ൾ 4755 കോ​ടി രൂ​പ​യാ​ണ്​ വ​ർ​ധി​ച്ച​ത്. വാ​യ്​​പ-​നി​േ​ക്ഷ​പ അ​നു​പാ​തം 66.79 ശ​ത​മാ​ന​മാ​യി. എ​ന്നാ​ൽ, ക​ഴി​ഞ്ഞ മാ​ർ​ച്ചി​നെ​ക്കാ​ൾ (66.84) അ​നു​പാ​ത​ത്തി​ൽ കു​റ​വ്​ വ​ന്നു. 2015 ഡി​സം​ബ​റി​ൽ 64.58 ശ​ത​മാ​ന​മാ​യി​രു​ന്നു വാ​യ്​​പ-​നി​ക്ഷേ​പ അ​നു​പാ​തം. ക​ഴി​ഞ്ഞ ഏ​താ​നും വ​ർ​ഷ​ങ്ങ​ളാ​യി അ​നു​പാ​തം ഏ​റി​യും കു​റ​ഞ്ഞു​മാ​യി​രു​ന്നു. 2016 ഡി​സം​ബ​റി​ൽ ഇ​ത്​ 62.38 ശ​ത​മാ​നം വ​രെ കു​റ​ഞ്ഞി​രു​ന്നു. മൊ​ത്തം വാ​യ്​​പ​യി​ൽ 4.08 ​ശ​ത​മാ​ന​മാ​ണ്​ കി​ട്ടാ​ക്ക​ടം. 

ക​ർ​ഷ​ക​രു​ടെ വ​രു​മാ​നം ഇ​ര​ട്ടി​യാ​ക്കാ​നു​ള്ള നി​​ർ​ദേ​ശ​ങ്ങ​ൾ എ​സ്.​എ​ൽ.​ബി.​സി ഉ​പ​സ​മി​തി മു​ന്നോ​ട്ടു​െ​വ​ച്ചു. കാ​ർ​ഷി​ക ഉ​ൽ​​പാ​ദ​ന ചെ​ല​വ്​ കു​റ​ക്കു​ക, ഉ​ൽ​പ​ന്ന​ങ്ങ​ളു​ടെ മി​നി​മം താ​ങ്ങു​വി​ല വ​ർ​ധി​പ്പി​ക്കു​ക, വി​ള ഇ​ൻ​ഷു​റ​ൻ​സ്​ ഉ​റ​പ്പാ​ക്കു​ക, ത​ട​സ്സ​മി​ല്ലാ​ത്ത വാ​യ്​​പ ല​ഭ്യ​മാ​ക്കു​ക, ഫാം ​ടൂ​റി​സം പ്രോ​ത്സാ​ഹി​പ്പി​ക്ക​ൽ തു​ട​ങ്ങി​യ​വ​യാ​ണ്​ നി​ർ​ദേ​ശ​ങ്ങ​ൾ.

റി​പ്പോ​ർ​ട്ട്​ അ​ടു​ത്ത ബാ​േ​ങ്ക​ഴ്​​സ്​ സ​മി​തി പ​രി​ഗ​ണി​ക്കും. പ്ര​ള​യ​ത്തി​ൽ വ​ൻ​നാ​ശം നേ​രി​ട്ട കാ​ർ​ഷി​ക മേ​ഖ​ല അ​തി​ജീ​വി​ച്ചു വ​രി​ക​യാ​ണെ​ന്നാ​ണ്​ റി​പ്പോ​ർ​ട്ടി​ലെ വി​ല​യി​രു​ത്ത​ൽ. കൃ​ഷി​ഭൂ​മി​യു​ടെ പാ​ട്ട​വു​മാ​യി ബ​ന്ധ​പ്പെ​ട്ട്​ ര​ജി​സ്ട്രേ​ഷ​ൻ ഫീ​സ്, സ്​​റ്റാ​മ്പ്​ ഡ്യൂ​ട്ടി എ​ന്നി​വ കു​റ​​ക്ക​​ണ​മെ​ന്ന്​​ ബാ​േ​ങ്ക​ഴ്​​സ്​ സ​മി​തി സ​ർ​ക്കാ​റി​നോ​ട്​ ആ​വ​ശ്യ​പ്പെ​ട്ടു. സ്​​റ്റാ​മ്പ്​ ഡ്യൂ​ട്ടി ഒ​രു ശ​ത​മാ​ന​മാ​യും ര​ജി​സ്​​ട്രേ​ഷ​ൻ ഫീ​സ്​ 0.5 ​ശ​ത​മാ​ന​മാ​യും കു​റ​ക്ക​ണ​മെ​ന്നാ​ണ്​ ആ​വ​ശ്യം. നി​ല​വി​ൽ അ​ഞ്ച്​​ ശ​ത​മാ​നം സ്​​റ്റാ​മ്പ്​ ഡ്യൂ​ട്ടി​യും ര​ണ്ട്​ ശ​ത​മാ​നം ര​ജി​സ്​​ട്രേ​ഷ​ൻ ഫീ​സു​മാ​ണു​ള്ള​ത്. 

Loading...
COMMENTS