Begin typing your search above and press return to search.
exit_to_app
exit_to_app
Homechevron_rightBusinesschevron_rightBankingchevron_rightന്യൂയോർക്ക്​ ഫെഡിന്‍റെ ...

ന്യൂയോർക്ക്​ ഫെഡിന്‍റെ ഫസ്റ്റ്​ വൈസ്​ പ്രസിഡന്‍റായി ഇന്ത്യൻ വംശജ നൗറീൻ ഹസ്സൻ

text_fields
bookmark_border
ന്യൂയോർക്ക്​ ഫെഡിന്‍റെ ഫസ്റ്റ്​ വൈസ്​ പ്രസിഡന്‍റായി ഇന്ത്യൻ വംശജ നൗറീൻ ഹസ്സൻ
cancel

ഇന്ത്യൻ വംശജ നൗറീൻ ഹസ്സനെ ന്യൂയോർക്കിലെ ഫെഡറൽ റിസർവ് ബാങ്കിന്‍റെ ഫസ്റ്റ്​ വൈസ് പ്രസിഡന്‍റും ചീഫ് ഓപ്പറേറ്റിങ്​ ഓഫീസറുമായി (സിഒഒ) തിരഞ്ഞെടുത്തു. ധനകാര്യ സേവന മേഖലയിൽ 25 വർഷത്തെ പരിചയസമ്പന്നതയുള്ള നൗറീൻ മാർച്ച്​ 15 മുതൽ സ്​ഥാനമേറ്റെടുക്കും. ഫെഡറൽ റിസർവ് ബാങ്കിന്‍റെ ബോർഡ്​ ഓഫ്​ ഡയറക്​ടർമാരാണ്​​ നൗറീനെ വൈസ്​ പ്രസിഡന്‍റായി നിയമിച്ചത്​. ഫെഡറൽ റിസർവ് സിസ്റ്റത്തിന്‍റെ ബോർഡ് ഓഫ് ഗവർണർമാർ നിയമനത്തിന് അംഗീകാരം നൽകിയതായും ഫെഡറൽ റിസർവ് ബാങ്ക് പ്രസ്താവനയിൽ പറഞ്ഞു.

"ഫസ്റ്റ് വൈസ് പ്രസിഡന്‍റ്​ എന്ന നിലയിൽ ന്യൂയോർക്ക് ഫെഡിന്‍റെ രണ്ടാമത്തെ റാങ്കിങ്​ ഓഫീസറും ഫെഡറൽ ഓപ്പൺ മാർക്കറ്റ് കമ്മിറ്റിയിലെ ഇതര വോട്ടിങ്​ അംഗവും ആയിരിക്കും നൗറീൻ ഹസ്സൻ," പ്രസ്താവനയിൽ അധികൃതർ അറിയിച്ചു. "നൗറീന്‍റെ നേതൃപാടവവും, വൈവിധ്യമാർന്ന ടീമുകളെ വളർത്തിയെടുക്കുന്നതിനുള്ള ആഴത്തിലുള്ള പ്രതിബദ്ധതയും, വിപുലമായ സാങ്കേതിക - സാമ്പത്തിക പരിചയസമ്പന്നതയും ഒരു ബാങ്ക് ലീഡർ എന്ന നിലയിൽ അവളുടെ പങ്ക് നിർണായകമാക്കും," -ന്യൂയോർക്ക് ഫെഡിന്‍റെ പ്രസിഡന്‍റും സിഇഒയുമായ ജോൺ സി. വില്യംസ് പറഞ്ഞതായി പ്രസ്​താവ ചൂണ്ടിക്കാട്ടുന്നു.

നൗറീൻ ഹസ്സന്‍റെ കുടുംബം ഇന്ത്യയിൽ നിന്ന്​ അമേരിക്കയിലേക്ക്​ കുടിയേറിയതാണ്​. നൗറീൻ പ്രിൻസ്റ്റൺ സർവ്വകലാശാലയിൽ നിന്ന് ബി.എ.യും സ്റ്റാൻഫോർഡ് യൂണിവേഴ്‌സിറ്റി ഗ്രാജുവേറ്റ് സ്‌കൂൾ ഓഫ് ബിസിനസിൽ നിന്ന് ബിസിനസ്​ അഡ്​മിനിസ്​ട്രേഷനിൽ ബിരുദാനന്തര ബിരുദവും നേടിയിട്ടുണ്ട്​. മോർഗൻ സ്റ്റാൻലി വെൽത്​ മാനേജ്​മെന്‍റിന്‍റെ ചീഫ്​ ഡിജിറ്റൽ ഓഫീസറായും ചാൾസ്​ ഷ്വാബ്​ കോർപറേഷനിൽ ഇൻവെസ്റ്റർ സർവീസസ്​ വിഭാഗത്തിന്‍റെ വൈസ്​ പ്രസിഡന്‍റായും അവർ ഇതിന്​ മുമ്പ്​ പ്രവർത്തിച്ചിട്ടുണ്ട്​.

Show Full Article
TAGS:Naureen Hassan Federal Reserve Bank New York 
News Summary - Indian American Naureen Hassan named first VP and COO of Federal Reserve Bank of New York
Next Story