വാട്സാപ്പ് ബാങ്കിങ്ങുമായി എസ്.ബി.ഐ; എങ്ങനെ ഉപയോഗിക്കാം

ഉപയോക്താകൾക്കായി വാട്സാപ്പ് അടിസ്ഥാനമാക്കിയുള്ള ബാങ്കിങ് സേവനം അവതരിപ്പിച്ച് എസ്.ബി.ഐ. അക്കൗണ്ട് ബാലൻസ് ചെക്ക് ചെയ്യാനും മിനി സ്റ്റേറ്റ്മെന്റ് കാണാനും എസ്.ബി.ഐയുടെ പുതിയ സേവനം ഉപയോഗപ്പെടുത്താം.

സേവനം രജിസ്റ്റർ ചെയ്യാനായി മൊബൈൽ നമ്പറിൽ നിന്ന് 7208933148 നമ്പറിലേക്ക് WAREG എന്ന ​മെസേജ് അയക്കണം. വാട്സാപ്പ് ബാങ്കിങ് രജിസ്റ്റർ ചെയ്താൽ 90226 90226 എന്ന നമ്പറിൽ നിന്നും വാട്സാപ്പിലേക്ക് സന്ദേശം ലഭിക്കും.

തുടർന്ന് ഈ നമ്പറിലേക്ക് ഹായ് എസ്.ബി.ഐ എന്ന സന്ദേശം നൽകിയാൽ അക്കൗണ്ട് ബാലൻസ് അറിയാനും മിനിസ്റ്റേറ്റ്മെന്റ് അറിയാനും സേവനം റദ്ദാക്കാനും സാധിക്കും. ഈ സേവനങ്ങൾ ലഭ്യമാകുന്നതിനായി ഒന്ന്, രണ്ട്, മൂന്ന് അക്കങ്ങൾ യഥാക്രമം ഓരോ സേവനത്തിനുമായി ടൈപ്പ് ചെയ്ത് അയച്ചാൽ മതിയാകും. നേരത്തെ ക്രെഡിറ്റ് കാർഡിനായും എസ്.ബി.​ഐ ഇത്തരം സേവനം അവതരിപ്പിച്ചിരുന്നു.