Begin typing your search above and press return to search.
proflie-avatar
Login
exit_to_app
exit_to_app
ചൈനീസ്​ ബഹിഷ്​കരണത്തിനിടയിലും ഐ.സി.ഐ.സി.ഐ ബാങ്കിൽ ചൈനീസ്​ കേന്ദ്രബാങ്കി​െൻറ നിക്ഷേപം
cancel
Homechevron_rightBusinesschevron_rightBankingchevron_rightചൈനീസ്​...

ചൈനീസ്​ ബഹിഷ്​കരണത്തിനിടയിലും ഐ.സി.ഐ.സി.ഐ ബാങ്കിൽ ചൈനീസ്​ കേന്ദ്രബാങ്കി​െൻറ നിക്ഷേപം

text_fields
bookmark_border

ന്യൂഡൽഹി: രാജ്യത്ത്​ ചൈനീസ്​ ഉൽപ്പന്നങ്ങൾ ബഹിഷ്​കരിക്കുകയും നിക്ഷേപങ്ങൾ നിരുത്സാഹപ്പെടുത്തുകയും ചെയ്യുന്നതി​നിടെ ​രാജ്യത്തെ ഏറ്റവും വലിയ ധനകാര്യ സ്​ഥാപനങ്ങളിൽ ഒന്നായ ഐ.സി.ഐ.സി.ഐ ബാങ്കിൽ വീണ്ടും ചൈനീസ്​ നിക്ഷേപം. ഐ.സി.ഐ.സി.ഐയുടെ മൂലധന സമാഹരണത്തിൽ ചൈനീസ്​ കേന്ദ്രബാങ്കായ പീപ്പ്​ൾസ്​ ബാങ്ക്​ 15,000 കോടി രൂപയുടെ നിക്ഷേപം നടത്തുകയായിരുന്നു. ചൈനീസ്​ ബാങ്കിന്​ പുറമെ നിരവധി ആഭ്യന്തര മ്യൂചൽ ഫണ്ടുകളും ഇൻഷുറൻസ്​ കമ്പനികള​ും ആഗോള സ്​ഥാപനങ്ങളും ബാങ്കിൽ നിക്ഷേപം നടത്തി.

അതേസമയം ഐ.സി.ഐ.സി.ഐ ബാങ്കി​ലെ നിക്ഷേപം ബാങ്കി​െൻറ മറ്റു പ്രവർത്തനങ്ങളെ ബാധിക്കില്ലെന്നാണ്​ വിദഗ്​ധരുടെ വിലയിരുത്തൽ.

കഴിഞ്ഞ മാർച്ചിൽ പ്രമുഖ ബാങ്കായ എച്ച്​.ഡി.എഫ്​.സിയുടെ ഒരുശതമാനം അവകാശ ഓഹരി പീപ്പ്ൾസ്​ ബാങ്ക്​ ഓഫ്​ ചൈന സ്വന്തമാക്കിയിരുന്നു. എച്ച്​.ഡി.എഫ്​.സിയിൽ നിക്ഷേപം എത്തിയതോടെ മാർച്ചിൽ ഇവയുടെ ഓഹരികൾ കുതിച്ചുയർന്നിരുന്നു. നിരവധി ഇന്ത്യൻ കമ്പനികളിൽ ഇത്തരത്തിൽ ചൈനീസ്​ നിക്ഷേപമുണ്ടെന്നാണ്​ വിലയിരുത്തൽ. ഇന്ത്യയിലെ ചൈനീസ്​ നിക്ഷേപങ്ങളിൽ പലതും ചൈനീസ്​ സർക്കാരിന്​ നേരി​ട്ടോ പരോക്ഷമായോ ബന്ധമുള്ള കമ്പനികളിൽ നിന്നുള്ളവയാണെന്നാണ്​ വിവരം.

എച്ച്​.ഡി.എഫ്​.സിയുടെ ചൈനീസ്​ നി​േക്ഷപം ക​ണ്ടെത്തിയതിന്​ പിന്നാലെ ഇന്ത്യയുമായി അതിർത്തി പങ്കിടുന്ന രാജ്യങ്ങളിൽനിന്നുള്ള നിക്ഷേപത്തിന്​ കേന്ദ്രസർക്കാരി​െൻറ മുൻകൂർ അനുമതി ആവശ്യമാണെന്ന നിയന്ത്രണം കൊണ്ടുവന്നിരുന്നു. പിന്നീട്​ കിഴക്കൻ ലഡാക്കിലെ ഗാൽവാൻ താഴ്​വരയിൽ ചൈന നടത്തിയ ആക്രമണത്തിൽ നിരവധി സൈനികർ കൊല്ലപ്പെട്ടതോടെ ചൈനീസ്​ ബഹിഷ്​കരണ വികാരം രാജ്യത്ത്​ ഉയർന്നു വന്നു. ഇതോടൊപ്പം ചൈനയുടെ 59 ആപ്പുകൾ രാജ്യത്ത്​ നിരോധിക്കുകയും ചെയ്​തു. ചൈനയുടെ ജനപ്രിയ ആപുകളായ ടിക്​ടോക്​, ഷെയർഇറ്റ്​, വിചാറ്റ്​ എന്നിവയും നിരോധിച്ചവയിൽ ഉൾപ്പെ​ടും.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:ChinaICICI BankBoycott ChinaChinas central bankPeoples Bank of China
News Summary - Boycott China movement Chinas central bank invests in ICICI Bank
Next Story