കരിപ്പൂരിൽ ദോഹ വിമാനം 16 മണിക്കൂർ വൈകി

കരിപ്പൂർ: എയർ ബബ്​ൾ കരാറിലെ അവ്യക്തതയെ തുടർന്ന്​ കോഴിക്കോട്​ വിമാനത്താവളത്തിൽനിന്നുള്ള ദോഹ വിമാനം മണിക്കൂറുകളോളം വൈകി. വ്യാഴാഴ്​ച രാവിലെ 6.25ന്​​ വിമാനമാണ്​ വൈകിയത്​. ഇന്ത്യയും ഖത്തറും തമ്മിലുള്ള കരാർ കാലാവധി ബുധനാഴ്​ച രാത്രിയോടെ അവസാനിച്ചിരുന്നു. ​ഇതോടെയാണ്​ യാത്ര പ്രതിസന്ധിയിലായത്​.

95 യാത്രക്കാരാണ്​ വിമാനത്തിലുണ്ടായിരുന്നത്​. കരാർ പുനഃസ്ഥാപിക്കുമെന്ന പ്രതീക്ഷയിൽ വിമാനം ആദ്യം ഉച്ചക്ക്​ 12നും പിന്നീട്​ ​ൈവകീട്ട്​ ആറിനും പുറപ്പെടുമെന്നറിയിച്ചിരുന്നു. അവ്യക്തത തുടർന്നതിനാൽ വൈകീട്ട്​ നാലിന്​ റദ്ദാക്കി. കരാർ പുനഃസ്ഥാപിച്ചതോടെയാണ്​ രാത്രി പത്തിന്​ പുറപ്പെട്ടത്​.