കരുവന്നൂർ ബാങ്ക് തട്ടിപ്പ്: എ.സി. മൊയ്തീൻ ഇന്ന് ഹാജരാകില്ല

കൊ​ച്ചി: ക​രു​വ​ന്നൂ​ർ സ​ഹ​ക​ര​ണ ബാ​ങ്ക് ത​ട്ടി​പ്പ് കേ​സു​മാ​യി ബ​ന്ധ​പ്പെ​ട്ട ചോ​ദ്യം ചെ​യ്യ​ലി​ന് മു​ൻ മ​ന്ത്രി​യും സി.​പി.​എം നേ​താ​വു​മാ​യ എ.​സി. മൊ​യ്തീ​ൻ എം.​എ​​ൽ.​എ വ്യാ​ഴാ​ഴ്ച എ​ൻ​ഫോ​ഴ്സ്​​മെ​ന്‍റ്​ ഡ​യ​റ​ക്ട​റേ​റ്റി​ൽ (ഇ.​ഡി) ഹാ​ജ​രാ​കി​ല്ല. കൊ​ച്ചി​യി​ലെ ഇ.​ഡി ആ​സ്ഥാ​ന​ത്ത് ചോ​ദ്യം ചെ​യ്യ​ലി​ന് ഹാ​ജ​രാ​കാ​ൻ മൊ​യ്തീ​ന് നോ​ട്ടീ​സ് ന​ൽ​കി​യി​രു​ന്നു. എ​ന്നാ​ൽ, തു​ട​ർ​ച്ച​യാ​യ അ‌​വ​ധി ദി​ന​ങ്ങ​ൾ കാ​ര​ണം 10 വ​ർ​ഷ​ത്തെ ആ​ദാ​യ നി​കു​തി റി​ട്ടേ​ൺ രേ​ഖ​ക​ൾ എ​ടു​ക്കാ​നാ​യി​ട്ടി​ല്ലെ​ന്നും ഇ​ത് ല​ഭി​ച്ച​ശേ​ഷം മ​റ്റൊ​രു ദി​വ​സം ഹാ​ജ​രാ​കാ​മെ​ന്നും ഇ-​മെ​യി​ൽ വ​ഴി അ​ദ്ദേ​ഹം ഇ.​ഡി​യെ അ‌​റി​യി​ച്ച​താ​യാ​ണ് വി​വ​രം. ഇ​തു​പ്ര​കാ​രം ഇ.​ഡി വീ​ണ്ടും നോ​ട്ടീ​സ് ന​ൽ​കും. ക​ഴി​ഞ്ഞ 22നാ​ണ് അ​ദ്ദേ​ഹ​ത്തി​ന്‍റെ വീ​ട്ടി​ൽ 22 മ​ണി​ക്കൂ​റോ​ളം നീ​ണ്ട റെ​യ്ഡ് ന​ട​ന്ന​ത്.

അ​തേ​സ​മ​യം, കേ​സി​ൽ മു​ന്‍ ബാ​ങ്ക് മാ​നേ​ജ​ര്‍ ബി​ജു ക​രീം, ഇ​ട​നി​ല​ക്കാ​ര​നെ​ന്ന് ഇ.​ഡി സം​ശ​യി​ക്കു​ന്ന പി.​പി. കി​ര​ൺ, മൊ​യ്തീ​ന്‍റെ ബി​നാ​മി​യെ​ന്ന് ഇ.​ഡി ആ​രോ​പി​ക്കു​ന്ന അ​നി​ൽ സേ​ട്ട് എ​ന്നി​വ​ർ ഇ.​ഡി​ക്ക്​ മു​ന്നി​ൽ ഹാ​ജ​രാ​യി. ഇ​വ​രു​ടെ ചോ​ദ്യം ചെ​യ്യ​ൽ മ​ണി​ക്കൂ​റു​ക​ളോ​ളം നീ​ണ്ടു. നോ​ട്ടീ​സ് ന​ൽ​കി ഇ​വ​രെ വി​ളി​ച്ചു​വ​രു​ത്തു​ക​യാ​യി​രു​ന്നു. ഇ​വ​രി​ൽ​നി​ന്ന് ല​ഭി​ച്ച മൊ​ഴി​ക​ളു​ടെ അ​ടി​സ്ഥാ​ന​ത്തി​ൽ കൂ​ടി​യാ​യി​രി​ക്കും മൊ​യ്തീ​നെ ചോ​ദ്യം ചെ​യ്യു​ക. 150 കോ​ടി​യു​ടെ ക്ര​മ​ക്കേ​ട്​ ബാ​ങ്കി​ൽ ന​ട​ന്നു​വെ​ന്നാ​ണ് ഇ.​ഡി ക​ണ്ടെ​ത്ത​ൽ. ഇ​തു​മാ​യി ബ​ന്ധ​പ്പെ​ട്ട കോ​ടി​ക​ളു​ടെ ബി​നാ​മി ഇ​ട​പാ​ടു​ക​ള്‍ക്ക് പി​ന്നി​ല്‍ മൊ​യ്തീ​നാ​ണെ​ന്ന നി​ല​പാ​ടി​ലാ​ണ് ഇ.​ഡി. ബാ​ങ്ക് വ​ഴി അ​നു​വ​ദി​ച്ച കോ​ടി​ക​ളു​ടെ ബി​നാ​മി വാ​യ്പ​ക​ൾ​ക്ക് പി​ന്നി​ലും അ​ദ്ദേ​ഹ​മാ​ണെ​ന്നാ​ണ് സം​ശ​യി​ക്കു​ന്ന​ത്. ബാ​ങ്ക് അം​ഗ​ങ്ങ​ൾ അ​ല്ലാ​ത്ത​വ​ർ​ക്കാ​ണ്​ ഇ​ത്ത​ര​ത്തി​ൽ വാ​യ്പ അ​നു​വ​ദി​ച്ച​തെ​ന്നും പാ​വ​പ്പെ​ട്ട​വ​രു​ടെ ഭൂ​മി അ​വ​ര​റി​യാ​തെ ബാ​ങ്കി​ൽ പ​ണ​യ​പ്പെ​ടു​ത്തി​യെ​ന്നു​മാ​ണ് അ​ധി​കൃ​ത​ർ വ്യ​ക്ത​മാ​ക്കു​ന്ന​ത്.

കരുതലോടെ സി.പി.എം

തൃ​ശൂ​ർ: രാ​ഷ്ട്രീ​യ വേ​ട്ട​യാ​ട​ലെ​ന്ന പ​തി​വ് പ്ര​തി​രോ​ധം കാ​ര്യ​മാ​യി ഫ​ലി​ക്കാ​തെ​വ​ന്ന​തോ​ടെ ക​രു​വ​ന്നൂ​ർ സ​ഹ​ക​ര​ണ ബാ​ങ്ക് ത​ട്ടി​പ്പു​കേ​സി​ൽ കൂ​ടു​ത​ൽ ക​രു​ത​ലെ​ടു​ത്ത് സി.​പി.​എം. മു​തി​ർ​ന്ന നേ​താ​വാ​യ മു​ൻ​മ​ന്ത്രി എ.​സി. മൊ​യ്തീ​ൻ എ​ൻ​ഫോ​ഴ്സ്മെ​ന്റ് ഡ​യ​റ​ക്ട​റേ​റ്റ് (ഇ.​ഡി) മു​മ്പാ​കെ ഹാ​ജ​റാ​കു​ന്ന​ത് വൈ​കി​പ്പി​ക്കു​ന്ന​ത് പു​തു​പ്പ​ള്ളി ഉ​പ​തെ​ര​ഞ്ഞെ​ടു​പ്പ് മു​ന്നി​ൽ ക​ണ്ടു​മാ​ത്ര​മ​ല്ലെ​ന്നാ​ണ് സൂ​ച​ന. കേ​സി​ൽ ക​ടു​ത്ത ന​ട​പ​ടി ഉ​ണ്ടാ​കു​മോ​യെ​ന്ന ആ​ശ​ങ്ക സി.​പി.​എ​മ്മി​നു​ണ്ട്. വ്യാ​ഴാ​ഴ്ച കൊ​ച്ചി​യി​ലെ ഇ.​ഡി ഓ​ഫി​സി​ൽ ഹാ​ജ​റാ​കാ​നാ​ണ് മൊ​യ്തീ​നോ​ട് ആ​വ​ശ്യ​പ്പെ​ട്ടി​രു​ന്ന​ത്. എ​ന്നാ​ൽ, ഇ​ന്ന് ഹാ​ജ​റാ​കാ​നാ​വി​ല്ലെ​ന്നും മ​റ്റൊ​രു ദി​വ​സം ഹാ​ജ​റാ​കാ​​മെ​ന്നു​മാ​ണ് മൊ​യ്തീ​ൻ അ​ന്വേ​ഷ​ണ ഏ​ജ​ൻ​സി​യെ അ​റി​യി​ച്ചി​ട്ടു​ള്ള​ത്.

സ​മീ​പ​കാ​ല​ത്ത് ഇ.​ഡി കാ​ര്യ​മാ​യ ത​യാ​റെ​ടു​പ്പു​ക​ൾ ന​ട​ത്തി​യ കേ​സാ​ണി​തെ​ന്നാ​ണ് പു​റ​ത്തു​വ​രു​ന്ന വി​വ​രം. മു​മ്പ് കേ​ന്ദ്ര ഏ​ജ​ൻ​സി​ക​ളു​ടെ ന​ട​പ​ടി​ക​ൾ​ക്കെ​തി​രെ ഗൂ​ഢാ​ലോ​ച​ന ആ​രോ​പി​ച്ച് ജു​ഡീ​ഷ്യ​ൽ അ​ന്വേ​ഷ​ണ​ത്തി​നു​വ​രെ സം​സ്ഥാ​ന സ​ർ​ക്കാ​ർ മു​തി​ർ​ന്ന സാ​ഹ​ച​ര്യ​ത്തി​ലാ​ണ് ഇ.​ഡി സൂ​ക്ഷ്മ​ത പു​ല​ർ​ത്തി മു​ന്നോ​ട്ടു​പോ​കു​ന്ന​ത്. പ​ര​മാ​വ​ധി സാ​ക്ഷി​മൊ​ഴി​ക​ൾ, ഡി​ജി​റ്റ​ൽ തെ​ളി​വു​ക​ൾ, രേ​ഖ​ക​ൾ എ​ന്നി​വ​യെ​ല്ലാം ശേ​ഖ​രി​ക്കു​ന്ന​തി​ൽ ബ​ഹു​ദൂ​രം മു​ന്നേ​റി​യ​താ​യാ​ണ് സൂ​ച​ന. മു​മ്പ് ഇ.​ഡി ഇ​ട​പെ​ട്ട സ്വ​ർ​ണ​ക്ക​ട​ത്ത് അ​ട​ക്കം കേ​സു​ക​ളി​ൽ രാ​ഷ്ട്രീ​യ​വേ​ട്ട​യാ​ട​ൽ മ​റ​യാ​ക്കാ​ൻ അ​നാ​യാ​സം ക​ഴി​ഞ്ഞി​രു​ന്നു.

എ​ന്നാ​ൽ, ക​രു​വ​ന്നൂ​രി​ൽ ത​ട്ടി​പ്പ് ന​ട​ന്നു​വെ​ന്ന​ത് നി​ഷേ​ധി​ക്കാ​നാ​വാ​ത്ത യാ​ഥാ​ർ​ഥ്യ​മാ​ണ്. ത​ട്ടി​പ്പി​ന്റെ വ്യാ​പ്തി സം​ബ​ന്ധി​ച്ചു​മാ​ത്ര​മാ​ണ് ഭി​ന്നാ​ഭി​പ്രാ​യ​മു​ള്ള​ത്. ത​ട്ടി​പ്പ് ന​ട​ത്തി​യ​ത് പാ​ർ​ട്ടി​ബ​ന്ധ​മു​ള്ള​വ​രാ​ണെ​ന്ന ആ​ക്ഷേ​പ​വും പ്ര​തി​രോ​ധി​ക്കാ​നാ​വു​ന്നി​ല്ല. സ​ഹ​ക​ര​ണ ബാ​ങ്കി​ൽ​നി​ന്ന് വാ​യ്പ എ​ടു​ക്കാ​നു​ള്ള ക​ടു​ത്ത ന​ട​പ​ടി​ക്ര​മ​ങ്ങ​ളും മ​റ്റും അ​റി​യാ​വു​ന്ന സ​ഹ​കാ​രി​ക​ൾ​ക്ക് മു​ന്നി​ൽ പ​തി​വ് വി​ശ​ദീ​ക​ര​ണ​ങ്ങ​ൾ മ​തി​യാ​വാ​തെ വ​രു​ക​യാ​ണ്. ബാ​ങ്കി​ന്റെ പ​രി​ധി​യി​ൽ ഉ​ൾ​പ്പെ​ടാ​ത്ത​വ​രും മ​റ്റും കോ​ടി​ക​ളു​ടെ വാ​യ്പ നേ​ടി​യെ​ന്ന​ത് വെ​റു​തെ വി​ശ​ദീ​ക​രി​ച്ച് ത​ടി​യൂ​രാ​വു​ന്ന കാ​ര്യ​വു​മ​ല്ല.

പ്രാ​ദേ​ശി​ക​നേ​താ​ക്ക​ളു​ടെ സ്വാ​ധീ​ന​ത്തി​ൽ ഇ​ത്ര വ​ലി​യ തു​ക വാ​യ്പ ന​ൽ​കി​ല്ലെ​ന്ന് സം​ശ​യി​ക്കു​ന്ന​തി​നെ കു​റ്റ​പ്പെ​ടു​ത്താ​നു​മാ​വു​ന്നി​ല്ല. ആ​രോ​പ​ണ​ങ്ങ​ളി​ൽ ചി​ല​തെ​ങ്കി​ലും പാ​ർ​ട്ടി അ​​ന്വേ​ഷ​ണ​ങ്ങ​ളും ശ​രി​വെ​ച്ച​താ​ണ്. ഇ​തോ​ടൊ​പ്പം ത​ട്ടി​പ്പി​ൽ പ്ര​ധാ​ന ആ​രോ​പ​ണ​ങ്ങ​ൾ നേ​രി​ടു​ന്ന​വ​ർ പ്ര​തി​കൂ​ല മൊ​ഴി​ക​ൾ ന​ൽ​കി​യ​താ​യി പു​റ​ത്തു​വ​രു​ന്ന വാ​ർ​ത്ത​ക​ളും സി.​പി.​എ​മ്മി​​നെ അ​ലോ​സ​ര​പ്പെ​ടു​ത്തു​ന്നു​ണ്ട്.