ബാ​സ്ക​റ്റ്ബാ​ൾ ലോ​ക​ക​പ്പ്: ശ്രദ്ധേയമാവുന്നത് കോം​പാ​ക്ട് ടൂ​ർ​ണ​മെ​ന്റ്

ന​വം​ബ​ർ-​ഡി​സം​ബ​ർ മാ​സ​ത്തി​ൽ ന​ട​ന്ന ലോ​ക​ക​പ്പ് ഫു​ട്ബാ​ളി​ൽ ശ്ര​ദ്ധേ​യ​മാ​യ കോം​പാ​ക്ട് ടൂ​ർ​ണ​മെ​ന്റ് എ​ന്ന നേ​ട്ടം ത​ന്നെ​യാ​ണ് ബാ​സ്ക​റ്റ്ബാ​ൾ ലോ​ക​ക​പ്പി​ലും ഖ​ത്ത​റി​ന് നേ​ട്ട​മാ​വു​ന്ന​ത്. ദോ​ഹ ന​ഗ​ര​ത്തി​ൽ ത​ന്നെ 32 ടീ​മു​ക​ളു​ടെ​യും മ​ത്സ​രം ന​ട​ത്താ​ൻ ക​ഴി​യു​ന്ന​ത് ഏ​റെ പ്ര​തീ​ക്ഷ​യോ​ടെ​യാ​ണ് ഫി​ബ വി​ല​യി​രു​ത്തു​ന്ന​ത്.

വെ​ള്ളി​യാ​ഴ്ച ന​ട​ന്ന വേ​ദി പ്ര​ഖ്യാ​പ​ന​ത്തി​ൽ സെ​ക്ര​ട്ട​റി ജ​ന​റ​ൽ ആ​ന്ദ്രെ സാ​ഗ്ക്ലി​സ് ഇ​ക്കാ​ര്യം വ്യ​ക്ത​മാ​ക്കി. ‘‘ഒ​രു ന​ഗ​ര​ത്തി​ൽ ത​ന്നെ മു​ഴു​വ​ൻ ടീ​മു​ക​ളു​ടെ​യും മ​ത്സ​രം ന​ട​ക്കു​മെ​ന്ന​താ​ണ് 2027 ലോ​ക​ക​പ്പി​ന്റെ പ്ര​ത്യേ​ക​ത. ആ​രാ​ധ​ക​ർ​ക്ക് കൂ​ടു​ത​ൽ മ​ത്സ​രം കാ​ണാ​നും ക​ളി​ക്കാ​ർ​ക്ക് അ​നാ​യാ​സം ഭാ​ഗ​മാ​കാ​നും അ​വ​സ​രം ന​ൽ​കും’’-​ഫി​ബ സെ​ക്ര​ട്ട​റി ജ​ന​റ​ൽ പ​റ​ഞ്ഞു.

മു​ൻ​വ​ർ​ഷ​ങ്ങ​ളി​ൽ ​ഓ​രോ ​രാ​ജ്യ​ത്തെ​യും വി​വി​ധ ന​ഗ​ര​ങ്ങ​ളാ​യി​രു​ന്നു ടൂ​ർ​ണ​മെ​ന്റ് വേ​ദി​ക​ളാ​യ​ത്. 2006ൽ ​ജ​പ്പാ​ൻ വേ​ദി​യാ​യ​പ്പോ​ൾ സ​പ്പോ​റോ മു​ത​ൽ ഹി​രോ​ഷി​മ വ​രെ രാ​ജ്യ​ത്തി​ന്റെ ഒ​ര​റ്റം മു​ത​ൽ മ​റ്റേ​യ​റ്റം വ​രെ​യാ​യി അ​ഞ്ചു ​സ്റ്റേ​ഡി​യ​ങ്ങ​ളി​ലാ​ണ് ടൂ​ർ​ണ​മെ​ന്റ് ന​ട​ന്ന​ത്.

2010 ലോ​ക​ക​പ്പി​ന് തു​ർ​ക്കി​യ​യാ​യി​രു​ന്നു വേ​ദി. അ​ങ്കാ​റ, ഇ​സ്തം​ബൂ​ൾ, ഇ​സ്മി​ർ, ക​യ്സേ​രി എ​ന്നീ ന​ഗ​ര​ങ്ങ​ളി​ലാ​യി അ​ഞ്ചു വേ​ദി​ക​ളി​ലാ​യി​രു​ന്നു മ​ത്സ​രം. 2014ൽ ​സ്‍പെ​യി​ൻ വേ​ദി​യാ​യ​പ്പോ​ൾ രാ​ജ്യ​ത്തി​ന്റെ നാ​ലു ഭാ​ഗ​ങ്ങ​ളി​ലെ പ്ര​ധാ​ന ന​ഗ​ര​ങ്ങ​ളി​ലാ​യി (സെ​വി​യ്യ, മ​ഡ്രി​ഡ്, ഗ്ര​ന​ഡ, ബാ​ഴ്സ​ലോ​ണ, ബി​ൽ​ബാ​വോ) ടൂ​ർ​ണ​മെ​ന്റ് ന​ട​ന്നു. 2019ൽ ​ചൈ​ന​യി​ലും വേ​ദി​ക​ൾ​ക്കി​ട​യി​ൽ ആ​യി​രം കി​ലോ​മീ​റ്റ​റി​നു മു​ക​ളി​ലാ​യി​രു​ന്നു ദൂ​രം.

ബെ​യ്ജി​ങ്, നാ​ൻ​ജി​ങ്, ഷാ​ങ്ഹാ​യ്, ഗ്വാ​ങ്ഡോ​ങ്, വു​ഹാ​ൻ എ​ന്നീ ന​ഗ​ര​ങ്ങ​ൾ. ഈ ​വ​ർ​ഷം ആ​ഗ​സ്റ്റി​ൽ 19ാമ​ത് ലോ​ക​ക​പ്പ് ന​ട​ക്കു​ന്ന​ത് ഫി​ലി​പ്പീ​ൻ​സ്, ജ​പ്പാ​ൻ, ഇ​ന്തോ​നേ​ഷ്യ എ​ന്നീ രാ​ജ്യ​ങ്ങ​ളി​ലാ​ണ്. ഇ​വി​ടെ നി​ന്നാ​ണ്, 2027ൽ ​ദോ​ഹ ന​ഗ​ര​ത്തി​ൽ മാ​ത്ര​മാ​യി വി​ശ്വ​മേ​ള​ക്ക് വേ​ദി​യൊ​രു​ങ്ങു​ന്ന​ത് എ​ന്ന പ്ര​ത്യേ​ക​ത​യു​ണ്ട്.