Begin typing your search above and press return to search.
proflie-avatar
Login
exit_to_app
exit_to_app
Homechevron_rightHot Wheelschevron_rightAuto Reviewschevron_rightഹ്യുണ്ടായ്​ അൽകസാർ...

ഹ്യുണ്ടായ്​ അൽകസാർ നിരത്തുതൊട്ടു; വിലയിൽ വിട്ടുവീഴ്​ച്ചയില്ല, സൗകര്യങ്ങളിലും

text_fields
bookmark_border
Hyundai Alcazar launched at Rs suv seven seater
cancel

ഇന്ത്യക്കാരുടെ മനസറിഞ്ഞ വാഹന നിർമാതാക്കളായാണ്​ ഹ്യൂണ്ടായ്​ അറിയപ്പെടുന്നത്​. രാജ്യത്തെ ഉപഭോക്​താക്കൾ തങ്ങളുടെ മനസി​െൻറ ഒരുപകുതി മാരുതിക്ക്​ നൽകിയപ്പോൾ മറുപകുതിയിൽ കൂടുതലും ​കൊണ്ടുപോയത്​ ഹ്യൂണ്ടായ്​ ആയിരുന്നു. ചെറുകാർ വിഭാഗത്തിലും ഹാച്ച്​ബാക്കിലും സെഡാനിലും എസ്​.യു.വിയിലുമെല്ലാം ഹ്യൂണ്ടായ്​ തങ്ങളുടെ മുദ്രകൾ പതിപ്പിച്ചിട്ടുണ്ട്​. എന്നാൽ ഒരു സെവൻ സീറ്റർ എന്ന സ്വപ്​നം കമ്പനി സാക്ഷാത്​കരിക്കുന്നത്​ ഇപ്പോഴാണ്​. ക്രെറ്റ എസ്​.യു.വിയുടെ ഏഴ്​ സീറ്റ്​ വകഭേദമായ അൽകാസർ എന്ന മോഡലാണ്​ ഇനിമുതൽ ഇന്ത്യയിലെ ഹ്യുണ്ടായുടെ പതാകവാഹകൻ. വാഹനം വെള്ളിയാഴ്​ച ഇന്ത്യൻ വിപണിയിൽ അവതരിപ്പിക്കപ്പെട്ടു.


വിലയിൽ വിട്ടുവീഴ്​ചചെയ്യാത്തതും മികച്ച ഗുണമേന്മയുള്ളതുമായ വാഹനമാണ്​ അൽകാസർ. പെട്രോൾ പതിപ്പി​െൻറ ഏറ്റവും കുറഞ്ഞ വില 16.30 ലക്ഷമാണ്​. ഡീസൽ പതിപ്പിന് 16.53 ലക്ഷം നൽകണം. ഓൺലൈനിലും ഡീലർഷിപ്പുകളിലും 25,000 രൂപ നൽകി വാഹനം ബുക്ക്​ ചെയ്യാം. ആറ്​, ഏഴ് സീറ്റ്​ ലേ ഒൗട്ടുകളിലും മൂന്ന്​ വേരിയൻറുകളിലും വാഹനം ലഭ്യമാണ്​. ​മൂന്ന്​ വേരിയൻറിലും ഒാ​േട്ടാമാറ്റിക്​ മോഡലുകളുമുണ്ട്​. 2.0 ലിറ്റർ പെട്രോൾ, 1.5 ലിറ്റർ ഡീസൽ എഞ്ചിൻ ഓപ്ഷനുകളുമാണ് വാഗ്​ദാനം ചെയ്യുന്നത്. ഹെക്​ടർ പ്ലസ്, എക്​സ്​ യു വി 500, ടാറ്റ സഫാരി എന്നിവയാണ്​ പ്രധാന എതിരാളികൾ.


രൂപകൽപ്പനാ വിശേഷങ്ങൾ

ക്രെറ്റയിൽ നിന്ന് വേർതിരിച്ചറിയാനായി അൽകാസറി​െൻറ ബാഹ്യഭാഗത്തിന് സൂക്ഷ്​മമായ ഡിസൈൻ മാറ്റങ്ങൾ വരുത്തിയിട്ടുണ്ട്​. പുതിയ ഗ്രിൽ, അപ്‌ഡേറ്റുചെയ്‌ത ഫ്രണ്ട് ബമ്പർ, റിയർ ക്വാർട്ടർ ഗ്ലാസ്, പുതിയ റാപ്റൗണ്ട് ടെയിൽ-ലൈറ്റുകൾ, ഡ്യുവൽ എക്‌സ്‌ഹോസ്​റ്റ്​ ടിപ്പുകൾ, 18 ഇഞ്ച് അലോയ് വീലുകൾ (ക്രെറ്റയുടേത്​ 17ആണ്​) എന്നിവ അൽകാസറിന്​ സ്വന്തം വ്യക്​തിത്വം നൽകുന്നുണ്ട്​.

ക്രെറ്റയുമായി താരതമ്യപ്പെടുത്തുമ്പോൾ മറ്റൊരു പ്രധാന വ്യത്യാസം 150 മില്ലീമീറ്റർ അധിക നീളമുള്ള വീൽബേസ് (2,760 മിമി) ആണ്​. പ്രസ്​റ്റീജ്, പ്ലാറ്റിനം, സിഗ്നേച്ചർ എന്നിങ്ങനെ മൂന്ന് ട്രിം ലെവലുകളിൽ അൽകാസാർ ലഭ്യമാണ്. ടൈഗാ ബ്രൗൺ, ടൈഫൂൺ സിൽവർ, പോളാർ വൈറ്റ്, ടൈറ്റൻ ഗ്രേ, ഫാൻറം ബ്ലാക്ക്, സ്​റ്റാർറി നൈറ്റ് എന്നീ നിറങ്ങളിലും അൽകാസർ ലഭ്യമാണ്. വെള്ള, ചാര നിറങ്ങൾ സംയോജിപ്പിച്ച ഇരട്ട-ടോൺ സ്​കീമും വാഹനത്തിലുണ്ട്​.


സവിശേഷതകൾ

സവിശേഷതകളുടെ നീണ്ട പട്ടിക അൽകാസന്​ മാറ്റ്​ കൂട്ടുന്നുണ്ട്​. അവയിൽ ചിലത് ഇൗ വിഭാഗത്തിൽ ആദ്യത്തേതുമാണ്. 10.25 ഇഞ്ച് ഡിജിറ്റൽ ഇൻസ്ട്രുമെൻറ്​ ക്ലസ്​റ്റർ (സെഗ്​മെൻറ്​ ഫസ്​റ്റ്​), ആൻഡ്രോയിഡ് ഓട്ടോ, ആപ്പിൾ കാർപ്ലേ എന്നിവയുള്ള 10.25 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെൻറ്​ സിസ്റ്റം, ഹ്യുണ്ടായുടെ കണക്റ്റഡ്​ കാർ ടെക്, ലെയ്ൻ ചേഞ്ച് ക്യാമറ ( ഇൻഡിക്കേറ്റർ ഉപയോഗിക്കുമ്പോൾ ഇൻസ്ട്രുമെൻറ്​ ക്ലസ്​റ്ററിൽ ദൃശ്യങ്ങൾ ലഭ്യമാകും), 360 ഡിഗ്രി ക്യാമറ, സൺ ഷേഡുകൾ, പനോരമിക് സൺറൂഫ്, ഐസോഫിക്​സ്​ ചൈൽഡ് സീറ്റ്​ മൗണ്ട്, വയർലെസ് ഫോൺ ചാർജിങ്​, ഓട്ടോമാറ്റിക് ക്ലൈമറ്റ് കൺട്രോൾ എന്നിവ വിവിധ വകഭേദങ്ങളിലായി ലഭിക്കും. ഐ 20, വെർന എന്നിവയിൽ നിന്ന് വ്യത്യസ്​തമായി, അൽകാസാർ പൂർണതോതിലുള്ള കളർ ഡിജിറ്റൽ സ്​ക്രീൻ ആണ്​ ഇൻസ്ട്രുമെൻറ്​ പാനലിൽ ഉപയോഗിക്കുന്നത്​.

6 സീറ്റുകളോ (രണ്ടാമത്തെ വരിയിൽ ക്യാപ്റ്റൻ സീറ്റ്​) അല്ലെങ്കിൽ 7 സീറ്റുകളോ (രണ്ടാമത്തെ വരിയിൽ ബെഞ്ച് സീറ്റ്​) ആയി വാഹനം ലഭ്യമാണ്​. ഇൻറീരിയറിൽ ബ്ലാക്ക് ആൻഡ് ബ്രൗൺ ഡ്യുവൽ-ടോൺ കളർ സ്​കീമാണ്​ വാഗ്​ദാനം ചെയ്യുന്നത്​. ക്യാപ്റ്റൻ സീറ്റ്​ പതിപ്പിന് കപ്പ്ഹോൾഡറുകളുള്ള സെൻട്രൽ ആം റെസ്​റ്റ്​, വയർലെസ് ഫോൺ ചാർജർ, അധിക സംഭരണ ​​ഇടം എന്നിവ ലഭിക്കും.


എഞ്ചിൻ

പെട്രോൾ, ഡീസൽ എഞ്ചിൻ ഓപ്ഷനുകൾ വാഹനത്തിലുണ്ട്​. 2.0 ലിറ്റർ, നാല് സിലിണ്ടർ പെട്രോൾ എഞ്ചിൻ എലാൻട്ര, ട്യൂസോൺ എന്നിവയിൽ വരുന്നതിനേക്കാൾ ശക്തികൂടിയ പതിപ്പാണ്. അൽകാസറിൽ ഇത് 159hp ഉം 192Nm ഉം (എലാൻട്രയേക്കാൾ 7hp കൂടുതൽ) പുറത്തെടുക്കും. ക്രെറ്റയിൽ നിന്നുള്ള 1.5 ലിറ്റർ, നാല് സിലിണ്ടർ ടർബോചാർജ്​ഡ്​ യൂനിറ്റാണ് ഡീസൽ എഞ്ചിൻ. 115 എച്ച്പി, 250 എൻഎം ടോർക്​ എന്നിവ ഇൗ എഞ്ചിൻ ഉത്പാദിപ്പിക്കും.

6 സ്​പീഡ് മാനുവൽ അല്ലെങ്കിൽ 6 സ്പീഡ് ഓട്ടോമാറ്റിക് ഗിയർബോക്​സുകളും ഉൾപ്പെടുന്നു. പെട്രോൾ മാനുവൽ കോൺഫിഗറേഷനുള്ള അൽകാസർ 9.5 സെക്കൻഡിൽ 0-100 കിലോമീറ്റർ വേഗത കൈവരിക്കും. കൂടാതെ കംഫർട്ട്, ഇക്കോ, സ്‌പോർട്ട്, ഒന്നിലധികം ട്രാക്ഷൻ കൺട്രോൾ മോഡുകളായ സാൻഡ്, സ്നോ, മഡ് എന്നിവയും ലഭ്യമാണ്​.

മൈലേജ്​

പെട്രോൾ മാനുവൽ പതിപ്പിന്​ 14.5kpl ആണ്​ മൈലേജ്​. ഓട്ടോമാറ്റിക് പതിപ്പ് 14.2kpl ലഭിക്കും. ഡീസൽ എഞ്ചിനിൽ മാനുവൽ‌ ഗിയർ‌ബോക്​സിൽ 20.4kpl ഉം ഓട്ടോമാറ്റിക്കിൽ 18.1kpl ഉം ഇന്ധനക്ഷമത പ്രതീക്ഷിക്കാം. ഈ വിഭാഗത്തിലെ ഏറ്റവും ഇന്ധനക്ഷമതയുള്ള എസ്‌യുവിയാണ് അൽകാസാറെന്നാണ്​ ഹ്യുണ്ടായ് അവകാശപ്പെടുന്നത്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:HyundaiSUVlaunchedAlcazar
Next Story