Top
Begin typing your search above and press return to search.
exit_to_app
exit_to_app
Homechevron_rightHot Wheelschevron_rightAuto Reviewschevron_rightലോകത്തിലെ വേഗതയേറിയ...

ലോകത്തിലെ വേഗതയേറിയ രണ്ടാമത്തെ എസ്​.യു.വി; ഒാഡി ആർ.എസ്​ ക്യൂ 8 ബുക്കിങ്ങ്​ ആരംഭിച്ചു

text_fields
bookmark_border
ലോകത്തിലെ വേഗതയേറിയ രണ്ടാമത്തെ എസ്​.യു.വി;  ഒാഡി ആർ.എസ്​ ക്യൂ 8 ബുക്കിങ്ങ്​ ആരംഭിച്ചു
cancel

ലോകത്തെ ഏറ്റവും വേഗതയുള്ള ​എസ്​.യു.വികൾ ഏതൊക്കെയാണ്​. മൂന്നുപേരാണ്​ തൽക്കാലം ഇൗ വിഭാഗത്തിലേക്ക്​ മത്സരിക്കുന്നത്​. ഒാഡി ആർ.എസ്​ ക്യൂ 8, ലംബൊർഗിനി ഉറൂസ്​, ബെൻറ്​ലെ ബെൻറയ്​ഗ. മണിക്കൂറിൽ 306 കിലോമീറ്ററുമായി നിലവിൽ ഒന്നാമത്​ ബെൻറ്​ലെ ബെൻറയ്​ഗയാണ്​.

ഉറൂസി​െൻറയും ഒാടി ക്യൂ 8 ആർ.എസി​െൻറയും വേഗത മണിക്കൂറിൽ 305 കിലോമീറ്റർ എന്ന നിലയിൽ തുല്യമാണ്​. മറ്റ്​ രണ്ട്​ വാഹനങ്ങളും സൂപ്പർ എസ്​.യു.വികൾ എന്ന വിഭാഗത്തിൽ വരു​േമ്പാൾ ക്യു 8 എന്ന സാധാരണ എസ്​.യു.വിയുടെ പെർഫോർമൻസ്​ വെർഷനാണ് ആർ.എസ് ക്യു 8 ​​. അതുകൊണ്ടുതന്നെ ഉറൂസി​െൻറയും ബെ ൻറയ്​ഗയുടെയും പകുതി വിലക്ക്​ ആർ.എസ് ക്യൂ 8 വാങ്ങാനും പറ്റും.

നിലവിൽ ഏറ്റവും താങ്ങാവുന്ന വിലയുള്ള സൂപ്പർ എസ്​.യു.വിയും ഇതുതന്നെയാണ്​. വില കുറവാണ്​ എന്ന്​ പറയു​േമ്പാൾ തീരെ കുറവാണെന്ന്​ ധരിക്കരുത്​. രണ്ട്​ കോടിയിലധികം നൽകിയാൽ മാത്രമെ ഒാഡി ആർ.എസ് ക്യൂ 8 ഗാരേജിലെത്തൂ. നിലവിൽ വാഹനത്തി​െൻറ ബുക്കിങ്ങ്​ ആരംഭിച്ചിട്ടുണ്ട്​. പൂർണമായും ഇറക്കുമതി ചെയ്യുന്ന വാഹനം വെബ്​​സൈറ്റ്​ വഴിയൊ ഡീലർഷിപ്പ്​ വഴിയൊ 15 ലക്ഷം രൂപ നൽകി ബുക്ക്​ ചെയ്യാം.

4.0 ലിറ്റർ, ട്വിൻ-ടർബോചാർജ്​ഡ്​ വി 8 പെട്രോൾ എഞ്ചിനാണ് ആർ‌എസ് ക്യു 8 ന് കരുത്ത് പകരുന്നത്. 600 എച്ച്.പി കരുത്തും 800 എൻ‌എം ടോർക്കും ഉൽപ്പാദിപ്പിക്കും. 8 സ്പീഡ് ഓട്ടോമാറ്റിക് ഗിയർബോക്സ്, ഓഡിയുടെ ക്വാഡ്രൊ ഓൾ-വീൽ ഡ്രൈവ് സിസ്റ്റം എന്നിവ വഴി നാല് ചക്രങ്ങളിലേക്കും പവർ എത്തിക്കുന്നു. 3.8 സെക്കൻഡിൽ 0-100 കിലോമീറ്റർ വേഗതയാർജിക്കും.

ആർ‌എസ് ക്യു 8 എങ്ങനെ തിരിച്ചറിയാം?

സാധാരണ ക്യൂ 8 ഉം ആർ.എസ്​ ക്യൂ 8 ഉം എങ്ങിനെ തിരിച്ചറിയാം. പുതുക്കിയ സിംഗിൾ ഫ്രെയിം ഗ്രില്ലും വലിയൊരു ഫ്രണ്ട് എയർ ഇൻടേക്കും സ്റ്റാൻഡേർഡ് ക്യു 8 ന് പുറത്തുള്ള മാറ്റങ്ങളിൽ ഉൾപ്പെടുന്നു. പെർഫോമൻസ് എസ്‌യുവിയിൽ കസ്റ്റം സൈഡ് സിൽ പ്ലേറ്റുകൾ, ആർ‌എസ് സ്‌പോയ്‌ലർ, റിയർ ഡിഫ്യൂസർ, വലിയ ക്വാഡ് എക്‌സ്‌ഹോസ്റ്റുകൾ എന്നിവ ഉൾപ്പെടുന്നു. 22 ഇഞ്ച് വീലുകൾ സ്റ്റാൻഡേർഡാണ്. ഒാപ്​ഷനലായി 23 ഇഞ്ച് വേണ​െമങ്കിൽ തെരഞ്ഞെടുക്കാം.

Show Full Article
TAGS:audi RSQ8 bookingopern hotwheels 
Next Story