ഒാഡി ഇ ട്രോൺ, ആഡംബര ഇ.വികളുടെ രാജാവ്​ ഇന്ത്യയിൽ

ആഡംബര ഇ.വികളിൽ പ്രമുഖനായ ഒാഡി ഇ ട്രോണും, ഇ ട്രോൺ സ്​പോർട്​സ്​ബാക്കും രാജ്യത്ത്​ അവതരിപ്പിച്ചു. ഒാഡിയുടെ ആദ്യത്തെ വൈദ്യുത എസ്​.യു.വിയാണ്​ ഇ ട്രോൺ. രണ്ട് ഇ ട്രോൺ വേരിയൻറുകളും ഒരു ഇ ട്രോൺ സ്പോർട്ട്ബാക്ക് വേരിയൻറും ഉപഭോക്താക്കൾക്കായി ലഭ്യമാണ്. 99.99 ലക്ഷം മുതലാണ്​ വില ആരംഭിക്കുന്നത്​. ഇ-ട്രോണിന് 99.99 ലക്ഷവും ഇ ട്രോൺ സ്‌പോർട്‌ബാക്കിന് 1.18 കോടിയുമാണ് വില.

രണ്ട് ഇവികളും ഡീലർഷിപ്പുകൾ വഴിയോ ഓഡിയുടെ ഓൺലൈൻ പോർട്ടൽ വഴിയോ ബുക്ക് ചെയ്യാം. അഞ്ച്​ ലക്ഷം രൂപ നൽകിയാണ്​ വാഹനം ബുക്ക്​ ചെയ്യേണ്ടത്​. രണ്ട്​ ബാറ്ററി ഒാപ്​ഷനുകളാണ്​ വാഹനത്തിലുള്ളത്​. 71 കിലോവാട്ട് ബാറ്ററി 379 കിലോമീറ്റർ ശ്രേണി നൽകും. 95 കിലോവാട്ട് ബാറ്ററി 484 കിലോമീറ്റർ റേഞ്ചും​ നൽകും.ഇ-ട്രോൺ മോ​േട്ടാർ 313 എച്ച്​.പിയും 540എൻ.എം ടോർക്കും പുറത്തടുക്കും. സ്​പോർട്​സ്​ ബാക്കാക​െട്ട 408 എച്ച്​.പിയും 664എൻ.എം ടോർക്കും ഉത്​പ്പാദിപ്പിക്കും. അഡാപ്റ്റീവ് എയർ സസ്പെൻഷൻ, പനോരമിക് സൺറൂഫ്, നാല്​ സോൺ എസി എന്നിവ സ്റ്റാൻഡേർഡാണ്​.

ഡിസൈൻ

ഒാഡിയുടെ ഏറ്റവും പുതിയ ഡിസൈൻ ഭാഷയ്ക്ക് അനുസൃതമായാണ്​ വാഹനങ്ങൾ രൂപപ്പെടുത്തിയിരിക്കുന്നത്​. ഇരുവശത്തും നേർത്ത എൽഇഡി ഹെഡ്​ലൈറ്റുകളുള്ള വലിയ ഗ്രിൽ ഇ ട്രോണിന് പുതുരൂപം നൽകുന്നു. ഇ ട്രോൺ സ്‌പോർട്‌ബാക്ക് ഡിസൈ​െൻറ ഭൂരിഭാഗവും റെഗുലർ മോഡലുമായി ചേർന്ന്​ നിൽക്കുന്നുണ്ട്​. വശത്ത് നിന്ന് നോക്കുമ്പോൾ സവിശേഷമായ എസ്‌യുവി-കൂ​െപ്പ രൂപം കൂടുതൽ വ്യക്​തമാകും. പിൻവശത്ത്, രണ്ട് മോഡലുകൾക്കും എൽഇഡി ടെയിൽ ലാമ്പുകളെ ബന്ധിപ്പിക്കുന്ന വീതിയുള്ള ലൈറ്റ് ബാർ ലഭിക്കും. 20 ഇഞ്ച്, 5-സ്‌പോക്ക് അലോയ് വീലുകളും രണ്ട് മോഡലുകൾക്കും സ്റ്റാൻഡേർഡാണ്.

ഇൻറീരിയർ

ഇ-ട്രോണി​െൻറ ഇൻറീരിയറുകളിൽ ഡ്യുവൽ-ടച്ച്‌സ്‌ക്രീൻ സംവിധാനമാണുള്ളത്​. 10.1 ഇഞ്ച് ഇൻഫോടെയ്ൻമെൻറ്​ ഡിസ്‌പ്ലേ, മറ്റ്​ നിയന്ത്രണങ്ങൾക്കായി 8.8 ഇഞ്ച് ഡിസ്‌പ്ലേ എന്നിവയാണുള്ളത്​. ഓഡിയുടെ 'വിർച്വൽ കോക്​പിറ്റ്' ഉൾപ്പെടുത്തിയിട്ടുണ്ട്​. മാട്രിക്സ് എൽഇഡി ഹെഡ്​ലൈറ്റുകൾ, പ്രോഗ്രസീവ് സ്റ്റിയറിങ്​, അഡാപ്റ്റീവ് എയർ സസ്പെൻഷൻ, 4-സോൺ ക്ലൈമറ്റ് കൺട്രോൾ, ക്രൂസ് കൺട്രോൾ, പ​േവർഡ് ടെയിൽഗേറ്റ്, പനോരമിക് സൺറൂഫ്, ലെതർ അപ്ഹോൾസ്റ്ററി എന്നിവ സ്റ്റാൻഡേർഡായി ലഭിക്കും.

705വാട്​സ്​ 16-സ്പീക്കർ, ബി & ഒ പ്രീമിയം ത്രീ ഡി സൗണ്ട് സിസ്റ്റം, 30-കളർ ആംബിയൻറ്​ ലൈറ്റിങ്​, എയർ പ്യൂരിഫയർ, 360 ഡിഗ്രി ക്യാമറകൾ എന്നിവ 50 ക്വാട്രോ ട്രിമ്മിൽ ലഭ്യമാണ്.സോഫ്റ്റ്-ക്ലോസ് ഡോറുകൾ, ഹെഡ്-അപ്പ് ഡിസ്പ്ലേ, ഓഡിയുടെ വെർച്വൽ കോക്ക്പിറ്റ് പ്ലസ്, അഡാപ്റ്റീവ് വൈപ്പറുകൾ, ഫ്ലാറ്റ്-ബോട്ടം സ്റ്റിയറിംഗ് വീൽ എന്നിവ ഉൾപ്പെടെ നിരവധി ഓപ്ഷണൽ എക്സ്ട്രാകളും ഓഡി വാഗ്ദാനം ചെയ്യുന്നുണ്ട്​.

6.8 സെക്കൻഡിൽ 0-100 കിലോമീറ്റർ വേഗത കൈവരിക്കാൻ കഴിയുന്ന വാഹനമാണ്​ ഇ ട്രോൺ. 95 കിലോവാട്ട്സ് ബാറ്ററി പായ്ക്ക് ഉള്ള പതിപ്പിൽ 5.7 സെക്കൻഡിൽ 0-100 കിലോമീറ്റർ വേഗതയിലെത്തും. 11 കിലോവാട്ട് എസി ചാർജർ ഉപയോഗിച്ച് 8.5 മണിക്കൂറിനുള്ളിൽ 0-80 ശതമാനം ചാർജ്​ ചെയ്യാനാകും. 150 കിലോവാട്ട് ഡിസി ഫാസ്റ്റ് ചാർജർ ഉപയോഗിച്ച് 30 മിനിറ്റിൽ 80 ശതമാനം ചാർജ് ചെയ്യാൻ കഴിയും. 11 കിലോവാട്ട് എസി ചാർജർ എതിരാളികളേക്കാൾ വേഗതയേറിയ എസി ചാർജിങ്​ ഇ ​ഡ്രോണിന്​ നൽകും. 22 കിലോവാട്ട് എസി ചാർജിങ്​ അനുവദിക്കുന്നതിന് ഓഡി ഒരു ഓൺബോർഡ് കൺവെർട്ടറും വാഗ്​ദാനം ചെയ്യുന്നുണ്ട്​.

വിപണിയിലെ മറ്റ് ആഡംബര ഇലക്ട്രിക് എസ്‌യുവികളായ​ ബെൻസ് ഇക്യുസി (1.07 കോടി രൂപ), ജാഗ്വാർ ഐ-പേസ് (1.06 കോടി രൂപ) എന്നിവയുമായാണ്​ ഓഡി ഇ-ട്രോൺ, ഇ-ട്രോൺ സ്‌പോർട്‌ബാക്ക് എന്നിവ മത്സരിക്കുന്നത്​.