ആഢംബരങ്ങളുടെ തമ്പുരാൻ അവതരിച്ചു; സുഖസൗകര്യങ്ങളിൽ ആകാശത്തോളം കുതിപ്പ്​

മെഴ്​സിഡസ്​ ബെൻസ്​ എസ്​ ക്ലാസ്​, വിശേഷണങ്ങൾ വേണ്ടതില്ലാത്ത ആഢംബരങ്ങളുടെ തമ്പുരാൻ. ലോകത്തിലെ ഏറ്റവും മികച്ച കാർ എന്ന വിശേഷണവും എസ്​ ക്ലാസിന്​ സ്വന്തമാണ്​. പുതിയ തലമുറ എസ്​ ക്ലാസി​െന പുറത്തിറക്കിയിരിക്കുകയാണ്​ ബെൻസ്​​. സാധാരണ എസ്​ ക്ലാസിന്​ ഡബ്ലു 223 എന്നും ലോങ്​ വീൽബേസിന്​ വി 223 എന്നുമാണ്​ പേരിട്ടിരിക്കുന്നത്​.

രണ്ടാം തലമുറ എം.ബി.യു.എക്​സ്​ സിസ്​റ്റം, റിയർവീൽ ​ൈഡ്രവിങ്​, റിയർ സീറ്റ്​ എയർബാഗ്​ തുടങ്ങി സ​​േങ്കതികവിദ്യയിലും ആഢ​ംബരങ്ങളിലും പുതിയ മാനദണ്ഡങ്ങൾ സൃഷ്​ടിക്കുകയാണ്​ എസ്​ ക്ലാസ്​. 'ഡിജിറ്റൽ ലൈറ്റ്'എന്നാണ്​ പുതിയ ഹെഡ്​ലൈറ്റുകളെ ബെൻസ്​ വിളിക്കുന്നത്​. വലുപ്പമേറിയ ക്രോം ഗ്രിൽ, വലിയ എയർ ഇൻടേക്കുകളുള്ള ഫ്രണ്ട് ബമ്പർ, പുത്തൻ ഡോർ ഹാൻഡിലുകൾ, എൽഇഡി ടെയിൽ-ലൈറ്റുകൾ, ഇരട്ട ക്രോം-ഫിനിഷ്ഡ് എക്‌സ്‌ഹോസ്റ്റുകൾ, തെരഞ്ഞെടുക്കാൻ പാകത്തിനുള്ള 18 മുതൽ 21 ഇഞ്ച് വരെ വലുപ്പമുള്ള ചക്രങ്ങൾ എന്നിവ പുതിയ എസ്​ ക്ലാസിലുണ്ട്​.

പുതിയ വാഹനത്തിന്​ 34 മില്ലീമീറ്റർ നീളവും 22 മില്ലീമീറ്റർ വീതിയും 12 മില്ലീമീറ്റർ വീതിയും കൂടിയിട്ടുണ്ട്​. വീൽബേസും 51 എംഎം വർദ്ധിച്ചു. പിൻസീറ്റ് യാത്രക്കാർക്ക് 24 എംഎം എന്ന മികച്ച ലെഗ് റൂം ലഭിക്കും. ബൂട്ട് ശേഷി 20 ലിറ്റർ വർദ്ധിച്ച് 550 ആയി. ലോകത്തിലെ ഏറ്റവും എയറോഡൈനാമിക് ആയ കാറുകളിലൊന്നാണ് പുതിയ എസ്-ക്ലാസ് എന്നാണ്​ മെഴ്‌സിഡസ് ബെൻസ് അവകാശപ്പെടുന്നത്​.

ഇൻറീരിയർ

പുതിയ എസ്-ക്ലാസിലെ ഉൾവശം സെവൻ സ്​റ്റാർ ഹോട്ടലുകളിലേതിന്​ സമാനമാണ്​. രണ്ടാം തലമുറ എം‌ബി‌യു‌എക്സ് ഇൻ‌ഫോടെയ്ൻ‌മെൻറ്​ സിസ്റ്റമാണ് നൽകിയിരിക്കുന്നത്​. 12.8 ഇഞ്ച് ടാബ്‌ലെറ്റ് ശൈലിയിലുള്ള ഒ‌എൽ‌ഇഡി ഇൻഫോടെയ്ൻമെൻറ്​ സ്‌ക്രീൻ, 12.3 ഇഞ്ച് 3 ഡി ഡിജിറ്റൽ ഇൻസ്ട്രുമെൻറ്​ ഡിസ്‌പ്ലേ പിൻസീറ്റ് യാത്രക്കാർക്കായി ആം റെസ്​റ്റിൽ ഘടിപ്പിച്ച ടാബ്‌ലെറ്റ്​ എന്നിവയുമുണ്ട്​.

പഴയ എസ്​ ക്ലാസിനെ അപേക്ഷിച്ച്​ 27 സ്വിച്ചുകൾ കുറവാണ്​ വാഹനത്തിന്​. ഇതിന്​ പകരം വോയ്​സ്​ കമാൻറുകളും ടച്ച്​ സ്​ക്രീനുകളും ഉപയോഗപ്പെടുത്തിയിരിക്കുന്നു. എം‌ബി‌യു‌എക്സ് സിസ്റ്റത്തിന് ഇപ്പോൾ 27 ഭാഷകളിൽ വോയ്‌സ് കമാൻഡുകൾ മനസിലാക്കാൻ കഴിയും. പിൻസീറ്റ് യാത്രക്കാർക്കും വോയ്​സ്​ കമാൻറ്​ ഉപയോഗിക്കാം എന്നതും പ്രത്യേകതയാണ്​.ആറ്​ സിലിണ്ടർ പെട്രോൾ ഡീസൽ എഞ്ചിനുകളാണ്​ വാഹനത്തിന്​ നൽകിയിരിക്കുന്നത്​​. 2021 ൽ വാഹനം ഇന്ത്യയിലെത്തിക്കുമെന്നാണ്​ ബെൻസ്​ പറയുന്നത്​.