പോളിഹൗസിൽ ചീരകൃഷി; ഹൈടെക് കർഷകനായയി ജോഷി ജോസഫ്

താ​മ​ര​ശ്ശേ​രി: പോ​ളി​ഹൗ​സി​ലെ ചീ​ര​കൃ​ഷി​യി​ലൂ​ടെ സം​സ്ഥാ​ന​ത്തെ ഹൈ​ടെ​ക് ക​ർ​ഷ​ക​നു​ള്ള അം​ഗീ​കാ​രം സ്വ​ന്ത​മാ​ക്കി ക​ട്ടി​പ്പാ​റ മ​ണി​മ​ല ജോ​ഷി ജോ​സ​ഫ്. കേ​ര​ള സ​ർ​ക്കാ​റി​ന്റെ ഹൈ​ടെ​ക് കൃ​ഷി​ക്കാ​ര​നു​ള്ള ഒ​രു ല​ക്ഷം രൂ​പ​യും പ്ര​ശ​സ്തി​പ​ത്ര​വും അ​ട​ങ്ങി​യ അ​വാ​ർ​ഡി​ന്റെ തി​ള​ക്ക​ത്തി​ലാ​ണ് ജോ​ഷി.

ദി​വ​സ​വും ഒ​രു ക്വി​ന്റ​ലോ​ളം ചീ​ര​യാ​ണ് ജോ​ഷി ജോ​സ​ഫ് വി​പ​ണി​യി​ലെ​ത്തി​ച്ചു വ​രു​ന്ന​ത്. 40 സെ​ന്റ് സ്ഥ​ല​ത്ത് 1200 ച​തു​ര​ശ്ര മീ​റ്റ​റി​ൽ പോ​ളി​ഹൗ​സ് ഒ​രു​ക്കി​യാ​ണ് ഈ ​യു​വ ക​ർ​ഷ​ക​ൻ ജൈ​വ​കൃ​ഷി ചെ​യ്യു​ന്ന​ത്. ഇ​തി​ന് പു​റ​മെ 20 സെ​ന്റ്റ് സ്ഥ​ല​ത്തും ഇ​ദ്ദേ​ഹം കൃ​ഷി ഇ​റ​ക്കി​യി​ട്ടു​ണ്ട്. പാ​ല​ക്കാ​ട​ൻ ചീ​ര​യാ​ണ് കൂ​ടു​ത​ലാ​യി കൃ​ഷി​ചെ​യ്യു​ന്ന​ത്.

ചീ​ര 250 ഗ്രാ​മി​ന്റെ ബ​ണ്ടി​ലാ​ക്കി​യാ​ണ് താ​മ​ര​ശ്ശേ​രി, ന​രി​ക്കു​നി, ഉ​ണ്ണി​കു​ളം തു​ട​ങ്ങി​യ സ്ഥ​ല​ങ്ങ​ളി​ലാ​ണ് വി​ൽ​പ​ന ന​ട​ത്തു​ന്ന​ത്. നാ​ട​ൻ പ​യ​ർ, ജാ​തി, കൊ​ക്കോ, തെ​ങ്ങ് തു​ട​ങ്ങി​യ​വ​യും ജോ​ഷി കൃ​ഷി ചെ​യ്യു​ന്നു​ണ്ട്. ജൂ​ൺ മാ​സം മു​ത​ൽ ഫെ​ബ്രു​വ​രി വ​രെ ചീ​ര കൃ​ഷി​യും ഫെ​ബ്രു​വ​രി മു​ത​ൽ മേ​യ് വ​രെ പ​യ​ർ കൃ​ഷി​യു​മാ​ണ് ഇ​ദ്ദേ​ഹം പി​ന്തു​ട​രു​ന്ന​ത്.

ഹൈ​ടെ​ക് കൃ​ഷി രീ​തി​ക​ൾ പി​ന്തു​ട​രു​ന്ന മി​ക​ച്ച ക​ർ​ഷ​ക​നാ​യാ​ണ് ജോ​ഷി ജോ​സ​ഫ് തെ​ര​ഞ്ഞെ​ടു​ക്ക​പ്പെ​ട്ടി​രി​ക്കു​ന്ന​ത്. പോ​ളി​ഹൗ​സി​ൽ എ​ത് കാ​ലാ​വ​സ്ഥ​യി​ലും മി​ക​ച്ച കൃ​ഷി ചെ​യ്യാ​നാ​കു​മെ​ന്ന് ഇ​ദ്ദേ​ഹം പ​റ​യു​ന്നു. ബി​രു​ദ​ധാ​രി​യാ​യ ഈ ​നാ​ൽ​പ​ത്തി​നാ​ലു​കാ​ര​ൻ ഇ​രു​പ​താം വ​യ​സ്സു മു​ത​ൽ കൃ​ഷി​യി​ൽ സ​ജീ​വ​മാ​ണ്. പി​താ​വ് എം.​എം. ജോ​സ​ഫും മാ​താ​വ് മേ​രി​യും ക​ർ​ഷ​ക​രാ​ണ്. ഭാ​ര്യ ഷി​ൻ​സി​യും വി​ദ്യാ​ർ​ഥി​ക​ളാ​യ മ​ക്ക​ളും ജോ​ഷി ജോ​സ​ഫി​ന് കൃ​ഷി​യി​ൽ എ​ല്ലാ പി​ന്തു​ണ​യു​മാ​യി രം​ഗ​ത്തു​ണ്ട്. കൊ​ടു​വ​ള്ളി ബ്ലോ​ക്ക് പ​ഞ്ചാ​യ​ത്തി​ന്റെ​യും കൃ​ഷി ഭ​വ​ന്റെ​യും മി​ക​ച്ച ക​ർ​ഷ​ക​നു​ള്ള അം​ഗീ​കാ​രം മു​മ്പ് ഇ​ദ്ദേ​ഹ​ത്തി​ന് ല​ഭി​ച്ചി​രു​ന്നു.