ഷ​മീ​റ എം.​ബി.​എ; അ​ഥ​വാ മ​ണ്ണി​നെ ബ​ഹു​മാ​നി​ക്കാ​നു​ള്ള അ​റി​വ്​

ഷമീറ കൃഷിയിടത്തിൽ

അ​ജ്​​മാ​ൻ: മാ​സ്​​റ്റ​ർ ഇ​ൻ ബി​സി​ന​സ്​ അ​ഡ്​​മി​നി​സ്​​ട്രേ​ഷ​ൻ എ​ന്നാ​ണ്​ എം.​ബി.​എ​യു​ടെ പൂ​ർ​ണ രൂ​പ​മെ​ങ്കി​ലും തൃ​ശൂ​ർ പാ​വ​റ​ട്ടി സ്വ​ദേ​ശി​നി ഷ​മീ​റ അ​ബ്​​ദു റ​സാ​ഖി​െ​ൻ​റ കാ​ര്യ​ത്തി​ൽ അ​തു വേ​റെ​യാ​ണ്. പ​ഠ​ന​ത്തി​ലും എ​ഴു​ത്തി​ലു​മെ​ല്ലാം മു​ന്നി​ൽ നി​ന്ന ഇ​വ​ർ​ക്ക്​ അ​ന്നേ മ​ണ്ണി​ൽ ഒ​രു ക​ണ്ണു​ണ്ടാ​യി​രു​ന്നു. എം.​ബി.​എ ക​ഴി​ഞ്ഞ്​ ഏ​തെ​ങ്കി​ലും ക​മ്പ​നി​യു​ടെ മാ​നേ​ജ​ർ പോ​സ്​​റ്റി​ലോ ഉ​പ​ദേ​ശ​ക​യാ​യോ ചേ​രു​വാ​ന​ല്ല നാ​ട്ടി​ൽ ഫാം ​തു​ട​ങ്ങാ​നാ​യി​രു​ന്നു തീ​രു​മാ​നം. സ്വ​ന്തം വീ​ട്​ പ​ണ​യ​പ്പെ​ടു​ത്തി ഒ​ന്ന​ര​യേ​ക്ക​ർ ഭൂ​മി​യി​ൽ ഫാം ​ആ​രം​ഭി​ക്കാ​നു​ള്ള തു​ക ക​ണ്ടെ​ത്തി. പ​ക്ഷെ താ​ൻ പ​ഠി​ച്ച ഡി​പ്ലോ​മ​ക​ൾ പോ​ര പ​ശു​ക്ക​ളെ ഡി​പ്ലോ​മാ​റ്റി​ക്​ ആ​യി കൈ​കാ​ര്യം ചെ​യ്യാ​നെ​ന്നു മ​ന​സി​ലാ​ക്കു​േ​മ്പാ​ഴേ​ക്കും ഒ​ന്ന​ര വ​ർ​ഷം പി​ന്നി​ട്ടു.  ന​ഷ്​​ടം, തി​രി​ച്ച​ട​വ്​ മു​ട​ങ്ങി. ഫാം ​പൂ​ട്ടു​ക​യ​ല്ലാ​തെ നി​വൃ​ത്തി​യി​ല്ലാ​യി​രു​ന്നു. അ​തി​നി​ടെ ഭ​ർ​ത്താ​വ്​ അ​ബ്​​ദു​റ​സാ​ഖി​​ന്​ യു.​എ.​ഇ​യി​ൽ ഉ​ണ്ടാ​യി​രു​ന്ന ജോ​ലി  ന​ഷ്​​ട​പ്പെ​ട്ട്​ പു​തി​യ ജോ​ലി​ക്കാ​യി സൗ​ദി​യി​ലേ​ക്ക്​ നീ​ങ്ങി.  അ​ങ്ങി​നെ​യി​രി​ക്കെ​യാ​ണ്‌  ജീ​വി​ത​ഗ​തി തേ​ടി ഷ​മീ​റ യു.​എ.​ഇ​യി​ൽ വി​സി​റ്റ് വി​സ​യി​ല്‍ വ​ന്നി​റ​ങ്ങു​ന്ന​ത്.

ക​ഴി​ഞ്ഞ വ​ര്‍ഷം ഏ​പ്രി​ലി​ല്‍ എ​ത്തി​യ ഷ​മീ​റ  ഒ​രു ഫാ​ര്‍മ​സി ക​മ്പ​നി​യി​ലാ​ണ് ജോ​ലി​ക്ക് ക​യ​റി​യ​ത്.  ഒ​രാ​ള്‍ നാ​ട്ടി​ല്‍ പോ​യ ഒ​ഴി​വി​ലാ​യ​തി​നാ​ല്‍ അ​വി​ടെ അ​ധി​കം തു​ട​രാ​ന്‍ ക​ഴി​ഞ്ഞി​ല്ല.  ഒ​രു ലി​മോ​സി​ന്‍ ക​മ്പ​നി​യി​ല്‍ ജോ​ലി ല​ഭി​ച്ചെ​ങ്കി​ലും കൃ​ത്യ​മാ​യ ശ​മ്പ​ളം ല​ഭി​ക്കാ​ത്ത​തി​നാ​ല്‍ അ​വി​ടെ​നി​ന്നും പോ​ന്നു. ഈ ​ജോ​ലി​ക​ള്‍ക്കി​ട​യി​ലും യു.​എ.​ഇ യി​ലെ പ്ര​മു​ഖ കാ​ര്‍ഷി​ക കൂ​ട്ടാ​യ്മ​യാ​യ ‘വ​യ​ലും വീ​ടും’​കൂ​ട്ടാ​യ്മ​യു​ടെ സ​ഹാ​യ​ത്താ​ല്‍ പ​ല​ര്‍ക്കും ഗാ​ര്‍ഡ​ന്‍ സെ​റ്റ് ചെ​യ്ത് കൊ​ടു​ക്കാ​ന്‍ അ​വ​സ​രം ല​ഭി​ച്ചി​രു​ന്നു. ലി​മോ​സി​ന്‍ ക​മ്പ​നി​യി​ലെ ജോ​ലി ന​ഷ്​​ട​പ്പെ​ട്ടു നാ​ലു​മാ​സം വെ​റു​തെ​യി​രു​ന്ന​പ്പോ​ള്‍ താ​മ​സ​മ​ട​ക്കം ന​ല്‍കി സ​ഹാ​യി​ച്ച​തും വ​യ​ലും വീ​ടും പ്ര​വ​ര്‍ത്ത​ക​രാ​ണ്.  വ​യ​ലും വീ​ടും പ്ര​വ​ര്‍ത്ത​ക​രും ഹാ​ബി​റ്റാ​റ്റ് ഗ്രൂ​പ്പും സ​ഹ​ക​രി​ച്ച് അ​ജ്മാ​ന്‍ അ​ല്‍ ത​ല്ല​യി​ലെ സ്കൂ​ളി​ല്‍  നെ​ൽ​വി​ത്തു​ക​ളു​ടെ കാ​വ​ൽ​ക്കാ​ര​ൻ എ​ന്ന​റി​യ​പ്പെ​ടു​ന്ന ചെ​റു​വ​യ​ല്‍ രാ​മ​നെ പ​െ​ങ്ക​ടു​പ്പി​ച്ച്​ ന​ട​ത്തി​യ വി​ത്ത്​ വി​ത​ക്ക​ല്‍ പ​രി​പാ​ടി​യി​ല്‍ പ​ങ്കെ​ടു​ത്ത ഷ​മീ​റ ത​െ​ൻ​റ കൃ​ഷി താ​ൽ​പ​ര്യ​ങ്ങ​ൾ ഹാ​ബി​റ്റാ​റ്റ് അ​ധി​കൃ​ത​രെ അ​റി​യി​ക്കു​ക​യാ​യി​രു​ന്നു. പു​സ്​​ത​ക​ങ്ങ​ളി​ലെ പാ​ഠ​ങ്ങ​ൾ​ക്കൊ​പ്പം പാ​ട​ത്തെ അ​റി​വു​ക​ളും കു​ട്ടി​ക​ൾ​ക്കു പ​ക​ർ​ന്നു ന​ൽ​കു​ന്ന ഹാ​ബി​റ്റാ​റ്റ്​ ഗ്രൂ​പ്പി​െ​ൻ​റ നാ​ലു സ്കൂ​ളു​ക​ളു​ടെ​യും ത​െ​ൻ​റ ഫാ​മി​െ​ൻ​റ​യും കോ​ഡി​നേ​റ്റ​ർ ചു​മ​ത​ല ഏ​ൽ​പ്പി​ച്ചു കൊ​ടു​ത്തു എം.​ഡി ഷം​സു സ​മാ​ൻ. 

തു​ട​ർ​ന്ന്​ അ​ക്വോ​ഫോ​നി​ക്സ് കാ​ര്‍ഷി​ക രീ​തി അ​ല്‍ ജ​റ​ഫ് സ്കൂ​ളി​ല്‍ പ​രീ​ക്ഷി​ച്ചു വി​ജ​യി​ച്ചു. മീ​ന്‍ വ​ള​ര്‍ത്തു​ക​യും അ​തി​ന്‍റെ വെ​ള്ളം ഉ​പ​യോ​ഗി​ച്ച് ചെ​ടി​ക​ള്‍ വ​ള​ര്‍ത്തു​ക​യും ചെ​യ്യു​ന്ന​താ​ണ് അ​ക്വ​ഫോ​നി​ക്സ്.​പൊ​തീ​ന, ല​റ്റ്യു​സ്, സ്​​േ​ട്രാ​ബ​റി, ബ്ര​ഹ്മി, അ​യ​മോ​ദ​കം, നി​ത്യ ക​ല്യാ​ണി, വാ​ട്ട​ര്‍ ലേ​റ്റീ​വ്സ്, അ​സോ​ള, ഡ​ക്ക് വീ​ട് തു​ട​ങ്ങി​യ​വ മി​ക​ച്ച രീ​തി​യി​ല്‍ ന​ട്ടു​വ​ള​ര്‍ത്തി. ഇ​നി ഹൈ​ഡ്രോ​ഫോ​ണി​ക്സ് കൃ​ഷി​രീ​തി​യാ​ണ്​ പ​രീ​ക്ഷി​ക്കു​ന്ന​ത്.  മാ​താ​വി​ല്‍ നി​ന്ന് പ​ക​ര്‍ന്ന് കി​ട്ടി​യ​താ​ണ് ത​ന്‍റെ കൃ​ഷി​യോ​ടു​ള്ള ആ​ഭി​മു​ഖ്യ​മെ​ന്ന് ഷ​മീ​റ പ​റ​യു​ന്നു.   വൈ​ദ്യ ഗു​ണ​ങ്ങ​ളു​ള്ള ഏ​റെ​യു​ള്ള ക​മ്മ്യു​ണി​സ്​​റ്റ്​ പ​ച്ച നാ​ട്ടി​ല്‍ നി​ന്ന്​ വേ​രോ​ട് കൂ​ടി കൊ​ണ്ട് വ​ന്ന് പ​ച്ച പി​ടി​പ്പി​ച്ചു ഷ​മീ​റ. ക​ഴി​ഞ്ഞ ത​വ​ണ നാ​ട്ടി​ല്‍ നി​ന്ന്​ മ​ട​ങ്ങു​മ്പോ​ള്‍ ഷ​മീ​റ​യു​ടെ ല​ഗേ​ജി​ല്‍   ക​ശു​മാ​വ്, പ്ലാ​വ്, പേ​ര, ചാ​മ്പ, ഇ​ലു​മ്പാ​ന്‍ പു​ളി, മു​വാ​ണ്ട​ന്‍ മാ​വ് എ​ന്നി​വ​യു​ടെ തൈ​ക​ളും കു​റേ വി​ത്തു​ക​ളും ക​ണ്ട്​ വി​മാ​ന​ത്താ​വ​ള അ​ധി​കൃ​ത​ർ ത​ന്നെ അ​ത്​​ഭു​ത​പ്പെ​ട്ടു. ജൈ​വ മാ​ലി​ന്യ​ങ്ങ​ള്‍ ഉ​പ​യോ​ഗ​പ്പെ​ടു​ത്തി ക​മ്പോ​സ്​​റ്റ്​ നി​ര്‍മ്മി​ക്കാ​ന്‍ ഒ​രു​ങ്ങു​ക​യാ​ണ് ഈ ​ഫാം കോ​ഡി​നേ​റ്റ​ര്‍. മൂ​ന്ന്‍ മ​ക്ക​ളി​ല്‍ മൂ​ത്ത​യാ​ൾ കൃ​ഷി​യോ​ട് ഏ​റെ ആ​ഭി​മു​ഖ്യം പു​ല​ര്‍ത്തു​ന്നു​ണ്ട്. സം​സ്ഥാ​ന, ജി​ല്ല, പ​ഞ്ചാ​യ​ത്ത്, സ്കൂ​ള്‍ ത​ല​ങ്ങ​ളി​ല്‍ കു​ട്ടി ക​ര്‍ഷ​ക​ന്‍ പു​ര​സ്കാ​ര​ങ്ങ​ളും നേ​ടി​യി​ട്ടു​ണ്ട്.

Loading...
COMMENTS