തേനൂറും പാഠപുസ്തകമായി പ്രഭാത്

കേ​ള​കം: വ​രു​മാ​ന​മു​ള്ള ജോ​ലി സ്വ​പ്നം കാ​ണു​ന്ന ചെ​റു​പ്പ​ക്കാ​ർ​ക്ക് മ​ധു​ര​മൂ​റു​ന്ന പാ​ഠ​പു​സ്ത​ക​മാ​ണ് കേ​ള​കം മ​ഞ്ഞ​ളാം​പു​റ​ത്തെ പാ​ലാ​രി​പ്പ​റ​മ്പി​ൽ പ്ര​ഭാ​ത്.

തേ​​നീ​ച്ച​ക​ളു​മാ​യു​ള്ള ച​ങ്ങാ​ത്ത​ത്തി​ലൂ​ടെ 18 വ​ർ​ഷം കൊ​ണ്ട് മി​ക​ച്ച സ​മ്പാ​ദ്യ​മാ​ണ് പ്ര​ഭാ​ത്​ നേ​ടി​യ​ത്. കു​ട്ടി​ക്കാ​ല​ത്ത് സാ​ഹ​സി​ക​ത നി​റ​ഞ്ഞ തേ​ൻ ശേ​ഖ​ര​ണം കൗ​തു​ക​മാ​യി വ​ള​ർ​ന്ന് ഇ​ഷ്ട​പ്പെ​ട്ട തൊ​ഴി​ലെ​ന്ന നി​ല​യി​ലേ​ക്ക് തേ​നീ​ച്ച വ​ള​ർ​ത്ത​ലി​ലേ​ക്ക് തി​രി​ഞ്ഞ​താ​യി പ്ര​ഭാ​ത് പ​റ​ഞ്ഞു. കേ​ര​ള​ത്തി​ലെ കാ​ലാ​വ​സ്ഥ​യ്ക്ക് ഏ​റ്റ​വും അ​നു​യോ​ജ്യ​മാ​യ ഞൊ​ടി​യ​ൽ തേ​നീ​ച്ച​ക​ളെ​യാ​ണ് പ്ര​ഭാ​തും തി​ര​ഞ്ഞെ​ടു​ത്തി​ട്ടു​ള്ള​ത്. വീ​ടി​ന് സ​മീ​പം നാ​ലു കി​ലോ​മീ​റ്റ​റി​ൽ 10 തോ​ട്ട​ങ്ങ​ളി​ലാ​യി 250ഓ​ളം തേ​നീ​ച്ച​ക്കൂ​ടു​ക​ളാ​ണ് സ്ഥാ​പി​ച്ചി​ട്ടു​ള്ള​ത്.

150 കൂ​ട് ചെ​റു​തേ​ൻ കോ​ള​നി​ക​ളു​മു​ണ്ട്. പെ​ട്ടി ഒ​ന്നി​ന് 10കി​ലോ മു​ത​ൽ 25 കി​ലോ വ​രെ വ​ൻ​തേ​നും 350 ഗ്രാം ​മു​ത​ൽ 600 ഗ്രാം ​വ​രെ ചെ​റു​തേ​നും ല​ഭി​ക്കു​ന്നു​ണ്ട്. ജ​നു​വ​രി മു​ത​ൽ ഏ​പ്രി​ൽ വ​രെ​യാ​ണ് സീ​സ​ൺ. റ​ബ​ർ ത​ളി​ർ​ക്കു​മ്പോ​ഴും ക​ശു​മാ​വ് പൂ​ക്കു​മ്പോ​ഴു​മാ​ണ് അ​നു​കൂ​ല കാ​ലം.

മ​ഴ​ക്കാ​ലം വൈ​കി​യാ​ൽ തേ​ൻ​ക​ർ​ഷ​ക​ർ​ക്ക് ഗു​ണ​മാ​ണ്. തേ​നീ​ച്ച​ക​ൾ പ​രാ​ഗ​ണ​ത്തി​ന് സ​ഹാ​യി​ക്കു​ന്ന​തി​നാ​ൽ പ​ച്ച​ക്ക​റി​യ​ട​ക്കം മ​റ്റ് വി​ള​ക​ൾ​ക്കും ഇ​വ ഗു​ണ​ക​ര​മാ​ണ്. വ​ൻ​തേ​ൻ കി​ലോ​യ്ക്ക് 250 രൂ​പ ല​ഭി​ക്കു​മ്പോ​ൾ ഔ​ഷ​ധ ഗു​ണ​മേ​റെ​യു​ള്ള ചെ​റു​തേ​നി​ന് 2000 രൂ​പ​യാ​ണ് വി​ല . ഹോ​ർ​ട്ടി കോ​ർ​പ്,ഖാ​ദി ബോ​ർ​ഡ് തു​ട​ങ്ങി​യ സ​ർ​ക്കാ​ർ ഏ​ജ​ൻ​സി​ക​ൾ മു​ഖേ​ന​യാ​ണ് വി​ൽ​പ​ന. മെ​ഴു​കി​നും ആ​വ​ശ്യ​ക്കാ​രേ​റെ​യാ​ണ്.

നൂ​റു​പെ​ട്ടി​യി​ൽ നി​ന്ന്​ 10 കി​ലോ മെ​ഴു​ക് കി​ട്ടും. കി​ലോ​യ്ക്ക് 400 രൂ​പ​യാ​ണ് വി​ല. ക​ണ്ണൂ​രി​ലെ മ​ല​ബാ​ർ ഹ​ണി എ​ന്ന സ്ഥാ​പ​ന​ത്തി​ൽ ഒ​രു​വ​ർ​ഷ​ത്തെ ഡി​പ്ലോ​മ കോ​ഴ്സി​ന്​ ചേ​ർ​ന്ന് പ​ഠി​ക്കു​ക​യാ​ണ് പ്ര​ഭാ​ത്. അ​ടു​ത്ത മാ​സം കോ​ഴ്‌​സ് പൂ​ർ​ത്തി​യാ​കും. തേ​നീ​ച്ച കൃ​ഷി​യി​ൽ ഡി​പ്ലോ​മ കോ​ഴ്സ് പൂ​ർ​ത്തി​യാ​ക്കു​ന്ന മ​ല​യോ​ര​ത്തെ ആ​ദ്യ യു​വാ​വാ​കും പ്ര​ഭാ​ത്.

തേ​നീ​ച്ച വ​ള​ർ​ത്ത​ൽ പ​രി​ശീ​ല​ക​രെ തി​ര​ഞ്ഞെ​ടു​ക്കാ​ൻ ആ​ദ്യ​മാ​യി പി.​എ​സ്.​സി വി​ജ്ഞാ​പ​നം ന​ട​ത്തി​യ​പ്പോ​ൾ അ​പേ​ക്ഷി​ക്കാ​ൻ ക​ഴി​ഞ്ഞ​തി​ന്റെ സ​ന്തോ​ഷ​ത്തി​ലാ​ണ് ഈ ​ചെ​റു​പ്പ​ക്കാ​ര​ൻ.