ക​ർ​ഷ​ക​ർ​ക്ക് അ​നു​ഗ്ര​ഹ​മാ​യി പ​ട്ടാ​മ്പി​യു​ടെ സു​പ്രി​യ നെ​ൽ വി​ത്ത്

പ​ട്ടാ​മ്പി: ക​ർ​ഷ​ക​ർ​ക്ക് അ​നു​ഗ്ര​ഹ​മാ​യി അ​ത്യു​ൽ​പാ​ദ​ന​ശേ​ഷി​യു​ള്ള പു​തി​യൊ​രു നെ​ൽ വി​ത്തി​നം കൂ​ടി പ​ട്ടാ​മ്പി പ്രാ​ദേ​ശി​ക ഗ​വേ​ഷ​ണ കേ​ന്ദ്രം വി​ക​സി​പ്പി​ച്ചെ​ടു​ത്തു. ജി​ല്ല​യു​ടെ വി​വി​ധ ഭാ​ഗ​ങ്ങ​ളി​ലാ​യി 10 ഹെ​ക്ട​റോ​ളം സ്ഥ​ല​ത്ത് പ​രീ​ക്ഷ​ണ കൃ​ഷി ചെ​യ്ത് മി​ക​ച്ച വി​ള​വ് ല​ഭി​ച്ച​തി​നെ​ത്തു​ട​ർ​ന്നാ​ണ് കൂ​ടു​ത​ൽ കൃ​ഷി​യി​ട​ങ്ങ​ളി​ലേ​ക്ക് വ്യാ​പി​പ്പി​ക്കാ​ൻ ല​ക്ഷ്യ​മി​ടു​ന്ന​ത്.

കി​ണാ​ശ്ശേ​രി, മാ​ത്തൂ​ർ, ഓ​ങ്ങ​ല്ലൂ​ർ പാ​ട​ശേ​ഖ​ര​ങ്ങ​ളി​ൽ വി​ത്തി‍െൻറ മു​ൻ​നി​ര പ്ര​ദ​ർ​ശ​ന​വും കൊ​യ്ത്തു​ത്സ​വ​വും ന​ട​ന്നു. ര​ണ്ടാം​വി​ള​യി​ൽ കൂ​ടു​ത​ൽ ഉ​പ​യോ​ഗി​ക്കു​ന്ന ഉ​മ വി​ത്തി​ന​ത്തി​ന് ആ​റ​ര ട​ണ്ണാ​ണ് ഹെ​ക്ട​റി​ന് വി​ള​വ്. സു​പ്രി​യ​ക്ക് ഹെ​ക്ട​റി​ന് ഏ​ഴ് ട​ണ്ണോ​ളം വി​ള​വ് ല​ഭി​ക്കും.

പ്ര​തി​രോ​ധശേ​ഷി​യു​ള്ള വി​ത്തി​ന​മാ​യ​തി​നാ​ൽ ജ​ല​ക്ഷാ​മ​മു​ള്ള മേ​ഖ​ല​ക​ളി​ലും ന​ല്ല​പോ​ലെ വി​ള​യും. ത​ണ്ടി​ന് ബ​ല​മു​ള്ള​തി​നാ​ൽ ക​തി​രി​ട്ട് മൂ​പ്പെ​ത്തു​മ്പോ​ൾ ചാ​ഞ്ഞു​വീ​ഴി​ല്ലെ​ന്ന പ്ര​ത്യേ​ക​ത​യു​മു​ണ്ട്. ഇ​തി​നാ​ൽ യ​ന്ത്രം ഉ​പ​യോ​ഗി​ച്ചു​ള്ള കൊ​യ്ത്തി​നും മെ​തി​ക്കും അ​നു​യോ​ജ്യ​മാ​ണ്.

അ​ക്ഷ​യ വി​ത്തി​ട്ട്​ ​മ​ണ്ണി​ൽ പൊ​ന്ന്​ ​വി​ള​യി​ച്ച്​ യു​വ​ക​ർ​ഷ​ക​ൻ

പു​തു​ന​ഗ​രം: അ​ക്ഷ​യ​യി​ലൂ​ടെ സൗ​ഭാ​ഗ്യം തേ​ടി രാ​മ​ദാ​സ് ബാ​ബു. പെ​രു​വെ​മ്പ് മ​ടി​യ​പ്പാ​ടം പാ​ട​ശേ​ഖ​ര​ത്തി​ലെ ക​ർ​ഷ​ക​രി​ലൊ​രാ​ളാ​യ സി​വി​ൽ എ​ൻ​ജി​നീ​യ​ർ രാ​മ​ദാ​സ് ബാ​ബു​വാ​ണ് പ​ട്ടാ​മ്പി നെ​ല്ല് ഗ​വേ​ഷ​ണ കേ​ന്ദ്രം വി​ക​സി​പ്പി​ച്ച ഏ​റ്റ​വും പു​തി​യ അ​ക്ഷ​യ നെ​ൽ​വി​ത്ത് ഉ​പ​യോ​ഗി​ച്ച് നൂ​റു​മേ​നി വി​ള​യി​ച്ച​ത്.

കാ​ർ​ഷി​ക കു​ടും​ബ​ത്തി​ൽ ജ​നി​ച്ച രാ​മ​ദാ​സ് ബാ​ബു ക​ഴി​ഞ്ഞ 20 വ​ർ​ഷ​മാ​യി നെ​ൽ​കൃ​ഷി​യി​ൽ സ​ജീ​വ​മാ​ണ്. മാ​താ​പി​താ​ക്ക​ളു​ടെ​യും സ​ഹോ​ദ​ര​ങ്ങ​ളു​ടെ​യു​മാ​യി 22 ഏ​ക്ക​റോ​ളം നെ​ൽ​കൃ​ഷി​യാ​ണ് രാ​മ​ദാ​സ് ബാ​ബു ചെ​യ്യു​ന്ന​ത്. യ​ന്ത്ര​വ​ത്കൃ​ത കൃ​ഷി​യു​മാ​യി മു​ന്നേ​റു​ന്ന ഇ​ദ്ദേ​ഹം പെ​രു​വ​മ്പ് കാ​ർ​ഷി​ക​ക​ർ​മ്മ സേ​ന​യു​ടെ സ​ഹാ​യ​ത്തോ​ടെ​യാ​ണ് ന​ടീ​ലും അ​നു​ബ​ന്ധ പ​രി​പാ​ടി​ക​ളും ന​ട​ത്തു​ന്ന​ത്.

പാ​ട​ശേ​ഖ​ര സെ​ക്ര​ട്ട​റി​യാ​യ പ്ര​ഭാ​ക​ര​നി​ൽ നി​ന്നാ​ണ് രാ​മ​ദാ​സ് ബാ​ബു നെ​ൻ​വി​ത്ത് വാ​ങ്ങി​യ​ത്. 48-50 വ​രെ ചി​ന​പ്പു​ണ്ടാ​യി​രു​ന്ന അ​ക്ഷ​യ ഇ​നം ഉ​മ​യെ താ​ര​ത​മ്യം ചെ​യ്യു​ബോ​ൾ രോ​ഗ ബാ​ധ​യും കീ​ട​ബാ​ധ​യും കു​റ​വാ​യി​രു​ന്ന​താ​യി കൃ​ഷി ഓ​ഫി​സ​ർ ടി.​ടി. അ​രു​ൺ പ​റ​ഞ്ഞു. ഇ​തു കൂ​ടാ​തെ സി.​ആ​ർ. 1009 വി​ത്തും പെ​രു​വെ​മ്പി​ൽ കൃ​ഷി ചെ​യ്യു​ന്നു​ണ്ട്.