85ലും കൃഷിയിടത്തിൽ കോയാന്​ ചെറുപ്പം

കൊ​ച്ചി: കോ​വി​ഡ്​ കാ​ല​ത്ത്​ കോ​യാ​നെ തേ​ടി​യെ​ത്തു​ന്ന​വ​ർ​ക്ക്​ എ​ല്ലാം നാ​ട​ൻ വേ​ണം. നാ​ട​ൻ മ​ഞ്ഞ​ൾ, ചെ​റു​കി​ഴ​ങ്ങ്, ഇ​ഞ്ചി, ചേ​മ്പ്​ എ​ന്നി​ങ്ങ​നെ ആ​വ​ശ്യ​ക്കാ​രു​ടെ ലി​സ്​​റ്റ്​​ നീ​ളും. 85ാം വ​യ​സ്സി​ലും പ​ര​സ​ഹാ​യ​മി​ല്ലാ​തെ കൃ​ഷി​യോ എ​ന്ന്​ ചോ​ദി​ച്ചാ​ൽ ''എ​ഴു​ന്നേ​റ്റ്​ ന​ട​ക്കും​വ​രെ സ്വ​ന്തം വ​രു​മാ​നം ഇ​തി​ലൂ​ടെ ക​ണ്ടെ​ത്തും'' -എ​ന്നാ​കും കോ​ത​മം​ഗ​ലം കു​റ്റി​ല​ഞ്ഞി മേ​ക്ക​ക്കു​ടി​യി​ൽ കോ​യാ​െൻറ പ്ര​തി​ക​ര​ണം.

''16ാം വ​യ​സ്സി​ൽ തു​ട​ങ്ങി​യ​താ​ണ്​ കൃ​ഷി. ആ​ദ്യം പാ​ട​ത്തും പ​റ​മ്പി​ലും ക​ന്നു​പൂ​ട്ടി. ക​ഴി​ഞ്ഞ വ​ർ​ഷം വ​രെ പാ​ട്ട​ത്തി​ന്​ ഭൂ​മി​യെ​ടു​ത്ത്​ വാ​ഴ കൃ​ഷി ചെ​യ്​​തി​രു​ന്നു. 400 വാ​ഴ വ​രെ വെ​ച്ച്​ കോ​ത​മം​ഗ​ലം മാ​ർ​ക്ക​റ്റി​ലും മ​റ്റും വി​റ്റു. വ​ലി​യ കൃ​ഷി ഏ​റ്റെ​ടു​ക്കാ​ൻ പ​റ്റാ​താ​യ​തോ​ടെ ഇ​പ്പോ​ൾ സ്വ​ന്തം പ​റ​മ്പി​ലെ ഇ​രു​പ​ത്തി​മൂ​ന്ന​ര സെൻറി​ലേ​ക്ക്​ ഒ​തു​ക്കി'' -അ​ദ്ദേ​ഹം പ​റ​യു​ന്നു.

ചേ​ന, പാ​വ​ൽ, കു​രു​മു​ള​ക്, മ​ധു​ര​ക്കി​ഴ​ങ്ങ്, വാ​ഴ, ക​പ്പ, വെ​റ്റി​ല, ക​മു​ക്​​ തു​ട​ങ്ങി​യ​വ കോ​യാ​െൻറ പ​റ​മ്പി​ൽ കാ​ണാം. കോ​വി​ഡ്​ കാ​ല​ത്ത്​ 18 കി​ലോ മ​ഞ്ഞ​ൾ പു​ഴു​ങ്ങി പൊ​ടി​ച്ച്​ തേ​ടി​വ​ന്ന​വ​ർ​ക്കാ​യി ന​ൽ​കി. രാ​സ​വ​ള​വും കീ​ട​നാ​ശി​നി​യും പ​റ​മ്പി​ലേ​ക്ക്​ അ​ടു​പ്പി​ക്കി​ല്ല. ചാ​രം, ആ​ട്ടി​ൻ​കാ​ട്ടം, ചാ​ണ​കം എ​ന്നി​വ​യൊ​ക്കെ​യാ​ണ്​ വ​ളം. നേ​രം പു​ല​ർ​ന്നാ​ൽ വൈ​കീ​ട്ടു​വ​രെ വി​ള​ക​ളെ തൊ​ട്ടും പ​രി​പാ​ലി​ച്ചു​മൊ​ക്കെ കോ​യാ​ൻ പ​റ​മ്പി​ലു​ണ്ടാ​കും.

സ്വ​ന്തം മ​രു​ന്നും ആ​വ​ശ്യ​ങ്ങ​ളും കൃ​ഷി വ​രു​മാ​ന​ത്തി​ൽ നി​ന്നാ​ണ്​ കോ​യാ​ൻ ക​ണ്ടെ​ത്തു​ന്ന​ത്. പ​ശു​വി​നെ​യും മ​റ്റും വ​ള​ർ​ത്തി​യ കാ​ല​ത്ത്​ ക്ഷീ​ര​ക​ർ​ഷ​ക​നു​ള്ള പ​ഞ്ചാ​യ​ത്തി​െൻറ അ​വാ​ർ​ഡ്​ ല​ഭി​ച്ചി​രു​ന്നു. ആ​റു​മ​ക്ക​ളു​ടെ​യും വി​വാ​ഹം ക​ഴി​ഞ്ഞു. ഭാ​ര്യ കു​ഞ്ഞാ​മ്മ​യും മ​ക​ൻ ജ​ലാ​ലും കു​ടും​ബ​വും കോ​യാ​നൊ​പ്പ​മു​ണ്ട്. പരേതരായ മുറിക്കാടൻ ബാപ്പുവി​െൻറയും മീരാമ്മയുടെയും മകനാണ്​.