മനസ്സുണ്ടെങ്കിൽ വിളവ്​ റെഡി; മരുഭൂമിയിൽ ഇസ്മായിലി​െൻറ കൃഷിപാഠം

12:08 PM
08/12/2018
ഭാര്യ ഷഹർബാനു മകൻ റിസ്​വാൻ എന്നിവർക്കൊപ്പം ഇസ്​മായിൽ പച്ചക്കറി കൃഷിയിടത്തിൽ

ബുറൈമി: ബുറൈമിയിലെ താമസസ്​ഥലത്ത് ഒരുക്കിയ കൃഷി വ്യാഴവട്ടം പിന്നിടുന്ന സന്തോഷത്തിലാണ്​ പെരിന്തൽമണ്ണ സ്വദേശി ഇസ്​മായിലും കുടുംബവും. മനസ്സൊരുക്കിയാൽ എവിടെയും ഏത്​ കാലാവസ്​ഥയിലും കൃഷിചെയ്യാനും പച്ചപ്പ്​ വ്യാപിപ്പിക്കാനും കഴിയുമെന്നാണ്​ ഇവർ കാണിച്ചുതരുന്നത്​. കഴിഞ്ഞ 12 വർഷമായി ഇവർ താമസസ്​ഥലത്തോട്​ ചേർന്ന്​ വിവിധ പച്ചക്കറികൾ വിജയകരമായി വിളയിക്കുന്നു.

ബുറൈമിയിൽ 28 വർഷമായി പെട്രോൾസ്​റ്റേഷനിൽ ജോലിചെയ്യുന്ന ഇസ്​മായിൽ ജൈവകൃഷിയിലൂടെ വിളയിച്ചെടുക്കുന്ന പച്ചക്കറികൾ കൂട്ടുകാർക്കും പരിചയക്കാർക്കും വിതരണം ചെയ്യുന്നു. കയ്​പ, മത്തൻ, പടവലം തുടങ്ങി പലതരം പച്ചക്കറികൾ ജൈവവളം ഉപയോഗിച്ചാണ് വളർത്തുന്നത്.

നാട്ടിൽനിന്നും ബുറൈമിയിൽ കൃഷിചെയ്യുന്നവരുടെ വാട്സ്​ആപ് ഗ്രൂപ്​ വഴിയാണ് വിത്തുകൾ ശേഖരിക്കുന്നതും നൂതന കൃഷിരീതികൾ മനസ്സിലാക്കുന്നതും. പച്ചക്കറി കൃഷിക്ക് പുറമെ കോഴി, കാട തുടങ്ങിയ പക്ഷികളെയും ഇവർ വളർത്തുന്നുണ്ട്. ഇസ്മായിലിനെ കൃഷിയിൽ സഹായിച്ച്​ ഭാര്യ ഷഹർബാനുവും മകൻ റിസ്​വാനും എപ്പോഴും കൂടെയുണ്ട്. താൽപര്യമുള്ളവർക്ക്​ ജൈവകൃഷിയെക്കുറിച്ച് അറിവ്​ നൽകാനും ബുറൈമിയിലെ സാമൂഹിക പ്രവർത്തകൻ കൂടിയായ ഇസ്മായിൽ തയാറാണ്​.

Loading...
COMMENTS