ഇടയാറ്റ് പാടത്ത് കൃഷി ഇറക്കാനാകാതെ കർഷകർ

മു​ള​ക്കു​ളം: അ​ടി​സ്ഥാ​ന സൗ​ക​ര്യ​ങ്ങ​ൾ ഇ​ല്ലാ​ത്ത​തി​നാ​ൽ മു​ള​ക്കു​ളം ഇ​ട​യാ​റ്റ് പാ​ട​ശേ​ഖ​ര​ത്തി​ലെ 75 ഏ​ക്ക​റോ​ളം സ്ഥ​ല​ത്ത്​ കൃ​ഷി ഇ​റ​ക്കാ​നാ​കാ​തെ ക​ർ​ഷ​ക​ർ. അ​ടി​സ്ഥാ​ന സൗ​ക​ര്യ​ങ്ങ​ൾ ഒ​രു​ക്ക​ണ​മെ​ന്നാ​വ​ശ്യ​പ്പെ​ട്ട് മു​ഖ്യ​മ​ന്ത്രി​ക്കും കൃ​ഷി​മ​ന്ത്രി​ക്കും അ​മ്പ​തോ​ളം ക​ർ​ഷ​ക​ർ ഒ​പ്പി​ട്ട നി​വേ​ദ​നം ന​ൽ​കി.

ഇ​ട​യാ​റ്റ് പാ​ട​ശേ​ഖ​ര​ത്തി​ലെ വെ​ട്ടു​കാ​ട്ടു​ചാ​ൽ, ഇ​ടി​ക്കു​ഴി, വാ​ച്ചു​നി​ലം, നി​ര​ന്ത​ല​വേ​ലി, ച​ങ്ങ​മ്മ​ത, ഒ​ത​ളം തു​ട​ങ്ങി​യ പ്ര​ദേ​ശ​ങ്ങ​ളി​ലാ​ണ് കൃ​ഷി​യി​റ​ക്കാ​നാ​കാ​തെ ക​ർ​ഷ​ക​ർ വി​ഷ​മി​ക്കു​ന്ന​ത്. വ​ർ​ഷ​ങ്ങ​ളാ​യി ത​രി​ശു​കി​ട​ന്ന പാ​ടം സ​ർ​ക്കാ​റി​െൻറ ഹ​രി​ത​കേ​ര​ളം പ​ദ്ധ​തി​യി​ൽ​പെ​ടു​ത്തി നാ​ലു​വ​ർ​ഷ​മാ​യി കൃ​ഷി ചെ​യ്തു​വ​രു​ക​യാ​ണ്. എ​ന്നാ​ൽ, എ​ല്ലാ വ​ർ​ഷ​വും ക​ർ​ഷ​ക​ർ​ക്ക് വ​ൻ സാ​മ്പ​ത്തി​ക ന​ഷ്​​ട​മാ​ണ് വ​രു​ന്ന​ത്.

സ​മ​യ​ത്ത് കൃ​ഷി ചെ​യ്യാ​ൻ പ​റ്റാ​ത്ത​തു​മൂ​ലം കൊ​യ്ത്താ​കു​മ്പോ​ഴേ​ക്കും മ​ഴ​യി​ൽ ന​ശി​ക്കു​ക​യാ​ണ്. ഇ​തി​ന് പ​രി​ഹാ​രം കാ​ണാ​ൻ കൃ​ഷി ന​വം​ബ​റി​ൽ ഇ​റ​ക്ക​ണ​മെ​ന്ന്​ ക​ർ​ഷ​ക​ർ പ​റ​യു​ന്നു. ഇ​തി​നാ​യി പാ​ട​ത്തെ വെ​ള്ളം വ​റ്റി​ക്ക​ണം. എ​ന്നാ​ൽ, തോ​ട്ടി​ൽ പാ​യ​ൽ നി​റ​ഞ്ഞ​തി​നാ​ൽ വെ​ള്ളം പൂ​ർ​ണ​മാ​യി വ​റ്റി​ക്കാ​ൻ ക​ഴി​യാ​റി​ല്ല. ഇ​തി​ന് പ​രി​ഹാ​രം കാ​ണ​ണ​മെ​ന്നാ​ണ്​ ക​ർ​ഷ​ക​രു​ടെ ആ​വ​ശ്യം. നേ​ര​ത്തേ ​െമെ​ന​ർ ഇ​റി​ഗേ​ഷ​ൻ വ​കു​പ്പ് തോ​ട്ടി​ലെ വെ​ള്ളം വ​റ്റി​ക്കു​ന്ന​തി​നാ​യി മോ​ട്ടോ​ർ സ്ഥാ​പി​ക്കാ​ൻ 1.15 കോ​ടി രൂ​പ​യു​ടെ പ​ദ്ധ​തി ത​യാ​റാ​ക്കി​യെ​ങ്കി​ലും ന​ട​പ്പാ​ക്കി​യി​ല്ല. 2019ൽ ​മൈ​ന​ർ ഇ​റി​ഗേ​ഷ​ൻ വ​കു​പ്പ് ച​ങ്ങ​ല​പാ​ല​ത്തി​ലെ പ​മ്പ് ഹൗ​സി​ന് സ​മീ​പം ചീ​പ്പ് നി​ർ​മി​ച്ച് വെ​ള്ളം വ​റ്റി​ക്കു​ന്ന​തി​നാ​യി 45 ല​ക്ഷം രൂ​പ​യു​ടെ എ​സ്​​റ്റി​റ്റി​മേ​റ്റ് ത​യാ​റാ​ക്കി സ​ർ​ക്കാ​റി​ന്​ ന​ൽ​കി​യി​രു​ന്നു. ഇ​തി​ൽ ഏ​തെ​ങ്കി​ലും പ​ദ്ധ​തി അ​ടി​യ​ന്ത​ര​മാ​യി ന​ട​പ്പാ​ക്ക​ണ​മെ​ന്ന്​ ക​ർ​ഷ​ക​ർ ആ​വ​ശ്യ​പ്പെ​ട്ടു.