നാളേക്കാവശ്യം നഗരകൃഷി

വ​ള​രെ വേ​ഗ​ത്തി​ൽ ന​ഗ​ര​വ​ത്ക​രി​ച്ചു​കൊ​ണ്ടി​രി​ക്കു​ന്ന സം​സ്ഥാ​ന​മാ​ണ് കേ​ര​ളം. ഗ്രാ​മ​ങ്ങ​ളി​ൽ​നി​ന്ന് പ​ട്ട​ണ​ങ്ങ​ളി​ലേ​ക്കു ചേ​ക്കേ​റു​ന്ന​വ​രു​ടെ എ​ണ്ണ​വും വേ​ഗ​വും കൂ​ടു​ത​ലാ​ണ്. ഐ​ക്യ​രാ​ഷ്ട്ര​സ​ഭ​യു​ടെ ക​ണ​ക്കി​ൽ 2050തോ​ടു​കൂ​ടി ലോ​ക​ജ​ന​സം​ഖ്യ 1000 കോ​ടി​യും ന​ഗ​ര​ത്തി​ലേ​ക്ക് ചേ​ക്കേ​റു​ന്ന​വ​ർ 70 ശ​ത​മാ​ന​ത്തി​ൽ കൂ​ടു​ത​ൽ ആ​കു​മെ​ന്നു​മാ​ണ്. ഇ​ത് ന​ഗ​ര​വാ​സി​ക​ളു​ടെ ഭ​ക്ഷ്യ​സു​ര​ക്ഷ​യെ​യും ആ​രോ​ഗ്യ​ത്തെ​യും ബാ​ധി​ക്കും. മാ​ത്ര​മ​ല്ല ന​ഗ​ര​ത്തി​ലെ ആ​വാ​സ​വ്യ​വ​സ്ഥ ത​കി​ടം മ​റി​യു​ന്ന​തി​നും പ​ച്ച​പ്പ് കു​റ​യു​ന്ന​തി​നും ചൂ​ട് വ​ർ​ധ​ന​ക്കും കാ​ര​ണ​മാ​കു​ന്നു. ഇ​ത് ന​ഗ​ര​വാ​സി​ക​ളി​ൽ വ​ലി​യ വെ​ല്ലു​വി​ളി​യാ​ണ് ഉ​യ​ർ​ത്തു​ന്ന​ത്.

ന​ഗ​ര കാ​ർ​ഷി​ക രം​ഗം പ്രോ​ത്സാ​ഹി​പ്പി​ക്കു​ക​വ​ഴി ഒ​രു പ​രി​ധി​വ​രെ ഇ​വ​യെ ചെ​റു​ക്കാ​നാ​കും. അ​തു​കൊ​ണ്ടു​ത​ന്നെ ന​ഗ​ര​കൃ​ഷി അ​തി​വേ​ഗം വ​ള​ർ​ന്നു​കൊ​ണ്ടി​രി​ക്കു​ന്നു. ന​ഗ​ര​ങ്ങ​ളി​ലെ സു​സ്ഥി​ര​മാ​യ വി​ക​സ​ന​ത്തി​നും ആ​രോ​ഗ്യ​ത്തി​നും സു​ര​ക്ഷി​ത ഭ​ക്ഷ​ണം, മെ​ച്ച​പ്പെ​ട്ട ആ​രോ​ഗ്യം എ​ന്നി​വ മെ​ച്ച​പ്പെ​ടു​ത്തു​ന്ന​തി​നും ന​ഗ​ര​കൃ​ഷി പ്രോ​ത്സാ​ഹി​പ്പി​ക്ക​പ്പെ​ടേ​ണ്ട​തു​ണ്ട്. ഇ​ന്ന​ത്തെ ഏ​റ്റ​വും വെ​ല്ലു​വി​ളി​യാ​യ കാ​ലാ​വ​സ്ഥ വ്യ​തി​യാ​ന​ത്തി​ന്റെ തീ​വ്ര​ത കു​റ​ച്ചു​കൊ​ണ്ടു​ള്ള കാ​ർ​ബ​ൺ തൂ​ലി​ത കൃ​ഷി (കാ​ർ​ബ​ൺ ന്യൂ​ട്ര​ൽ) ന​ഗ​ര​കൃ​ഷി​യി​ലൂ​ടെ സാ​ധ്യ​മാ​കും.

ന​ഗ​ര കൃ​ഷി​യി​ൽ പ​ച്ച​ക്ക​റി മാ​ത്ര​മ​ല്ല മൃ​ഗ​പ​രി​പാ​ല​നം, മ​ത്സ്യ​കൃ​ഷി, കോ​ഴി​വ​ള​ർ​ത്ത​ൽ, തേ​നീ​ച്ച വ​ള​ർ​ത്ത​ൽ, പു​ഷ്പ​കൃ​ഷി, ഫ​ല​വ​ർ​ഗ​കൃ​ഷി, പൂ​ന്തോ​ട്ട​കൃ​ഷി എ​ന്നി​വ ന​ഗ​ര ആ​വാ​സ​വ്യ​വ​സ്ഥ​ക്ക് അ​നു​സ​രി​ച്ചു നൂ​ത​ന​മാ​യ രീ​തി​യി​ലൂ​ടെ കൃ​ഷി​ചെ​യ്തു​വ​രു​ന്നു. എ​ന്നാ​ൽ മ​ണ്ണ്, വെ​ള്ളം, തൈ​ക​ൾ, വി​ത്തു​ക​ൾ, സ്ഥ​ലം, സാ​ങ്കേ​തി​ക​മാ​യ പ​രി​ജ്ഞാ​ന​ക്കു​റ​വ് എ​ന്നി​വ ന​ഗ​ര​കൃ​ഷി​യു​ടെ വ​ലി​യ പ​രി​മി​തി​ക​ളാ​ണ്. നൂ​ത​ന​മാ​യ കൃ​ഷി​രീ​തി​ക​ൾ​ക്കു ഇ​വ പ​രി​ഹ​രി​ക്കാ​ൻ ക​ഴി​യും.

പ​രി​ച​യ​പ്പെ​ടാം ന​ഗ​ര​കൃ​ഷി​രീ​തി​ക​ളെ

മ​റ്റു​ള്ള പ്ര​ദേ​ശ​ങ്ങ​ളി​ലെ കൃ​ഷി​രീ​തി​ക​ളി​ൽ​നി​ന്നും വ​ള​രെ വ്യ​ത്യ​സ്ത​ത പു​ല​ർ​ത്തു​ന്ന​താ​ണ് ന​ഗ​ര കൃ​ഷി​രീ​തി​ക​ൾ. നൂ​ത​ന​മാ​യ വി​വി​ധ കൃ​ഷി​രീ​തി​ക​ൾ ഇ​തി​നാ​യി അ​വ​ലം​ബി​ക്കു​ന്നു. ന​ഗ​ര​കൃ​ഷി കൂ​ടു​ത​ലും ന​ഗ​ര നി​ർ​മി​തി​ക​ളു​മാ​യി കൂ​ടി​ച്ചേ​ർ​ന്നു​നി​ൽ​ക്കു​ന്ന​താ​ണ്.

ലം​ബ കൃ​ഷി (വെ​ർ​ട്ടി​ക്ക​ൽ ഫാ​മി​ങ്), മ​ട്ടു​പ്പാ​വ് കൃ​ഷി, ചു​മ​ർ കൃ​ഷി (എ​ഡി​ബി​ൾ വാ​ൾ), അ​ക​ത്ത​ള കൃ​ഷി ( ഇ​ൻ​ഡോ​ർ ഫാ​മി​ങ് ), ന​ഗ​ര ഫാ​മു​ക​ൾ, ക​മ്യൂ​ണി​റ്റി ഗാ​ർ​ഡ​ൻ​സ്, വ്യാ​വ​സാ​യി​ക അ​ടി​സ്ഥാ​ന​ത്തി​ൽ കൃ​ഷി​ചെ​യ്യു​ന്ന ഫാ​മു​ക​ൾ, സ്കൂ​ൾ ഗാ​ർ​ഡ​ൻ​സ് എ​ന്നി​വ​യാ​ണ് പ്ര​ധാ​ന​പ്പെ​ട്ട ന​ഗ​ര കൃ​ഷി​യി​ട​ങ്ങ​ളും കൃ​ഷി​രീ​തി​ക​ളും. ആ​ധു​നി​ക സാ​ങ്കേ​തി​ക​വി​ദ്യ​യി​ലൂ​ടെ വി​ക​സി​പ്പി​ച്ചെ​ടു​ത്ത ഹൈ​ഡ്രോ​പോ​ണി​ക് , അ​ക്വാ​പോ​ണി​ക് , എ​യ്റോ​പോ​ണി​ക് പോ​ലു​ള്ള കൃ​ഷി​രീ​തി​ക​ളും അ​വ​ലം​ബി​ച്ചു​പോ​രു​ന്നു.

ന​ഗ​ര​കൃ​ഷി ന​ഗ​ര​ആ​വാ​സ വ്യ​വ​സ്ഥ​യെ പ​രി​പോ​ഷി​പ്പി​ക്കു​ന്ന​തെ​ങ്ങ​നെ ?

ന​ഗ​ര​കൃ​ഷി​ക്ക് ന​ഗ​ര ആ​വാ​സ​വ്യ​വ​സ്ഥ​യെ​യും ജൈ​വ​വൈ​വി​ധ്യ​ത്തെ​യും പ​രി​പോ​ഷി​പ്പി​ക്കാ​ൻ ക​ഴി​യും. ജൈ​വ​വൈ​വി​ധ്യ സം​ര​ക്ഷ​ണ​ത്തി​ലൂ​ടെ ന​ഗ​ര​ത്തി​ലെ ഹ​രി​താ​വ​സ്ഥ നി​ല​നി​ർ​ത്താ​നും കാ​ലാ​വ​സ്ഥ​വ്യ​തി​യാ​ന​ത്തി​ന്റെ ഫ​ല​മാ​യി ഉ​ണ്ടാ​കു​ന്ന ക​ന​ത്ത ചൂ​ടി​ൽ​നി​ന്നും ര​ക്ഷ​നേ​ടാ​നും ക​ഴി​യും. സു​സ്ഥി​ര​മാ​യ ഹ​രി​ത ന​ഗ​ര​ങ്ങ​ൾ ആ​രോ​ഗ്യ​മു​ള്ള ജ​ന​ത​യെ​യും പ​രി​സ്ഥി​തി​യെ​യും സൃ​ഷ്ടി​ക്കു​ന്നു.

ന​ഗ​ര കൃ​ഷി ന​ട​പ്പി​ലാ​ക്കു​ക​വ​ഴി ജൈ​വ​മാ​ലി​ന്യ നി​ർ​മാ​ർ​ജ​നം പ്ര​ത്യേ​കി​ച്ച് വീ​ട്ടു​വ​ള​പ്പി​ലെ ജൈ​വ​മാ​ലി​ന്യ പ്ര​ശ്ന​ങ്ങ​ളെ അ​തി​ന്റെ ഉ​റ​വി​ട​ത്തി​ൽ​വെ​ച്ചു​ത​ന്നെ പ​രി​ഹ​രി​ക്കാ​നും സാ​ധി​ക്കു​ന്നു. മ​ഴ​വെ​ള്ള സം​ഭ​ര​ണി​ക​ളു​ടെ ഉ​പ​യോ​ഗം ജ​ല​വി​നി​യോ​ഗ​ത്തെ കാ​ര്യ​ക്ഷ​മ​മാ​യി കൃ​ഷി​ക്ക് ഉ​പ​യോ​ഗി​ക്കാ​ൻ ഉ​പ​ക​രി​ക്കു​ന്നു.