പ​ച്ചക്കാ​യ​ക്ക് വി​ല​യി​ടി​വ്; പ​ഴ​ത്തി​ന് മെ​ച്ചം

പു​ൽ​പ​ള്ളി: പ​ച്ച നേ​ന്ത്ര​ക്കാ​യ​യേക്കാ​ൾ വി​ല ല​ഭി​ക്കു​ന്ന​തി​നാ​ൽ ക​ർ​ഷ​ക​ർ പ​ഴ​മാ​യി വി​ൽ​ക്കു​ന്നു. ഒ​രു കി​ലോ പ​ച്ചക്കായക്ക് 20 രൂ​പ​യാ​ണ് ക​ർ​ഷ​ക​ർ​ക്ക് ല​ഭി​ക്കു​ന്ന​ത്. പ​ഴ​മാ​യി വി​ൽ​ക്കു​മ്പോ​ൾ 30 മു​ത​ൽ 35 രൂ​പ​വ​രെ വി​ല ല​ഭി​ക്കു​ന്നു​ണ്ട്. ത​മി​ഴ്നാ​ട്ടി​ൽ നി​ന്ന് കു​റ​ഞ്ഞ വി​ല​ക്ക് ഏ​ത്ത​യ്ക്കാ​യു​ടെ വ​ര​വ് കൂ​ടി​യ​തോ​ടെ​യാ​ണ് നാ​ട​ന് വി​ല കു​ത്ത​നെ ഇ​ടി​ഞ്ഞ​ത്. വ​യ​നാ​ട്ടി​ൽ ആ​യി​ര​ക്ക​ണ​ക്കി​ന് ക​ർ​ഷ​ക​ർ നേ​ന്ത്ര​വാ​ഴ​കൃ​ഷി ചെ​യ്യു​ന്നു​ണ്ട്.

ക​ർ​ണാ​ട​ക​യി​ലും ആ​യി​ര​ക്ക​ണ​ക്കി​ന് ഹെ​ക്ട​ർ സ്​​ഥ​ല​ത്ത് കൃ​ഷി​യു​ണ്ട്. ഉ​ൽപാ​ദ​നം വ​ർ​ധി​ച്ച​തും അ​യ​ൽ സം​സ്ഥാ​ന​ങ്ങ​ളി​ൽ നി​ന്ന് കാ​യ വരവ് വ​ർ​ധി​ച്ച​തു​മാ​ണ് വി​ല​ത്തക​ർ​ച്ച​ക്ക് കാ​ര​ണം. മു​ട​ക്കു മു​ത​ൽ പോ​ലും ക​ർ​ഷ​ക​ർ​ക്ക് ല​ഭി​ക്കാ​ത്ത അ​വ​സ്ഥ​യാ​ണ്. ഇ​തി​ന് പ​രി​ഹാ​ര​മാ​യാ​ണ് ചി​ല ക​ർ​ഷ​ക​ർ കാ​യ് പ​ഴു​പ്പി​ച്ച് ടൗ​ണു​ക​ളി​ൽ വാ​ഹ​ന​ങ്ങ​ളി​ൽ കൊ​ണ്ടു​ന​ട​ന്ന് വി​ൽ​പ​ന ന​ട​ത്തു​ന്ന​ത്. മ​റ്റ് കൃ​ഷി​ക​ൾ പ​ല​തും ന​ശി​ച്ച​തോ​ടെ​യാ​ണ് വാ​ഴ​കൃ​ഷി​യി​ലേ​ക്ക് പ​ല ക​ർ​ഷ​ക​രും തി​രി​ഞ്ഞ​ത്. വാ​യ്പയെടു​ത്തും മ​റ്റു​മാ​ണ് പ​ല​രും കൃ​ഷി ന​ട​ത്തു​ന്ന​ത്. ഇ​തി​നി​ടെ​യാ​ണ് വി​ലത്തക​ർ​ച്ച കൂ​ടി ഉ​ണ്ടാ​യി​രി​ക്കു​ന്ന​ത്.