ചൂടപ്പം പോലെ വിറ്റ്​ മലയോരത്തെ മുണ്ടകന്‍ വൈക്കോല്‍

കൊ​ട​ക​ര: മ​ല​യോ​ര​ത്ത് കൊ​യ്​​ത്തു​ക​ഴി​ഞ്ഞ മു​ണ്ട​ക​ന്‍പാ​ട​ങ്ങ​ളി​ല്‍നി​ന്ന് വൈ​ക്കോ​ല്‍ ശേ​ഖ​രി​ക്കു​ന്ന തി​ര​ക്കി​ലാ​ണ് ക​ര്‍ഷ​ക​ര്‍. വൈ​ക്കോ​ൽ അ​തി​വേ​ഗം വി​റ്റു​പോ​കു​ന്നു​മു​ണ്ട്. വേ​ന​ല്‍മ​ഴ​ക്ക് മു​മ്പേ കൊ​യ്‌​തെ​ടു​ത്ത​തി​നാ​ല്‍ ഇ​ത്ത​വ​ണ മി​ക​ച്ച വൈ​ക്കോ​ലാ​ണ് ക​ര്‍ഷ​ക​ര്‍ക്ക് ല​ഭി​ച്ചി​ട്ടു​ള്ള​ത്. 18 പാ​ട​ശേ​ഖ​ര​ങ്ങ​ളു​ള്ള മ​റ്റ​ത്തൂ​രി​ൽ ഒ​ട്ടു​മി​ക്ക​യി​ട​ത്തും മു​ണ്ട​ക​ന്‍കൊ​യ്​​ത്ത്​ പൂ​ര്‍ത്തി​യാ​യി ക​ഴി​ഞ്ഞു. മ​ഴ നീ​ണ്ടു​നി​ന്ന​തും ഞാ​റു​ക​ള്‍ ദി​വ​സ​ങ്ങ​ളോ​ളം വെ​ള്ള​ത്തി​ല്‍ മു​ങ്ങി​കി​ട​ന്ന​തും ക​ര്‍ഷ​ക​രി​ല്‍ ആ​ശ​ങ്ക സൃ​ഷ്ടി​ച്ചി​രു​ന്നെ​ങ്കി​ലും മി​ക​ച്ച വി​ള​വു ത​ന്നെ ഇ​ത്ത​വ​ണ​യും ല​ഭി​ച്ചു. വേ​ന​ല്‍മ​ഴ​ക്കു​മു​മ്പേ കൊ​യ്​​ത്ത്​ പൂ​ര്‍ത്തി​യാ​ക്കാ​ന്‍ ക​ഴി​ഞ്ഞ​തി​നാ​ല്‍ ഗു​ണ​മേ​ന്മ​യു​ള്ള വൈ​ക്കോ​ലാ​ണ് ഇ​ത്ത​വ​ണ കി​ട്ടി​യ​ത്.

മു​ണ്ട​ക​ന്‍ കൊ​യ്​​ത്ത്​ ആ​രം​ഭി​ച്ച സ​മ​യ​ത്ത് 300 രൂ​പ നി​ര​ക്കി​ലാ​ണ് വൈ​ക്കോ​ല്‍ കെ​ട്ടു​ക​ള്‍ വി​റ്റു​പോ​യ​ത്. ഇ​പ്പോ​ള്‍ കെ​ട്ടി​ന് 250 രൂ​പ ല​ഭി​ക്കു​ന്നു​ണ്ടെ​ന്ന് ക​ര്‍ഷ​ക​ര്‍ പ​റ​ഞ്ഞു. ദൂ​ര​സ്ഥ​ല​ങ്ങ​ളി​ല്‍ നി​ന്നു​പോ​ലും മു​ണ്ട​ക​ന്‍ വൈ​ക്കോ​ല്‍ വാ​ങ്ങാ​ൻ ആ​ളു​ക​ള്‍ മ​ല​യോ​ര​ത്തെ​ത്തു​ന്നു​ണ്ട്. കൊ​യ്​​ത്തി​നു​ശേ​ഷം പാ​ട​ങ്ങ​ളി​ല്‍ ത​ന്നെ ഉ​ണ​ക്കാ​നി​ടു​ന്ന വൈ​ക്കോ​ല്‍ പി​ന്നീ​ട് പാ​ട​ത്തു ത​ന്നെ യ​ന്ത്ര​സ​ഹാ​യ​ത്തോ​ടെ ചു​രു​ട്ടി കെ​ട്ടു​ക​ളാ​ക്കി​യാ​ണ് വി​ൽ​പ​ന ന​ട​ത്തു​ന്ന​ത്. യ​ന്ത്ര​മു​പ​യോ​ഗി​ച്ച് വൈ​ക്കോ​ല്‍ ചു​രു​ട്ടി​ക്കെ​ട്ടു​ന്ന​തി​ന് കെ​ട്ട് ഒ​ന്നി​ന് 35 രൂ​പ​യാ​ണ് നി​ര​ക്ക്.

പ്രാ​ദേ​ശി​ക​മാ​യി ല​ഭ്യ​മ​ല്ലാ​ത്ത​തി​നാ​ല്‍ വൈ​ക്കോ​ല്‍ ചു​രു​ട്ടു​ന്ന യ​ന്ത്രം ദൂ​ര​സ്ഥ​ല​ങ്ങ​ളി​ല്‍നി​ന്നാ​ണ് മ​റ്റ​ത്തൂ​രി​ലേ​ക്ക് കൊ​ണ്ടു​വ​രു​ന്ന​ത്. ഒ​രു ഹെ​ക്ട​റി​ല്‍നി​ന്ന് ശ​രാ​ശ​രി 180 കെ​ട്ട് വൈ​ക്കോ​ലാ​ണ് ഇ​ത്ത​വ​ണ ക​ര്‍ഷ​ക​ര്‍ക്ക് ല​ഭി​ച്ച​ത്. ഇ​ത​ത്ര​യും പ്രാ​ദേ​ശി​ക​മാ​യി ത​ന്നെ വി​റ്റ​ഴി​യു​ന്നു​ണ്ട്. കൊ​യ്​​ത്ത്​ ക​ഴി​ഞ്ഞ പാ​ട​ങ്ങ​ളി​ലെ​ത്തി​യാ​ണ് ആ​വ​ശ്യ​ക്കാ​ര്‍ വൈ​ക്കോ​ല്‍ വാ​ങ്ങി​ക്കൊ​ണ്ടു​പോ​കു​ന്ന​ത്. ക​ന്നു​കാ​ലി​ക​ളെ വ​ള​ർ​ത്തു​ന്ന വീ​ടു​ക​ളി​ലേ​ക്കും ഫാ​മു​ക​ളി​ലേ​ക്കു​മാ​ണ് വൈ​ക്കോ​ല്‍ കൊ​ണ്ടു​പോ​കു​ന്ന​ത്.