ജീവിതം തളിർക്കാത്ത തോട്ടങ്ങൾ: ല​യ​ങ്ങ​ളി​ൽ ജീ​വി​തം ദു​രി​ത​പൂ​ർ​ണം

ക​ട്ട​പ്പ​ന: പീ​രു​മേ​ട് മേ​ഖ​ല​യി​ൽ ചി​ല തേ​യി​ല തോ​ട്ട​ങ്ങ​ൾ അ​ട​ച്ച​തോ​ടെ തൊ​ഴി​ലാ​ളി​ക​ൾ​ക്ക് പ​ണി​യി​ല്ലാ​താ​യി. പ​ട്ടി​ണി മാ​റ്റാ​ൻ തൊ​ഴി​ലാ​ളി​ക​ൾ മ​റ്റു ജോ​ലി തേ​േ​ട​ണ്ടി​വ​ന്നു. ഇ​തോ​ടെ ഒ​ട്ടു​മി​ക്ക ല​യ​ങ്ങ​ളി​ലും താ​മ​സ​ക്കാ​ർ കു​റ​ഞ്ഞു. തോ​ട്ടം മേ​ഖ​ല​യി​ൽ വ്യാ​ജ വാ​റ്റും മ​റ്റ്​ സാ​മൂ​ഹി​ക​വി​രു​ദ്ധ പ്ര​വ​ർ​ത്ത​ന​ങ്ങ​ളും വ​ർ​ധി​ച്ചു. കേ​സു​ക​ളു​ടെ എ​ണ്ണം​കൂ​ടി. ല​യ​ങ്ങ​ൾ ത​ക​ർ​ന്ന​തോ​ടെ കു​ടും​ബ​ങ്ങ​ളു​ടെ സു​ര​ക്ഷ ന​ഷ്​​ട​പ്പെ​ട്ടെ​ന്ന് തൊ​ഴി​ലാ​ളി സ്​​ത്രീ​ക​ൾ പ​റ​യു​ന്നു.

ര​ക്ഷി​താ​ക്ക​ൾ​ക്ക്​ ജോ​ലി​യും കൂ​ലി​യും ഇ​ല്ലാ​താ​യ​തോ​ടെ മു​തി​ർ​ന്ന കു​ട്ടി​ക​ൾ പ​ല​രും പ​ഠ​നം​നി​ർ​ത്തി. വി​വാ​ഹ​പ്രാ​യം ക​ഴി​ഞ്ഞ പെ​ൺ​കു​ട്ടി​ക​ൾ, വി​ദ​ഗ്ധ ചി​കി​ത്സ കി​ട്ടാ​തെ വി​ഷ​മി​ക്കു​ന്ന രോ​ഗി​ക​ൾ, പ്രാ​ഥ​മി​ക വി​ദ്യാ​ഭാ​സം ക​ഴി​ഞ്ഞ്​ തു​ട​ർ പ​ഠ​നം മു​ട​ങ്ങി​യ​വ​ർ തോ​ട്ടം മേ​ഖ​ല​യി​ലെ കു​ടും​ബ​ങ്ങ​ളു​ടെ സ്ഥി​തി ഇ​ത്ത​ര​ത്തി​ൽ ല​യ​ങ്ങ​ളി​ലെ കാ​ഴ്​​ച ദ​യ​നീ​യ​മാ​ണ്.

അ​ട​ച്ചു​റ​പ്പി​ല്ലാ​ത്ത വീ​ട്ടി​ൽ പേ​ടി​യോ​ടെ​യാ​ണ് പെ​ൺ​കു​ട്ടി​ക​ൾ ക​ഴി​യു​ന്ന​ത്. പ​ല​ത​വ​ണ ഇ​ത്ത​രം പ്ര​ശ്​​ന​ങ്ങ​ൾ തൊ​ഴി​ൽ വ​കു​പ്പി​നെ​യും റ​വ​ന്യൂ ഉ​ദ്യോ​ഗ​സ്ഥ​രെ​യും നേ​രി​ൽ​ക​ണ്ട് ബോ​ധ്യ​പ്പെ​ടു​ത്തി​യ​താ​യി യൂ​നി​യ​ൻ നേ​താ​ക്ക​ൾ പ​റ​ഞ്ഞു. ന​ട​പ​ടി ഉ​ണ്ടാ​യി​ല്ല. ഭ​ർ​ത്താ​ക്ക​ന്മാ​രും മാ​താ​പി​താ​ക്ക​ളും മ​രി​ച്ച പ​ല കു​ടും​ബ​ങ്ങ​ളി​ലെ​യും യു​വ​തി​ക​ളും പെ​ൺ​കു​ട്ടി​ക​ളും ഭ​യ​പ്പാ​ടോ​ടെ​യാ​ണ് ല​യ​ങ്ങ​ളി​ൽ ക​ഴി​ച്ചു​കൂ​ട്ടു​ന്ന​ത്. ഭീ​ഷ​ണി​ക​ളും ഉ​പ​ദ്ര​വ​ങ്ങ​ളും ഭ​യ​ന്ന് ചി​ല തൊ​ഴി​ലാ​ളി കു​ടും​ബ​ങ്ങ​ൾ ത​മി​ഴ് നാ​ട്ടി​ലേ​ക്ക് മ​ട​ങ്ങി.

പ്രേ​താ​ല​യം പോ​ലെ ഫാ​ക്​​ട​റി​ക​ൾ

പീ​രു​മേ​ട് ടീ ​ഫാ​ക്ട​റി​യും ലോ​ൺ​ട്രി ട്രീ ​ഫാ​ക്ട​റി​യും അ​ട​ച്ചി​ട്ട് ഡി​സം​ബ​ർ 13ന് 22​വ​ർ​ഷം ക​ഴി​ഞ്ഞ​​ു. ഇ​നി തോ​ട്ടം തു​റ​ന്നാ​ലും ഫാ​ക്ട​റി​ക​ൾ പ്ര​വ​ർ​ത്തി​പ്പി​ക്കാ​നാ​വാ​ത്ത സ്ഥി​തി​യാ​ണ്. കോ​ടി​ക​ളു​ടെ യ​ന്ത്ര​സാ​മ​ഗ്രി​ക​ൾ തു​രു​മ്പെ​ടു​ത്ത്​ ന​ശി​ച്ചു. ല​ക്ഷ​ക്ക​ണ​ക്കി​ന് രൂ​പ​യു​ടെ ഉ​പ​ക​ര​ണ​ങ്ങ​ൾ മോ​ഷ​ണം​പോ​യി. 2000 ഡി​സം​ബ​ർ 13ന് ​പീ​രു​മേ​ട് ടീ ​ക​മ്പ​നി ഉ​ട​മ ഉ​പേ​ക്ഷി​ച്ചു​പോ​യ​തോ​ടെ അ​ട​ച്ചി​ട്ട ഫാ​ക്ട​റി​ക​ൾ പി​ന്നീ​ട് പ്ര​വ​ർ​ത്തി​ച്ചി​ല്ല.

തേ​യി​ല അ​ര​യ്​​ക്കു​ക​യും ഉ​ണ​ക്കു​ക​യും പൊ​ടി​ക്കു​ക​യും​ വേ​ർ​തി​രി​ക്കു​ക​യും ചെ​യ്യു​ന്ന യ​ന്ത്ര​ങ്ങ​ൾ തു​രുെ​മ്പ​ടു​ത്തു. ഫാ​ക്ട​റി കെ​ട്ടി​ട​ത്തി​െൻറ ത​കി​ടു​ക​ളും ചി​ല്ലു​ക​ളും സാ​മൂ​ഹി​ക​വി​രു​ദ്ധ​ർ ത​ക​ർ​ത്തു. മോ​ഷ്​​ടാ​ക്ക​ൾ ക​ട​ത്തി​യ ഭാ​ഗ​ങ്ങ​ളി​ൽ ചി​ല​ത് പൊ​ലീ​സ്​ പി​ടി​ച്ചെ​ടു​ത്ത​ത് തൊ​ണ്ടി​മു​ത​ലാ​യി പൊ​ലീ​സ്​ സ്​​റ്റേ​ഷ​നി​ലു​മു​ണ്ട്. ഫാ​ക്ട​റി​യോ​ട്​ അ​നു​ബ​ന്ധി​ച്ചു​ള്ള ബം​ഗ്ലാ​വ്, ഓ​ഫി​സ്, ക്വാ​ർ​ട്ടേ​ഴ്സ്, ഗ്രൂ​പ്പ് ഹോ​സ്പി​റ്റ​ൽ തു​ട​ങ്ങി​യ​വ ഉ​ൾ​പ്പെ​ടെ എ​ല്ലാ കെ​ട്ടി​ട​ങ്ങ​ളും ന​ശി​ച്ചു. കെ​ട്ടി​ട​ങ്ങ​ളു​ടെ ത​റ​യി​ൽ ബ്രി​ട്ടീ​ഷു​കാ​രു​ടെ കാ​ല​ത്ത് പാ​കി​യ വി​ല​പി​ടി​പ്പു​ള്ള ത​റ​യോ​ട് മോ​ഷ്​​ടാ​ക്ക​ൾ പൊ​ളി​ച്ചു​ക​ട​ത്തി. പ​ല കെ​ട്ടി​ട​ങ്ങ​ളും അ​വ സ്ഥി​തി​ചെ​യ്തി​രു​ന്ന സ്ഥ​ലം പോ​ലും തി​രി​ച്ച​റി​യാ​നാ​വാ​ത്ത വി​ധ​ത്തി​ലാ​ണ്. ഇ​നി തോ​ട്ടം ​എ​ന്നെ​ങ്കി​ലും തു​റ​ന്നാ​ലും എ​ല്ലാം പ​ഴ​യ​പ​ടി​യാ​കാ​ൻ കോ​ടി​ക​ൾ മു​ട​​ക്കേ​ണ്ടി​വ​രും.

(തു​ട​രും)