വേനൽമഴ: കശുവണ്ടി വില ഇടിഞ്ഞു

പേ​രാ​വൂ​ർ: കോ​വി​ഡ് വ്യാ​പ​നം ഉ​യ​ർ​ത്തി​യ വ്യാ​പാ​ര​മാ​ന്ദ്യ​ത്തി​നൊ​പ്പം വേ​ന​ൽ​മ​ഴ കൂ​​ടി എ​ത്തി​യ​തോ​ടെ ക​ശു​വ​ണ്ടി​യു​ടെ വി​ല കു​ത്ത​നെ ഇ​ടി​ഞ്ഞു. ഒ​രാ​ഴ്ച​ക്കി​ട​യി​ൽ കി​ലോ​ക്ക് 20 രൂ​പ​യു​ടെ ഇ​ടി​വാ​ണു​ണ്ടാ​യ​ത്.

95 രൂ​പ​യാ​യി​രു​ന്നു ക​ഴി​ഞ്ഞ​യാ​ഴ്ച​വ​രെ വി​ല. കോ​വി​ഡ് വ്യാ​പ​നം രൂ​ക്ഷ​മാ​കു​മെ​ന്ന പ്ര​ചാ​ര​ണം ശ​ക്ത​മാ​യ​തോ​ടെ വി​ല 90ൽ ​എ​ത്തി. പി​ന്നീ​ട് ക്ര​മാ​നു​ഗ​ത​മാ​യി കി​ലോ​ക്ക് ര​ണ്ട്‌, മൂ​ന്ന് രൂ​പ​വെ​ച്ച് കു​റ​യു​ക​യാ​യി​രു​ന്നു. ഇ​തി​നി​ട​യി​ലാ​ണ് മ​ല​യോ​ര​ത്ത് വേ​ന​ൽ​മ​ഴ ക​ന​ത്ത​ത്.

എ​ല്ലാ ദി​വ​സ​വും മ​ഴ​യെ​ത്തി​യ​തോ​ടെ വി​ല കു​ത്ത​നെ ഇ​ടി​യു​ക​യാ​യി​രു​ന്നു. ഇ​പ്പോ​ൾ 75 രൂ​പ​ക്കാ​ണ് വി​ൽ​പ​ന ന​ട​ക്കു​ന്ന​ത്. വി​ല വീ​ണ്ടും കു​റ​യു​മെ​ന്നാ​ണ് ക​ശു​വ​ണ്ടി വ്യാ​പാ​രി​ക​ൾ പ​റ​യു​ന്ന​ത്. തു​ട​ർ​ച്ച​യാ​യ മ​ഴ​കാ​ര​ണം ക​ശു​വ​ണ്ടി​യു​ടെ നി​റം മ​ങ്ങി​യ​തും കി​ളി​ർ​ത്തു​പോ​കു​ന്ന​തു​മാ​ണ് വി​ല​യി​ടി​വി​നു​ള്ള പ്ര​ധാ​ന കാ​ര​ണം.

കോ​വി​ഡ് വ്യാ​പ​ന​ത്തെ തു​ട​ർ​ന്ന് അ​ന്താ​രാ​ഷ്​​ട്ര മാ​ർ​ക്ക​റ്റി​ൽ അ​ണ്ടി​പ്പ​രി​പ്പി​ന് ഡി​മാ​ൻ​ഡ്‌ കു​റ​ഞ്ഞ​തും വി​ല​യി​ടി​വി​നി​ട​യാ​ക്കി. ആ​ഭ്യ​ന്ത​ര വി​പ​ണി​യി​ൽ ക​ശു​വ​ണ്ടി ഫാ​ക്ട​റി​ക​ളൊ​ന്നും വാ​ങ്ങി സം​ഭ​രി​ക്കു​ന്നി​ല്ല. ക​ർ​ണാ​ട​ക​യും ത​മി​ഴ്‌​നാ​ടും കേ​ര​ള​ത്തി​ൽ​നി​ന്ന്‌ ക​ശു​വ​ണ്ടി വാ​ങ്ങു​ന്ന​ത് നി​ർ​ത്തി​യി​രി​ക്കു​ക​യാ​ണ്.

കാ​പെ​ക്‌​സും ക​ശു​വ​ണ്ടി വി​ക​സ​ന കോ​ർ​പ​റേ​ഷ​നും സ​ർ​ക്കാ​ർ ഫാ​മു​ക​ളി​ൽ ഉ​ൽ​പാ​ദി​പ്പി​ക്കു​ന്ന മു​ഴു​വ​ൻ ക​ശു​വ​ണ്ടി​യും ഏ​റ്റെ​ടു​ക്കാ​മെ​ന്ന് നേ​ര​ത്തെ ധ​ര​ണ​യി​ലെ​ത്തി​യി​രു​ന്നു. ഇ​ക്കു​റി സ​ർ​ക്കാ​ർ ഫാ​മു​ക​ളി​ൽ ഉ​ൽ​പാ​ദ​നം മു​ൻ​വ​ർ​ഷ​ത്തേ​ക്കാ​ൾ കൂ​ടു​ത​ലാ​ണ്. അ​തു​കൊ​ണ്ട് സ്വ​കാ​ര്യ ഏ​ജ​ൻ​സി​ക​ളി​ൽ​നി​ന്ന്‌ ക​ശു​വ​ണ്ടി വാ​ങ്ങി സം​ഭ​രി​ക്കു​ന്ന സ്​​ഥാ​പ​ന​ങ്ങ​ളു​ടെ കു​റ​വും വി​ല​ക്കു​റ​വി​ന് കാ​ര​ണ​മാ​യി.

ക​ഴി​ഞ്ഞ​വ​ർ​ഷം സ​മ്പൂ​ർ​ണ അ​ട​ച്ചി​ട​ൽ ഉ​ണ്ടാ​യി​ട്ടും 80 രൂ​പ​യോ​ളം സീ​സ​ൺ അ​വ​സാ​നി​ക്കു​ന്ന സ​മ​യ​ത്തു​പോ​ലും ക​ർ​ഷ​ക​ർ​ക്ക് ല​ഭി​ച്ചി​രു​ന്നു. സ​ഹ​ക​ര​ണ സ്ഥാ​പ​ന​ങ്ങ​ളെ സം​ഭ​ര​ണം ഏ​ൽ​പി​ച്ച​തും ക​ർ​ഷ​ക​ർ​ക്ക് ആ​ശ്വാ​സ​മാ​യി​രു​ന്നു. ഇ​ക്കു​റി കു​ത്ത​ക​ക​ൾ നി​ശ്ച​യി​ക്കു​ന്ന വി​ല​ക്ക് ക​ശു​വ​ണ്ടി ന​ൽ​കാ​ൻ ക​ർ​ഷ​ക​ർ നി​ർ​ബ​ന്ധി​ത​രാ​വു​ക​യാ​ണ്.