ഈ മുറ്റത്തും തളിർക്കുന്നു മുന്തിരിവള്ളികൾ

തൊ​ടു​പു​ഴ: അ​ധ്വാ​നി​ക്കാ​ൻ മ​ന​സ്സു​ണ്ടെ​ങ്കി​ൽ മ​ണ്ണ്​ ത​രാ​ത്ത​തൊ​ന്നു​മി​ല്ല എ​ന്നാ​ണ്​ ചെ​മ്മ​ണ്ണാ​ർ വെ​ട്ടു​കാ​ട്ടി​ൽ അ​പ്പ​ച്ച​ന്‍റെ (ദേ​വ​സ്യ) അ​നു​ഭ​വ​സാ​ക്ഷ്യം. ത​ന്‍റെ കൃ​ഷി​യി​ട​ത്തി​ലേ​ക്ക്​ വി​ര​ൽ​ചൂ​ണ്ടി ​അ​പ്പ​ച്ച​ൻ അ​തി​ന്​ നൂ​റു​നൂ​റ്​ തെ​ളി​വു​ക​ളും നി​ര​ത്തും. ഇ​ടു​ക്കി​ക്ക്​ പ്ര​ത്യേ​കി​ച്ച്​ ഹൈ​റേ​ഞ്ചി​ന്​ അ​ത്ര പ​രി​ചി​ത​മ​ല്ലാ​ത്ത​തൊ​ക്കെ​യാ​ണ്​ അ​പ്പ​ച്ച​ന്‍റെ കൃ​ഷി​യി​ട​ത്തി​ൽ സ​മൃ​ദ്ധ​മാ​യി വ​ള​രു​ന്ന​ത്. ത​മി​ഴ്​​നാ​ടി​ന്‍റെ വ​ര​ണ്ട കാ​ലാ​വ​സ്ഥ​യി​ൽ വി​ള​യു​ന്ന മു​ന്തി​രി​യാ​ണ്​ അ​തി​ൽ പ്ര​ധാ​നം. ക​മ്പ​ത്തെ മു​ന്തി​രി​പ്പാ​ട​ങ്ങ​ൾ ക​ണ്ട്​ കൗ​തു​കം​പൂ​ണ്ട​വ​ർ അ​പ്പ​​ച്ച​ന്‍റെ കൃ​ഷി​യി​ട​ത്തി​ലെ​ത്തി​യാ​ൽ ശ​രി​ക്കും അ​ത്ഭു​ത​പ്പെ​ടും. ഹൈ​റേ​ഞ്ചി​ന്‍റെ ത​ണു​പ്പു​ള്ള കാ​ലാ​വ​സ്ഥ​ക്ക്​ പ​റ്റി​ല്ലെ​ന്ന്​​ പ​ല​രും വി​ധി​യെ​ഴു​തി​യ മു​ന്തി​രി വേ​ണ്ടു​വോ​ളം വി​ള​യി​ച്ച്​ വി​ജ​യം​കൊ​യ്തു,​ 72കാ​ര​നാ​യ ഈ ​ക​ർ​ഷ​ക​ൻ.

നാ​ല്​ വ​ർ​ഷ​മാ​യി അ​പ്പ​ച്ച​ന്‍റെ പു​ര​യി​ട​ത്തി​ൽ മു​ന്തി​രി കൃ​ഷി​യു​ണ്ട്. ​പേ​ര​ക്കു​ട്ടി​ക്ക്​ ഏ​റെ ഇ​ഷ്ട​മാ​ണ്​ മു​ന്തി​രി. പ​ക്ഷേ, വി​ഷം ത​ളി​ച്ച്​ വി​പ​ണി​യി​ലെ​ത്തു​ന്ന മു​ന്തി​രി വാ​ങ്ങി ന​ൽ​കാ​ൻ മ​ന​സ്സ്​ വ​ന്നി​ല്ല. അ​ങ്ങ​നെ​യാ​ണ്​ മ​റ്റ്​ പ​ല ഫ​ല​വ​ർ​ഗ​ങ്ങ​ളു​ടെ കൃ​ഷി​യി​ലും അ​പൂ​ർ​​വ​നേ​ട്ടം കൈ​വ​രി​ച്ച മു​ന്തി​രി​കൃ​ഷി​യി​ലും ഒ​രു​കൈ നോ​ക്കാ​ൻ​ തീ​രു​മാ​നി​ച്ച​ത്​. ആ​ദ്യം ന​ട്ട തൈ​ക​ൾ ന​ശി​ച്ചു​പോ​യി. പി​ന്നീ​ട് ത​ണ്ട് കൊ​ണ്ടു​വ​ന്ന് സ്വ​ന്ത​മാ​യി പ​രി​പാ​ലി​ച്ച് വ​ള​ര്‍ത്തി. രാ​സ​വ​ള​ങ്ങ​ൾ ഒ​ഴി​വാ​ക്കി ജൈ​വ​കൃ​ഷി​യാ​ണ്​ ന​ട​ത്തു​ന്ന​ത്. വീ​ട്ടി​ലെ ആ​വ​ശ്യ​ത്തി​നും അ​യ​ൽ​വാ​സി​ക​ൾ​ക്ക്​ ന​ൽ​കാ​നു​മെ​ല്ലാം ആ​വ​ശ്യ​മാ​യ​ത്​ സ്വ​ന്തം മു​ന്തി​രി​ത്തോ​ട്ട​ത്തി​ൽ​നി​ന്ന്​ കി​ട്ടി. ഇ​തോ​ടെ മു​ന്തി​രി​കൃ​ഷി വ്യാ​പി​പ്പി​ക്കാ​നു​ള്ള ഒ​രു​ക്ക​ത്തി​ലാ​ണ്​ അ​പ്പ​ച്ച​ൻ.

നാ​ലേ​ക്ക​ർ വ​രു​ന്ന കൃ​ഷി​യി​ട​ത്തി​ൽ മു​ന്തി​രി​ക്ക്​ പു​റ​മെ അ​വ​ക്കാ​ഡോ, ചെ​റി, ഫു​ലാ​ൻ, റ​മ്പൂ​ട്ടാ​ൻ, ലി​ച്ചി, ദു​രി​യാ​ൻ, വി​വി​ധ​യി​നം ചാ​മ്പ​ക​ൾ, സ്റ്റാ​ർ ഫ്രൂ​ട്ട്, ഫു​ലാ​സ​ൻ, മ​ര​ത്ത​ക്കാ​ളി, മു​ട്ടി​പ്പ​ഴം എ​ന്നി​വ​യെ​ല്ലാം സ​മൃ​ദ്ധ​മാ​യി വ​ള​രു​ന്നു. ഏ​ലം, കു​രു​മു​ള​ക്​ കൃ​ഷി​ക​ളും ആ​ട്, പ​ശു ഫാ​മു​ക​ളും മ​ത്സ്യ​കൃ​ഷി​യും പ​ച്ച​ക്ക​റി​ക​ളു​മെ​ല്ലാം ഇ​വി​ടെ​യു​ണ്ട്. വീ​ട്ടാ​വ​ശ്യ​ത്തി​നു​ള്ള പ​ഴ​ങ്ങ​ളും പ​ച്ച​ക്ക​റി​ക​ളും മ​ത്സ്യ​വു​മെ​ല്ലാം സ്വ​ന്തം വീ​ട്ടു​മു​റ്റ​ത്തു​നി​ന്ന്​ കി​ട്ടും. ഭാ​ര്യ ത്രേ​സ്യാ​മ്മ​യും മ​ക​ൻ അ​നീ​ഷും കൃ​ഷി​യി​ൽ അ​പ്പ​ച്ച​ന്​ സ​ഹാ​യ​ത്തി​നു​ണ്ട്.