നീ​ല​ക്കു​റി​ഞ്ഞി​യു​ടെ നാ​ട്ടി​ൽ ഇ​നി ഇനി സ്​ട്രോബറിയും

തൊ​ടു​പു​ഴ: നീ​ല​ക്കു​റി​ഞ്ഞി​യു​ടെ നാ​ട്ടി​ൽ ഇ​നി സ്ട്രോ​ബ​റി​യും വ​ര്‍ണ​വ​സ​ന്ത​മൊ​രു​ക്കും. കാ​ന്ത​ല്ലൂ​ര്‍, വ​ട്ട​വ​ട പ​ഞ്ചാ​യ​ത്തു​ക​ളി​ലാ​ണ് സ്ട്രോ​ബ​റി കൃ​ഷി​ക്ക് തു​ട​ക്ക​മാ​യ​ത്. ഇ​വി​ട​ത്തെ സ​മ​ശീ​തോ​ഷ്ണ കാ​ലാ​വ​സ്ഥ സ്ട്രോ​ബ​റി കൃ​ഷി​ക്ക് അ​നു​യോ​ജ്യ​മാ​ണ്.

സം​സ്ഥാ​ന ഹോ​ര്‍ട്ടി​ക​ള്‍ച​ര്‍ മി​ഷ​ൻ സം​യോ​ജി​ത ഹോ​ര്‍ട്ടി​ക​ള്‍ച​ര്‍ വി​ക​സ​ന മി​ഷ​ൻ പ​ദ്ധ​തി​യു​ടെ സാ​മ്പ​ത്തി​ക സ​ഹാ​യ​ത്തോ​ടെ കൃ​ഷി വ​കു​പ്പ്​ മു​ഖേ​ന​യാ​ണ്​ പ​ദ്ധ​തി ന​ട​പ്പാ​ക്കു​ന്ന​ത്. നി​ല​മൊ​രു​ക്കി ബെ​ഡു​ക​ളെ​ടു​ത്ത് ഇ​തി​ല്‍ വി​ദേ​ശ​യി​നം ന​ടീ​ല്‍ വ​സ്തു​ക്ക​ള്‍ ഉ​പ​യോ​ഗി​ച്ചാ​ണ് കൃ​ഷി. ക​ള നി​യ​ന്ത്ര​ണ​ത്തി​നാ​യി പ്ലാ​സ്റ്റി​ക് പു​ത​യും ന​ൽ​കു​ന്നു​ണ്ട്. കാ​ന്ത​ല്ലൂ​ര്‍, വ​ട്ട​വ​ട പ​ഞ്ചാ​യ​ത്തു​ക​ളി​ൽ 25 ഹെ​ക്ട​റി​ല​ധി​കം സ്ഥ​ല​ത്താ​ണ്​ സ്ട്രോ​ബ​റി കൃ​ഷി​ക്ക്​ തു​ട​ക്കം. ഇ​തോ​ടൊ​പ്പം ആ​റ്​ ഹെ​ക്ട​റി​ല​ധി​കം സ്ഥ​ല​ത്ത് കൃ​ത്യ​ത കൃ​ഷി​രീ​തി​ക​ൾ അ​നു​വ​ർ​ത്തി​ച്ചും കൃ​ഷി ആ​രം​ഭി​ച്ചി​ട്ടു​ണ്ട്. പു​തു​താ​യി ധാ​രാ​ളം പേ​ർ സ്ട്രോ​ബ​റി കൃ​ഷി​യു​ടെ സാ​ധ്യ​ത​ക​ള​റി​ഞ്ഞ് രം​ഗ​ത്തേ​ക്ക്​ ക​ട​ന്നു​വ​രു​ന്നു​ണ്ടെ​ന്ന്​ കൃ​ഷി വ​കു​പ്പ്​ അ​ധി​കൃ​ത​ർ പ​റ​യു​ന്നു.

മൂ​ന്നാ​റി​ലെ അ​നു​കൂ​ല സാ​ഹ​ച​ര്യ​ങ്ങ​ള്‍ ക​ണ്ട​റി​ഞ്ഞ് മു​ത​ൽ​മു​ട​ക്കാ​ൻ ജി​ല്ല​ക്ക്​ പു​റ​ത്തു​നി​ന്നു​മു​ള്ള സം​രം​ഭ​ക​ർ ത​യാ​റാ​കു​ന്നു​ണ്ട്. പൊ​തു​വെ കൂ​ടു​ത​ൽ മു​ത​ൽ​മു​ട​ക്ക് ആ​വ​ശ്യ​മാ​യ കൃ​ഷി​ക്ക്​ ഇ​ത്​ കൂ​ടു​ത​ൽ ഉ​ണ​ർ​വ്​ ന​ൽ​കു​മെ​ന്നാ​ണ്​ പ്ര​തീ​ക്ഷ. കൃ​ത്യ​ത കൃ​ഷി​യി​ലൂ​ടെ​യും മി​ക​ച്ച ന​ടീ​ൽ വ​സ്തു​ക്ക​ൾ ഉ​പ​യോ​ഗി​ക്കു​ന്ന​തി​ലൂ​ടെ​യും ഗു​ണ​മേ​ന്മ​യു​ള്ള പ​ഴ​ങ്ങ​ൾ ല​ഭി​ക്കും.