പൈപ്പുകൾക്ക്​ മുകളിൽ ഗ്രോബാഗ്​; വേനല്‍ക്കാല പച്ചക്കറിയില്‍ ഷരീഫി​‍െൻറ വേറിട്ട മാതൃക

ചെ​റു​പു​ഴ: വേ​ന​ല്‍ക്കാ​ല പ​ച്ച​ക്ക​റി കൃ​ഷി​യി​ലെ ഏ​റ്റ​വും വ​ലി​യ വെ​ല്ലു​വി​ളി ജ​ല​സേ​ച​ന​മാ​ണ്. നാ​ടും ന​ഗ​ര​വും കൊ​ടും​ചൂ​ടി​ല്‍ വെ​ന്തു​രു​കു​ക​യും ജ​ല​സ്രോ​ത​സ്സു​ക​ളെ​ല്ലാം വ​റ്റി​ത്തു​ട​ങ്ങു​ക​യും ചെ​യ്യു​ന്ന​തി​നാ​ല്‍ പ​ല​രും ഈ ​സ​മ​യ​ത്ത് പ​ച്ച​ക്ക​റി കൃ​ഷി​യെ​ക്കു​റി​ച്ച്​ ചി​ന്തി​ക്കാ​റേ​യി​ല്ല. എ​ന്നാ​ല്‍, ക​ടു​ത്ത വേ​ന​ലി​ലും കു​റ​ഞ്ഞ തോ​തി​ല്‍ വെ​ള്ളം പ്ര​യോ​ജ​ന​പ്പെ​ടു​ത്തി പ​ച്ച​ക്ക​റി കൃ​ഷി ന​ട​ത്താ​മെ​ന്നു തെ​ളി​യി​ക്കു​ക​യാ​ണ് ചെ​റു​പു​ഴ കൊ​ല്ലാ​ട​യി​ലെ ത​ണ്ട​യി​ല്‍ ഷ​രീ​ഫ്.

കൃ​ഷി​വ​കു​പ്പി​‍െൻറ നൂ​ത​ന പ​ദ്ധ​തി​യാ​യ തി​രി​ന​ന കൃ​ഷി മാ​തൃ​ക​യി​ല്‍ വീ​ടി​‍െൻറ ടെ​റ​സി​ല്‍ പ​ച്ച​ക്ക​റി കൃ​ഷി ചെ​യ്താ​ണ് ഷ​രീ​ഫ് ക​ര്‍ഷ​ക​ര്‍ക്ക് വ​ഴികാ​ട്ടു​ന്ന​ത്.

നി​ര​ത്തി​വെ​ച്ച പി.​വി.​സി പൈ​പ്പു​ക​ള്‍ക്ക് മു​ക​ളി​ല്‍ ​​ ഗ്രോ​ബാ​ഗ്​​ സ്ഥാ​പി​ച്ചാ​ണ് കൃ​ഷി. പോ​ളി​ത്തീ​ന്‍ ഗ്രോ​ബാ​ഗു​ക​ളി​ല്‍ മ​ണ്ണും വ​ള​വും ചേ​ര്‍ന്ന മി​ശ്രി​തമാണ്​ നി​റ​ക്കുന്നത്​. വലിയ പൈപ്പിൽനിന്ന്​ ഓ​രോ ഗ്രോ​ബാ​ഗി​ലേ​ക്കും അടിവശത്തുകൂടെ എ​ക്സ്​​റ്റ​ന്‍ഷ​ന്‍ പൈ​പ്പ്​ ന​ല്‍കി​യി​ട്ടു​ണ്ട്. വലിയ പൈപ്പിൽ വെള്ളം നിറക്കു​േമ്പാൾ നിറയെ ചെറിയ ദ്വാരമുള്ള എ​ക്സ്​​റ്റ​ന്‍ഷ​ന്‍ പൈപ്പി​ലൂ​ടെ ആ​വ​ശ്യ​മാ​യ വെ​ള്ളം ചെ​ടി​ക​ളു​ടെ ചു​വ​ട്ടി​ലേ​ക്കെ​ത്തും. ഗ്രോബാഗിന്‍റെ മധ്യഭാഗം വരെയാണ്​ എക്​സ്റ്റൻഷൻ പൈ​പ്പിന്‍റെ നീളം. ഇ​ങ്ങ​നെ ചെ​യ്യു​ന്ന​തി​ലൂ​ടെ അ​മി​ത​മാ​യി വെ​ള്ളം ന​ഷ്​​ട​മാ​കു​ന്ന​ത് ഒ​ഴി​വാ​കു​ക​യും ചെ​യ്യും.

കൊ​ല്ലാ​ട​യി​ല്‍ പു​തി​യ​താ​യി നി​ര്‍മി​ക്കു​ന്ന വീ​ടി​‍െൻറ ടെ​റ​സി​ലാ​ണ് ഷ​രീ​ഫ് തി​രി​ന​ന മാ​തൃ​ക​യി​ല്‍ ത​ക്കാ​ളി, വെ​ണ്ട, പ​ച്ച​മു​ള​ക്, വ​ഴു​ത​ന, കാ​ബേ​ജ്, ചു​ര​യ്ക്ക എ​ന്നി​വ കൃ​ഷി ചെ​യ്തി​രി​ക്കു​ന്ന​ത്. മൂ​ന്നു വ​ര്‍ഷ​ത്തി​ല​ധി​ക​മാ​യി തി​രി​ന​ന കൃ​ഷി ന​ട​പ്പാ​ക്കു​ന്ന ഷ​രീ​ഫി​ന് പ​ച്ച​ക്ക​റി കൃ​ഷി ഒ​രു ഹ​ര​മാ​ണ്.