പാടശേഖരങ്ങളില്‍ കിളിശല്യം: പ്രതീക്ഷയുടെ ചിറകൊടിഞ്ഞ്​ കർഷകർ

അ​മ്പ​ല​പ്പു​ഴ: ര​ണ്ടാം കൃ​ഷി വെ​ള്ള​ത്തി​ല്‍മു​ങ്ങി​യ​തി​ന്‍റെ ന​ഷ്ടം ബാ​ധ്യ​ത​യാ​യ​തി​ന് പി​ന്നാ​ലെ കി​ളി​ശ​ല്യ​ത്തി​ൽ പു​ഞ്ച​കൃ​ഷി​യും ക​ര്‍ഷ​ക​രെ ക​ണ്ണീ​രി​ലാ​ഴ്ത്തി. പു​ന്ന​പ്ര കൃ​ഷി​ഭ​വ​ന്‍റെ പ​രി​ധി​യി​ല്‍ തെ​ക്കേ പൂ​ന്തു​രം, പൂ​ന്തു​രം, നൂ​റ്റ​മ്പ​ത്, പൊ​ന്നാ​ക​രി തു​ട​ങ്ങി​യ ആ​യി​ര​ത്തി​ലേ​റെ ഏ​ക്ക​റു​ള്ള പാ​ട​ശേ​ഖ​ര​ങ്ങ​ളി​ലാ​ണ് കി​ളി​ശ​ല്യം രൂ​ക്ഷ​മാ​യ​ത്. കൊ​യ്യാ​ന്‍ ദി​വ​സ​ങ്ങ​ള്‍ മാ​ത്രം ബാ​ക്കി​യു​ള്ള​പ്പോ​ൾ കൂ​ട്ട​ത്തോ​ടെ​യെ​ത്തു​ന്ന കി​ളി​ക​ള്‍ ക​തി​രി​ല്‍നി​ന്നും അ​രി​മ​ണി​ക​ള്‍ കൊ​ത്തി​തി​ന്നു​ക​യാ​ണ്. നേ​രം പു​ല​രു​മ്പോ​ള്‍ മു​ത​ല്‍ ഉ​ച്ച​വ​രെ​യും പി​ന്നീ​ട് വൈ​കീ​ട്ട് നാ​ലു​മു​ത​ല്‍ സ​ന്ധ്യ​വ​രെ​യും തു​ട​ര്‍ച്ച​യാ​യി​ട്ടാ​ണ്​ ഇ​വ​യു​ടെ ശ​ല്യം.

ഒ​ച്ച​വെ​ച്ചും പ​ട​ക്കം​പൊ​ട്ടി​ച്ചും തോ​ര​ണ​ങ്ങ​ള്‍ വ​ലി​ച്ചു​കെ​ട്ടി​യും നെ​ല്‍കൃ​ഷി സം​ര​ക്ഷി​ക്കാ​ന്‍ ശ്ര​മി​ക്കു​ന്നു​ണ്ടെ​ങ്കി​ലും കി​ളി​ശ​ല്യ​ത്തി​ന്​ കു​റ​വി​ല്ല. പാ​ട​ശേ​ഖ​ര​ത്തി​ന്‍റെ പു​റം​ബ​ണ്ടി​ലെ ക​ര​കം കാ​ടു​ക​ളി​ലാ​ണ് കു​രു​വി ഇ​ന​ത്തി​ല്‍പ്പെ​ട്ട പ​ക്ഷി​ക​ള്‍ ചേ​ക്കേ​റു​ന്ന​ത്. ഇ​ത് വെ​ട്ടി​ക്ക​ള​യ​ണ​മെ​ന്ന ആ​വ​ശ്യം കൃ​ഷി​ഭ​വ​ന്‍ ഉ​ദ്യോ​ഗ​സ്ഥ​രോ​ട് പ​ല​ത​വ​ണ ആ​വ​ശ്യ​പ്പെ​ട്ട​താ​യി ക​ര്‍ഷ​ക​ര്‍ പ​റ​യു​ന്നു. കി​ളി​ശ​ല്യ​ത്തെ​പ്പ​റ്റി പ​ല​ത​വ​ണ പ​രാ​തി​പ്പെ​ട്ടി​ട്ടും ന​ട​പ​ടി​യി​ല്ലെ​ന്ന്​ ആ​​ക്ഷേ​പ​മു​ണ്ട്.

ക​ഴി​ഞ്ഞ ര​ണ്ടാം​കൃ​ഷി വെ​ള്ളം ക​യ​റി ന​ശി​ച്ച​തി​ന്‍റെ ന​ഷ്ട​പ​രി​ഹാ​രം ഇ​തു​വ​രെ ല​ഭി​ച്ചി​ല്ല. ഏ​ക്ക​റി​ന് 40,000 രൂ​പ​യാ​യി​രു​ന്നു ചെ​ല​വ്. ക​ട​വും കാ​ര്‍ഷി​ക വാ​യ്പ എ​ടു​ത്താ​ണ് പ​ല​രും കൃ​ഷി​യി​റ​ക്കി​യ​ത്. എ​ന്നാ​ല്‍, പ​ല​രു​ടെ​യും തി​രി​ച്ച​ട​വ് മു​ട​ങ്ങി​യി​രി​ക്കു​ക​യാ​ണ്. വാ​യ്പ മു​ട​ങ്ങി​യ​തി​നാ​ല്‍ പ​ലി​ശ​യി​ള​വും കി​ട്ടു​ക​യി​ല്ല. ഇ​തി​നി​ട​യി​ലാ​ണ് പ്ര​തീ​ക്ഷ​യോ​ടെ പു​ഞ്ച കൃ​ഷി ആ​രം​ഭി​ച്ച​ത്. ന​ല്ല വി​ള​വാ​യി​രു​ന്നെ​ങ്കി​ലും കി​ളി​ശ​ല്യം മൂ​ലം ക​ര്‍ഷ​ക​രു​ടെ പ്ര​തീ​ക്ഷ​യു​ടെ ചി​റ​ക​റ്റു.