കുരുമുളക് കൃഷിയിൽ പുതുമാതൃക; ഇത്​ കാക്കിക്കുളളിലെ കര്‍ഷകന്‍

നെ​ടു​ങ്ക​ണ്ടം: കു​രു​മു​ള​ക് കൃ​ഷി​യി​ല്‍ നൂ​ത​ന മാ​തൃ​ക​ക​ള്‍ സൃ​ഷ്ടി​ക്കു​ക​യാ​ണ് നെ​ടു​ങ്ക​ണ്ടം ക​ല്ലാ​ര്‍ സ്വ​ദേ​ശി​യാ​യ പൊ​ലീ​സ്​ ഓ​ഫീ​സ​ർ. ക​ട്ട​പ്പ​ന ട്രാ​ഫി​ക് പൊ​ലീ​സി​ലെ അ​ഡീ​ഷ​ണ​ല്‍ എ​സ.​ഐ ആ​യ രാ​ധ​കൃ​ഷ്ണ​നാ​ണ് പു​തു​മാ​തൃ​ക സൃ​ഷ്ടി​ക്കു​ന്ന​ത്.​കു​രു​മു​ള​ക് കൃ​ഷി ഏ​ല​ത്തി​ന് വ​ഴി​മാ​റി​ക്കൊ​ണ്ടി​രി​ക്കു​മ്പോ​ഴാ​ണ് കു​രു​മു​ള​ക് കൃ​ഷി​യി​ല്‍ ഇ​ദ്ദേ​ഹം നൂ​ത​ന മാ​തൃ​ക സൃ​ഷ്ടി​ച്ചി​രി​ക്കു​ന്ന​ത്.

പി.​വി.​സി.​പൈ​പ്പു​ക​ള്‍ താ​ങ്ങു​കാ​ലാ​ക്കി​യാ​ണ് ഇ​ദ്ദേ​ഹ​ത്തി​ന്റെ കൃ​ഷി​രീ​തി. 40 സെ​ന്റ് ഭൂ​മി​യി​ല്‍ 400 ഓ​ളം കു​രു​മു​ള​ക്‌​ചെ​ടി​ക​ളാ​ണ് മൂ​ന്ന്​ ഇ​ഞ്ച് പി.​വി.​സി.​പൈ​പ്പു​ക​ള്‍ താ​ങ്ങു കാ​ലാ​ക്കി കൃ​ഷി ചെ​യ്തി​രി​ക്കു​ന്ന​ത്.​പ​ര​മാ​വ​ധി എ​ട്ട് അ​ടി ഉ​യ​ര​ത്തി​ല്‍ മു​റി​ച്ച പൈ​പ്പു​ക​ള്‍ ഒ​ന്ന​ര അ​ടി മ​ണ്ണി​ല്‍ താ​ഴ്ത്തി അ​ഞ്ച് അ​ടി അ​ക​ല​ത്തി​ല്‍ ആ​ണ് നാ​ട്ടി​യി​രി​ക്കു​ന്ന​ത്. ഉ​യ​രം കു​റ​ഞ്ഞ രീ​തി​യാ​യ​തി​നാ​ല്‍ കാ​റ്റി​ന്റെ ശ​ല്യം കു​റ​ഞ്ഞി​രി​ക്കും.​സ്ത്രീ​ക​ള്‍ക്കും കു​ട്ടി​ക​ള്‍ക്കും കു​രു​മു​ള​ക് പ​റി​ച്ചെ​ടു​ക്കാ​ന്‍ എ​ളു​പ്പ​മാ​ണ്. കൃ​ഷി പ​രി​പാ​ല​ന​വും വി​ള​വെ​ടു​പ്പും സ്വ​യം ചെ​യ്യാ​മെ​ന്ന​താ​ണ് കൃ​ഷി​രീ​തി​യു​ടെ പ്ര​ത്യേ​ക​ത. ഒ​ന്ന​ര​അ​ടി കു​ഴി എ​ടു​ത്ത് ചാ​ണ​ക​പൊ​ടി ഇ​ട്ടാ​ണ് കൃ​ഷി.​കു​രു​മു​ള​ക് കൂ​ടാ​തെ കാ​പ്പി,ഏ​ലം വി​വി​ധ ഇ​നം ഫ​ല വൃ​ക്ഷ​ങ്ങ​ളും മീ​ന്‍ വ​ള​ര്‍ത്ത​ലും എ​ല്ലാം അ​ട​ങ്ങി​യ സ​മ്മി​ശ്ര കൃ​ഷി രീ​തി​യാ​ണ് പി​ന്തു​ട​രു​ന്ന​ത്.

നൂ​ത​ന കൃ​ഷി രീ​തി​ക​ള്‍ പ​രീ​ക്ഷി​ക്കു​ന്ന​തി​നൊ​പ്പം, ക​ര്‍ഷ​ക​ര്‍ക്ക് പ​ക​ര്‍ന്ന് ന​ല്‍കാ​നും ഔ​ദ്യോ​ഗി​ക ജീ​വി​ത​ത്തി​ന്റെ തി​ര​ക്കു​ക​ള്‍ക്കി​ട​യി​ലും സ​മ​യം ക​ണ്ടെ​ത്തു​ന്നു. ഭാ​ര്യ ശ്രീ​ക​ല വ​ണ്ട​ന്‍മേ​ട് സ്റ്റേ​ഷ​നി​ലെ എ.​എ​സ്.​ഐ ആ​ണ്.​ഒ​ഴി​വു സ​മ​യ​ങ്ങ​ള്‍ ഈ ​പൊ​ലി​സ് ദ​മ്പ​തി​ക​ള്‍ ചി​ല​വി​ടു​ന്ന​ത് കൃ​ഷി​യി​ട​ത്തി​ല്‍ ആ​ണ്.