രണ്ടാംകൃഷി നെല്ല്​ സംഭരണം: കർഷകർക്ക്​ കിട്ടാനുള്ളത് 28.24 കോടി, കൊ​യ്ത്തു​ന​ട​ന്ന‌​ത് 5,149 ഹെ​ക്ട​റി​ൽ

ആ​ല​പ്പു​ഴ: ര​ണ്ടാം​കൃ​ഷി നെ​ല്ല്​ സം​ഭ​ര​ണം തു​ട​ങ്ങി ഒ​രു​മാ​സം പി​ന്നി​ട്ടി​ട്ടും സം​ഭ​രി​ച്ച നെ​ല്ലി​ന്റെ വി​ല ക​ർ​ഷ​ക​ർ​ക്ക് ന​ൽ​കി​ത്തു​ട​ങ്ങി​യി​ല്ല. 3,219 ക​ർ​ഷ​ക​രു​ടെ പ​ക്ക​ൽ​നി​ന്നാ​ണ് ഇ​തു​വ​രെ നെ​ല്ല്​ സം​ഭ​രി​ച്ച​ത്. ഇ​വ​ർ​ക്കെ​ല്ലാം കൂ​ടി 28.24 കോ​ടി രൂ​പ​യാ​ണ് ന​ൽ​കാ​നു​ള്ള​ത്. 5,149 ഹെ​ക്ട​റി​ലാ​ണ് കൊ​യ്ത്തു​ന​ട​ന്ന‌​ത്. ഇ​നി 4,432 ഹെ​ക്ട​ർ കൂ​ടി കൊ​യ്യാ​നു​ണ്ട്.

മ​ഴ തു​ട​ങ്ങി​യ​തോ​ടെ കൊ​യ്ത്തി​ന്​ പ്ര​തി​സ​ന്ധി നേ​രി​ടു​ന്നു​ണ്ട്. യ​ന്ത്രം താ​ഴ്ന്നു പോ​കു​ന്ന​തും കൊ​യ്യാ​ൻ കൂ​ടു​ത​ൽ സ​മ​യ​മെ​ടു​ക്കു​ന്ന​തു​മാ​ണ്​ ക​ർ​ഷ​ക​രെ ബു​ദ്ധി​മു​ട്ടി​ക്കു​ന്ന​ത്. സം​ഭ​ര​ണ​വി​ല കി​ലോ​ഗ്രാ​മി​ന് 28.20 രൂ​പ​യെ​ന്ന്​ നി​ശ്ച​യി​ച്ച് ശ​നി​യാ​ഴ്ച ഉ​ത്ത​ര​വി​റ​ക്കി​യി​രു​ന്നു. ഇ​ത്ത​വ​ണ നെ​ൽ​വി​ല സ​​പ്ലൈ​കോ നേ​രി​ട്ട്​ ന​ൽ​കു​ന്നു​വെ​ന്ന​താ​ണ്​ പ്ര​ത്യേ​ക​ത. ഇ​തു​വ​രെ പി.​ആ​ർ.​എ​സ് സം​വി​ധാ​ന​ത്തി​ൽ വാ​യ്പ​യാ​യി വി​ല ന​ൽ​കു​ക​യാ​യി​രു​ന്നു.

പ​ണം നേ​രി​ട്ട് ക​ർ​ഷ​ക​ർ​ക്ക്​ ന​ൽ​കാ​ൻ സം​സ്ഥാ​ന സ​ർ​ക്കാ​ർ മു​ൻ​കൈ​യെ​ടു​ത്ത് ബാ​ങ്കു​ക​ളു​ടെ കൂ​ട്ടാ​യ്മ​യും (ക​ൺ​സോ​ർ​ട്യം) രൂ​പ​വ​ത്ക​രി​ച്ചി​ട്ടു​ണ്ട്. സ​പ്ലൈ​കോ ഇ​തി​ൽ​നി​ന്ന് 2,500 കോ​ടി രൂ​പ വാ​യ്പ​യെ​ടു​ത്തു. ഈ ​തു​ക​യാ​ണ്​ നെ​ല്ലി​ന്റെ വി​ല​യാ​യി ക​ർ​ഷ​ക​ർ​ക്കു ന​ൽ​കു​ക. ര​ണ്ടു​ദി​വ​സ​ത്തി​ന​കം ന​ട​പ​ടി​ക്ര​മ​ങ്ങ​ൾ പൂ​ർ​ത്തി​യാ​ക്കി പ​ണം ന​ൽ​കി​ത്തു​ട​ങ്ങു​മെ​ന്ന്​ സ​പ്ലൈ​കോ വ്യ​ക്ത​മാ​ക്കി. 28.20 രൂ​പ​ക്ക്​ പു​റ​മെ കി​ലോ​ഗ്രാ​മി​ന് 12 പൈ​സ കൈ​കാ​ര്യ​ച്ചെ​ല​വു​കൂ​ടി ക​ർ​ഷ​ക​ർ​ക്കു ല​ഭി​ക്കും.

പ​ണം ഇ​ത്ത​വ​ണ ക​ർ​ഷ​ക​രു​ടെ അ​ക്കൗ​ണ്ടി​ലേ​ക്ക്​ നേ​രി​ട്ട്​ ന​ൽ​കും. നെ​ല്ല്​ കൈ​പ്പ​റ്റ്​ ര​സീ​തി​ന്മേ​ൽ (പി.​ആ​ർ.​എ​സ്) വാ​യ്പ​യാ​യി തു​ക ന​ൽ​കു​ന്ന സ​മ്പ്ര​ദാ​യം ഇ​നി​യു​ണ്ടാ​വി​ല്ല. നെ​ല്ല്​ അ​ള​ന്ന​ശേ​ഷം ന​ൽ​കു​ന്ന പി.​ആ​ർ.​എ​സ് കൃ​ഷി ഓ​ഫി​സ​റും പാ​ഡി മാ​ർ​ക്ക​റ്റി​ങ് ഓ​ഫി​സ​റും ഓ​ൺ​ലൈ​നി​ൽ അം​ഗീ​ക​രി​ക്കു​ന്ന​മു​റ​ക്ക്​ ക​ർ​ഷ​ക​രു​ടെ അ​ക്കൗ​ണ്ടി​ലേ​ക്ക് പ​ണം ല​ഭി​ക്കും.