ബംഗാളിൽ വിളഞ്ഞു നമ്മുടെ പൊക്കാളി; ദോ​സി ഗ്രാ​മ​ത്തി​ലാ​ണ്​ വ്യാ​ഴാ​ഴ്ച വി​ള​വെ​ടു​പ്പ് നടന്നത്​

കൊ​ച്ചി: ചെ​ല്ലാ​നം മ​റു​വാ​ക്കാ​ടു​നി​ന്ന് കാ​ത​ങ്ങ​ൾ താ​ണ്ടി ബം​ഗാ​ളി​ലെ​ത്തി​യ പൊ​ക്കാ​ളി മാ​സ​ങ്ങ​ൾ​ക്കു​ശേ​ഷം വി​ള​വെ​ടു​ത്തു. പ​ശ്ചി​മ​ബം​ഗാ​ളി​ലെ 24 പ​ർ​ഗാ​ന ജി​ല്ല​യി​ലെ ജോ​യി​ന​ഗ​ർ അ​സം​ബ്ലി നി​യോ​ജ​ക മ​ണ്ഡ​ല​ത്തി​ലെ ദോ​സി ഗ്രാ​മ​ത്തി​ലാ​ണ് വ്യാ​ഴാ​ഴ്ച വി​ള​വെ​ടു​പ്പ് ന​ട​ത്തി​യ​ത്.

ബ​സു​ദേ​വ് പ​ട്ട​ക്കാ​രെ എ​ന്ന ക​ർ​ഷ​ക​നാ​ണ് 0.55 ഏ​ക്ക​ർ പാ​ട​ത്ത് 10 കി​ലോ പൊ​ക്കാ​ളി നെ​ൽ​വി​ത്തു​ക​ൾ മു​ള​പ്പി​ച്ച​ശേ​ഷം ജൂ​ലൈ അ​വ​സാ​ന​ത്തോ​ടെ ഞാ​റ് പ​റി​ച്ചു​ന​ട്ട​ത്. സാ​ധാ​ര​ണ​ഗ​തി​യി​ൽ വി​ത​ച്ച​തി​നു​ശേ​ഷം 110 ദി​വ​സം​കൊ​ണ്ട് വി​ള​വെ​ടു​ക്കാ​നാ​കും. ശാ​സ്ത്ര​പ്ര​സ്ഥാ​ന​മാ​യ ബ്രേ​ക്ക്ത്രൂ സ​യ​ൻ​സ് സൊ​സൈ​റ്റി​യു​ടെ ബം​ഗാ​ൾ ഘ​ട​ക​മാ​ണ് ക​ർ​ഷ​ക​നു​വേ​ണ്ട വി​ത്തു​ക​ൾ കൊ​ച്ചി​യി​ൽ​നി​ന്ന് ക്ര​മീ​ക​രി​ച്ച്​ ന​ൽ​കി​യ​ത്.

24 പ​ർ​ഗാ​ന ജി​ല്ല​യി​ലെ കൂ​ൾ​താ​ലി നി​യ​മ​സ​ഭ മ​ണ്ഡ​ല​ത്തി​ൽ പ​ടി​ഞ്ഞാ​റെ ദേ​ഭി​പൂ​ർ ഗ്രാ​മ​ത്തി​ൽ കാ​ർ​ത്തി​ക സ​സ​മ​ൽ, പ്ര​ഭാ​ക​ർ മീ​റ്റി എ​ന്നീ ക​ർ​ഷ​ക​രും കൃ​ഷി പ​രീ​ക്ഷ​ണ​ത്തി​നു​ണ്ടാ​യി​രു​ന്നു. സൊ​സൈ​റ്റി​യു​ടെ ജ​ന​റ​ൽ സെ​ക്ര​ട്ട​റി കൊ​ൽ​ക്ക​ത്ത ഐ.​ഐ.​എ​സ്.​ഇ.​ആ​ർ ശാ​സ്ത്ര​ജ്ഞ​നാ​യ ഡോ. ​സൗ​മി​ത്രോ ബാ​ന​ർ​ജി​യു​ടെ നേ​തൃ​ത്വ​ത്തി​ലാ​യി​രു​ന്നു പ​രീ​ക്ഷ​ണം.

വൈ​റ്റി​ല നെ​ല്ല് ഗ​വേ​ഷ​ണ കേ​ന്ദ്ര​ത്തി​ലെ ഡോ. ​ദീ​പ തോ​മ​സ്, പൊ​ക്കാ​ളി സം​ര​ക്ഷ​ണ സ​മി​തി ക​ൺ​വീ​ന​ർ ഫ്രാ​ൻ​സി​സ് ക​ള​ത്തി​ങ്ക​ൽ തു​ട​ങ്ങി​യ​വ​രു​ടെ സ​ഹാ​യ​വു​മു​ണ്ടാ​യി. ചെ​ല്ലാ​നം മ​റു​വാ​ക്കാ​ട് പ്ര​ദേ​ശ​ത്തെ നെ​ൽ ക​ർ​ഷ​ക​നാ​യ ച​ന്തു മ​ഞ്ചാ​ടി​പ​റ​മ്പി​ൽ മു​ഖേ​ന​യാ​ണ് ഉ​പ്പി​നെ​യും ജ​ല​പ്ര​ള​യ​ത്തെ​യും അ​തി​ജീ​വി​ക്കാ​ൻ ശേ​ഷി​യു​ള്ള ലോ​ക പൈ​തൃ​ക​പ​ട്ടി​ക​യി​ൽ സ്ഥാ​നം​നേ​ടി​യ ചെ​ട്ടി​വി​രി​പ്പ് വി​ഭാ​ഗ​ത്തി​ലെ പൊ​ക്കാ​ളി നെ​ൽ​വി​ത്തു​ക​ൾ ന​ൽ​കി​യ​ത്.