കൗതുകം വിരിയുന്ന താമരപ്പാടം

കാ​ഞ്ഞി​ര​മ​റ്റം: പെ​രു​മ്പ​ള്ളി​യി​ലെ ക്ഷേ​ത്ര​മൈ​താ​നി​യി​ല്‍ കാ​ഴ്​​ച​യു​ടെ ഇ​ത​ൾ വി​ട​ർ​ത്തി താ​മ​ര വ​സ​ന്തം. മു​ള​ന്തു​രു​ത്തി പെ​രു​മ്പി​ള്ളി വ​ട​ക്കേ ആ​ല​യ്ക്ക​ല്‍ വി.​ആ​ര്‍. അ​ഭി​ലാ​ഷി​ന് ഇ​ത് വ​രു​മാ​ന​മാ​ര്‍ഗം മാ​ത്ര​മ​ല്ല, സ്വ​പ്‌​ന​സാ​ഫ​ല്യ​ത്തി​ന്‍റെ സാ​ക്ഷാ​ത്കാ​രം കൂ​ടി​യാ​ണ്. ഓ​രോ പൂ​ക്ക​ള്‍ക്കും ബ​ന്ധു​ക്ക​ളു​ടെ​യും ഭാ​ര്യ​യു​ടെ​യും പേ​ര് ന​ല്‍കി ഉ​റ്റ​വ​രെ​പ്പോ​ലെ ചേ​ര്‍ത്തു​പി​ടി​ച്ചാ​ണ് പ​രി​പാ​ലി​ക്കു​ന്ന​ത്.

സ​ഹ്യാ​ദ്രി ഇ​ന​ത്തി​ൽ​പെ​ട്ട താ​മ​ര, മു​ട്ട​യു​ടെ തൊ​ണ്ടി​ല്‍ വി​രി​യി​ച്ച് ​ശ്രദ്ധ നേ​ടു​ക​യും ചെ​യ്തു. അ​ഞ്ചു​വ​ര്‍ഷം മു​മ്പാ​ണ് താ​മ​ര​കൃ​ഷി തു​ട​ങ്ങ​ണ​മെ​ന്ന ആ​ഗ്ര​ഹം മ​ന​സ്സി​ലേ​ക്കെ​ത്തു​ന്ന​ത്. ഹോ​ട്ട​ല്‍ മാ​നേ​ജ്‌​മെ​ന്‍റ്​ പ​ഠ​ന​ത്തി​നു​ശേ​ഷം സ്റ്റാ​ര്‍ ഹോ​ട്ട​ലു​ക​ളി​ലും കാ​റ്റ​റി​ങ് രം​ഗ​ത്തും ജോ​ലി ചെ​യ്തു​വ​രു​ന്ന​തി​നി​ടെ​യാ​ണ് സ്വ​ന്തം സ്ഥ​ല​ത്ത് പ​രീ​ക്ഷ​ണ​മെ​ന്നോ​ണം 9000 രൂ​പ മു​ത​ല്‍മു​ട​ക്കി അ​ഞ്ചു സെ​ന്‍റി​ല്‍ വി​വി​ധ​യി​ന​ങ്ങ​ൾ ന​ട്ടു​വ​ള​ര്‍ത്തി തു​ട​ക്ക​മി​ട്ട​ത്.

കോ​വി​ഡ് കാ​ല​മെ​ത്തി​യ​തോ​ടെ കൃ​ഷി​യി​ടം വി​ക​സി​പ്പി​ച്ചു. പെ​രു​മ്പി​ള്ളി പോ​സ്റ്റ് ഓ​ഫി​സി​നു സ​മീ​പ​ത്തെ കു​ടും​ബ​ക്ഷേ​ത്ര​ത്തി​നോ​ടു ചേ​ര്‍ന്നു​ള്ള 40 സെ​ന്‍റി​ൽ സ്വ​ന്ത​മാ​യി ഹൈ​ബ്രി​ഡ് ചെ​യ്‌​തെ​ടു​ത്ത ഇ​രു​നൂ​റി​ല​ധി​കം താ​മ​ര​തൈ​ക​ള്‍ വി​ക​സി​പ്പി​ച്ചെ​ടു​ത്തു. 12ല​ധി​കം ആ​മ്പ​ലു​ക​ളും പൂ​ത്തു​ത​ളി​ര്‍ത്തു നി​ല്‍ക്കു​ന്നു.

പ്ര​മു​ഖ ഫു​ട്‌​ബാ​ള​ര്‍ എം​ബാ​പ്പെ​യു​ടെ നാ​മ​ത്തി​ലെ താ​മ​ര​യും അ​ഭി​ലാ​ഷി​ന്‍റെ കൃ​ഷി​യി​ട​ത്തി​ലു​ണ്ട്. 100 മു​ത​ല്‍ 18,000 രൂ​പ വ​രെ​യു​ള്ള വി​വി​ധ​ത​രം ഹൈ​ബ്രി​ഡ് ചെ​യ്ത​വ ഓ​ണ്‍ലൈ​നാ​യി വി​റ്റു​വ​രു​ന്നു​ണ്ട്. അ​ഭി​ലാ​ഷി​ന്‍റെ പ്ര​യ​ത്‌​ന​ത്തി​ന്‍റെ വാ​ര്‍ത്ത​യ​റി​ഞ്ഞ് കൃ​ഷി​മ​ന്ത്രി ഫോ​ണി​ല്‍ വി​ളി​ച്ച് അ​ഭി​ന​ന്ദ​നം അ​റി​യി​ച്ചി​രു​ന്നു.

ന​ല്ല രീ​തി​യി​ല്‍ പ​രി​പാ​ലി​ച്ച് വി​ജ​യ​ത്തി​ലേ​ക്ക് ക​ട​ക്കു​ന്ന​തി​ല്‍ ഏ​റെ പ​ങ്കും ഭാ​ര്യ ശ്വേ​ത​യു​ടേ​താ​ണെ​ന്ന് അ​ഭി​ലാ​ഷ് പ​റ​യു​ന്നു. ബ​ന്ധു​വാ​യ രാ​ഹു​ലും പി​താ​വ് രാ​ധാ​കൃ​ഷ്ണ​പി​ള്ള​യും മാ​താ​വ് ശാ​ന്ത​യും പ്ര​ചോ​ദ​ന​വു​മാ​യി ഒ​പ്പ​മു​ണ്ട്. മൂ​ന്നു വ​യ​സ്സു​ള്ള ത​ന്‍വി​യാ​ണ്​ മ​ക​ൾ.