ചെ​ല​വി​ല്ലാ​തെ തി​പ്പ​ലി കൃ​ഷി ചെ​യ്യാം

കാ​ര്യ​മാ​യ സാ​മ്പ​ത്തി​ക മു​ത​ൽ​മു​ട​ക്കി​ല്ലാ​തെ ചെ​യ്യാ​ൻ ക​ഴി​യു​ന്ന ഒ​ന്നാ​ണ് ഔ​ഷ​ധ​ച്ചെ​ടി​യാ​യ തി​പ്പ​ല്ലി കൃ​ഷി. ഇ​തി​ലൂ​ടെ മി​ക​ച്ച വ​രു​മാ​ന​വുമുണ്ടാക്കാം. കു​രു​മു​ള​ക് വ​ള്ളി​ക്ക് സ​മാ​ന​മാ​യ ഒ​ന്നാ​ണ് തി​പ്പ​ല്ലി. അ​തേ​രീ​തി​യി​ൽ മ​ര​ങ്ങ​ളി​ലും മ​റ്റും പ​ട​ർ​ത്തു​ക​യാ​ണ് ഇ​തി​ന്റെ കൃ​ഷി​രീ​തി.

കു​റെ വ​ർ​ഷ​മാ​യി തി​പ്പ​ല്ലി കൃ​ഷിയിലൂടെ നേ​ട്ട​മു​ണ്ടാ​ക്കുന്ന യു​വ​ക​ർ​ഷ​ക​ൻ കോ​ഴി​ക്കോ​ട് ജി​ല്ല​യി​ലു​ണ്ട്. ജൈ​വ​ക​ർ​ഷ​ക​നാ​യ പു​ന്ന​ശ്ശേ​രി ആ​റോ​ളി​പ്പൊ​യി​ലി​ലെ പു​തു​ക്കോ​ത്തും​ക​ണ്ടി ഗി​രീ​ഷ് കു​മാ​റാ​ണ് ത​ന്റെ പു​ര​യി​ട​ത്തോ​ട് ചേ​ർ​ന്ന് വി​പു​ല​മാ​യി തി​പ്പ​ല്ലി കൃ​ഷി ന​ട​ത്തു​ന്ന​ത്. പ​രേ​ത​നാ​യ മ​ധു​വ​നം രാ​ഘ​വ​ൻ വൈ​ദ്യ​ർ ന​ൽ​കി​യ ഒ​രു തൈ​യി​ൽ​നി​ന്നാ​ണ് ഗി​രീ​ഷ് കു​മാ​റി​ന്റെ തി​പ്പ​ല്ലി കൃ​ഷി​യ​ുടെ തു​ട​ക്കം. നി​ല​വി​ൽ നൂ​റ്റി​യ​മ്പ​തോ​ളം മ​ര​ങ്ങ​ളി​ൽ തി​പ്പ​ല്ലി വ​ള​ർ​ത്തു​ന്നു​ണ്ട്. ഏ​തു മ​ര​ത്തി​ലും തി​പ്പ​ലി വ​ള്ളി അ​ള്ളി​പ്പി​ടി​ച്ച് ക​യ​റും. വ​ർ​ഷ​ത്തി​ൽ മൂ​ന്നു​ത​വ​ണ വി​ള​വെ​ടു​ക്കാം. വ​ള്ളി ന​ട്ട് മൂ​ന്നു കൊ​ല്ല​ത്തി​നു​ള്ളി​ൽ​ത​ന്നെ തി​പ്പ​ല്ലി പ​റി​ക്കാ​ൻ പാ​ക​മാ​കും.

കാ​ര്യ​മാ​യ വ​ള​പ്ര​യോ​ഗ​മോ, പ​രി​ച​ര​ണ​മോ ആ​വ​ശ്യ​മി​ല്ലാ​ത്ത ഒ​ന്നാ​യ​തി​നാ​ൽ കൃ​ഷി​ക്ക് വ​ള​രെ കു​റ​വ് ചെ​ല​വ് മ​തി​യെ​ന്നാ​ണ് ഗി​രീ​ഷ്‍ കു​മാ​ർ പ​റ​യു​ന്ന​ത്. തി​പ്പ​ലി പ​ഴു​ത്തു ഭാ​ഗ​മാ​യാ​ൽ പ​റി​ച്ചെ​ടു​ത്ത് ഉ​ണ​ക്കി ഔ​ഷ​ധ​ശാ​ല​ക​ളി​ൽ എ​ത്തി​ക്കു​ക​യാ​ണ് പ​തി​വ്. കി​ലോ​ഗ്രാ​മി​ന് 500 രൂ​പ​ക്ക​ടു​ത്ത് ല​ഭി​ക്കാ​റു​ള്ള​താ​യി ഗി​രീ​ഷ് കു​മാ​ർ പ​റ​യു​ന്നു. ഏ​റെ വ​രു​മാ​ന സാ​ധ്യ​ത​യു​ള്ള ഔ​ഷ​ധ കൃ​ഷി​യാ​യി ഇ​ത് തി​ര​ഞ്ഞെ​ടു​ക്കാ​വു​ന്ന​താ​ണ്. തി​പ്പ​ല്ലി കൃ​ഷി​യി​ൽ കീ​ട​ങ്ങ​ളു​ടെ ഉ​പ​ദ്ര​വ​വും കു​റ​വാ​ണ്.

തി​പ്പ​ലി-​ആയുർവേദ ഔഷധകൂട്ട്

തി​പ്പ​ലി ഒ​ട്ടു​മി​ക്ക ആ​യു​ര്‍വേ​ദ ഔ​ഷ​ധ​ങ്ങ​ളി​ലും ചേ​ർക്കുന്നു​ണ്ട്. ത്രി​ക​ടു എ​ന്ന ഔ​ഷ​ധ​ക്കൂ​ട്ടു​ക​ളി​ൽ​പെ​ട്ട ഒ​ന്നാ​ണ് തി​പ്പ​ലി. ചു​ക്ക്, കു​രു​മു​ള​ക്, തി​പ്പ​ല്ലി എ​ന്നി​വ​യാ​ണ് ത്രി​ക​ടു. തി​പ്പ​ലി​ക്ക് ന​ല്ല എ​രി​വാ​ണ്. കു​രു​മു​ള​കി​നോ​ട്‌ സാ​ദൃ​ശ്യ​മു​ള്ള തി​പ്പ​ലി മൃ​ദു​ല​മാ​യ കാ​ണ്ഡ​ത്തോ​ടു​കൂ​ടി പ​ട​ര്‍ന്നു​വ​ള​രു​ന്ന സ​സ്യ​മാ​ണ്.

ഈ​ര്‍പ്പ​വും ജൈ​വാം​ശ​വു​മു​ള്ള മ​ണ്ണി​ല്‍ അ​ൽ​പം ത​ണ​ല്‍ ല​ഭി​ച്ചാ​ല്‍ തി​പ്പ​ലി ന​ന്നാ​യി വ​ള​രും. പ​ട​ര്‍ന്നു​കി​ട​ക്കു​ന്ന ത​ണ്ടി​ല്‍ ഓ​രോ മു​ട്ടു​ക​ളി​ലും വേ​രു​ക​ള്‍ ഉ​ണ്ടാ​യി​രി​ക്കും. വേ​രു​ള്ള ര​ണ്ടോ മൂ​ന്നോ മു​ട്ടു​ക​ളോ​ടു​കൂ​ടി​യ ത​ണ്ടു​ക​ള്‍ മു​റി​ച്ചെ​ടു​ത്ത്‌ ന​ടാ​ന്‍ ഉ​പ​യോ​ഗി​ക്കാം. തെ​ങ്ങ്, ക​വു​ങ്ങ്, ശീ​മ​ക്കൊ​ന്ന, മു​രി​ങ്ങ എ​ന്നി​വ​യി​ലെ​ല്ലാം പ​ട​ർ​ന്നു​ക​യ​റും. അ​വ​ക്കു​ള്ള വ​ളം​ത​ന്നെ മ​തി.