നാ​ര​കം കൃ​ഷി​ചെ​യ്യാം

വടുകപ്പുളി, ചെറുനാരങ്ങ, ഓറഞ്ച്, ബുഷ് ഓറഞ്ച്... ഇങ്ങനെ പല രൂപത്തിലും നിറങ്ങളിലും രുചിയിലുമുള്ള നാരങ്ങ എന്ന ഫലം വിളയുന്ന എല്ലാത്തിനെയും നാരകമെന്ന് വിളിക്കാം. ഓറഞ്ച് എന്നു വിളിക്കുന്ന മധുരമുള്ള ഫലം ​െപാതുവെ കേരളത്തിൽ വ്യാപകമായി കൃഷി ചെയ്തുവരാറില്ല. എന്നാൽ അ​ച്ചാ​റിനും സാലഡിനുമെല്ലാം ഉപയോഗിക്കുന്ന നാരങ്ങ ഇവിടെ യഥേഷ്ടം കൃഷിചെയ്തെടുക്കാം.

പ​ല​രു​ചി​ക​ൾ: കു​രു​വി​ല്ലാ​ത്ത സീ​ഡ്ലെ​സ് ലെ​മ​ൺ, ചെ​റു​നാ​ര​ങ്ങ​, ബു​ഷ് ഓ​റ​ഞ്ച്, റെ​ഡ് ലെ​മ​ൺ, ക​ല്‍ക്ക​ട്ട പാ​ത്തി​ലെ​മ​ണ്‍, ഫിം​ഗ​ര്‍ ലെ​മ​ണ്‍, വ​ടു​ക​പ്പു​ളി എ​ന്ന ത​നി നാ​ട​ൻ, വെ​റി​ഗേ​റ്റ​ഡ് ബു​ഷ് ഓ​റ​ഞ്ച്, ഇ​സ്ര​യേ​ല്‍ ഓ​റ​ഞ്ച്, അ​സം ലെ​മ​ണ്‍ അ​ഥ​വാ കാ​ജി ലെ​മ​ണ്‍ എ​ന്നി​വ​യെ​ല്ലാം യ​ഥേ​ഷ്ടം വി​ള​യു​ന്ന നാ​ര​ക ഇനങ്ങ​ളാ​ണ്. ബു​ഷ് ഓ​റ​ഞ്ച് അ​തി​ഥി സ​ൽ​ക്കാ​ര​ങ്ങ​ളി​ലെ താ​ര​മാ​ണ്. ചെ​റു മ​ധു​ര​മാ​ണ് ഇ​തി​ന്റെ പ്ര​ത്യേ​കത. അ​ച്ചാ​റി​നും ക​റി​ക്കു​ം ഉ​പ​യോ​ഗി​ക്കു​ന്ന ചെ​റു​നാ​ര​ങ്ങ​ക്കും വ​ടു​ക​പ്പു​ളി​ക്കുമാ​ണ് ആ​വ​ശ്യ​ക്കാ​ർ കു​ടു​ത​ൽ. മണ്ണിലും ക​ണ്ടെ​യ്‌​ന​റു​ക​ളി​ലും നാ​ര​ക​ം കൃ​ഷി​ചെ​യ്യാ​ം. മ​ണ്ണു​ത്തി​ കാ​ര്‍ഷി​ക സ​ര്‍വ​ക​ലാ​ശാ​ല​യു​ടെ ന​ഴ്‌​സ​റി​യി​ലും കൃ​ഷി ഓ​ഫി​സു​ക​ൾ വ​ഴി​യും നാ​ര​ക​ത്തൈ​ക​ൾ ല​ഭി​ക്കും.

കൃ​ഷി എ​ങ്ങ​നെ?: ലെ​യ​ർ, ബ​ഡ്, ഗ്രാ​ഫ്‌​റ്റ് തൈ​ക​ളാ​ണ് കൃ​ഷി​ക്ക് ഉ​ത്ത​മം. ചി​ലത് കൊ​മ്പു​കു​ത്തി ന​ടാ​മെ​ങ്കി​ലും കാ​യ്ഫ​ല​ത്തി​ന് സ​മ​യ​മെ​ടു​ക്കും. ര​ണ്ട​ര​യ​ടി ആ​ഴ​വും വി​സ്താ​ര​വു​മു​ള്ള കു​ഴി​യെ​ടു​ത്ത് തൈ ന​ടണം. കു​ഴി​യി​ൽ മേ​ല്‍മ​ണ്ണും വ​ള​വും ചേ​ർ​ത്ത് ന​ടുഭാ​ഗ​ത്ത് തൈ ​ന​ടാം. ചാ​ണ​ക​പ്പൊ​ടി, എ​ല്ലു​പൊ​ടി, വേ​പ്പി​ന്‍പി​ണ്ണാ​ക്ക് എ​ന്നി​വ​യാണ് മി​ക​ച്ച വ​ള​ങ്ങ​ൾ. സൂ​ര്യ​പ്ര​കാ​ശം ലഭിക്കണം. ക​ണ്ടെ​യ്‌​ന​ർ കൃ​ഷി​ക്ക് വലിയ ച​ട്ടി​ക​ളോ ഡ്ര​മ്മു​ക​ളോ​ ഉ​പ​യോ​ഗി​ക്ക​ാം. മ​ണ്ണ് ഇ​ട​ക്കി​ടെ ഇ​ള​ക്കി ന​ൽ​ക​ണം. വ​ള​ത്തി​നു പു​റ​മേ മൂ​ന്നി​ലൊ​ന്നു​ഭാ​ഗം മ​ണ​ലും ​നിറക്കണം. മ​ണ്ണി​ൽ ആ​ഴ്ച​യി​ല്‍ ര​ണ്ടു​ത​വ​ണ​യും ക​ണ്ടെ​യ്‌​ന​റി​ൽ ര​ണ്ടു​ദി​വ​സ​ത്തി​ല്‍ ഒ​രി​ക്ക​ലും ന​ന നി​ർ​ബ​ന്ധം.