Begin typing your search above and press return to search.
exit_to_app
exit_to_app
Homechevron_rightAgriculturechevron_rightAgri Newschevron_rightഉരുൾപൊട്ടൽ, പ്രളയം:...

ഉരുൾപൊട്ടൽ, പ്രളയം: കോ​ട്ട​യത്ത്​ 80 കോടിയുടെ കൃഷി നഷ്​ടം, അഞ്ഞൂറ് ഏക്കർ ഒലിച്ചുപോയി

text_fields
bookmark_border
flood rain
cancel
കോ​ട്ട​യം: ക​ന​ത്ത മ​ഴ​യി​ലും ഉ​രു​ൾ​പ്പൊ​ട്ട​ലി​ലും ജി​ല്ല​യു​ടെ കാ​ർ​ഷി​ക​മേ​ഖ​ല​യി​ലു​ണ്ടാ​യ​ത്​ 80 കോ​ടി​യു​ടെ ന​ഷ്​​ടം. ഒ​ക്​​ടോ​ബ​ർ ഒ​ന്നു​മു​ത​ൽ ക​ഴി​ഞ്ഞ​ദി​വ​സം​വ​രെ​യു​ള്ള കൃ​ഷി​വ​കു​പ്പി​െൻറ പ്രാ​ഥ​മി​ക ക​ണ​ക്ക​നു​സ​രി​ച്ച്​ 14,289.93 ഏ​ക്ക​ർ സ്​​ഥ​ല​ത്തെ കൃ​ഷി​ ന​ശി​ച്ചു. ഉ​രു​ൾ​പൊ​ട്ട​ലും മ​ല​വെ​ള്ള​പ്പാ​ച്ചി​ലു​മാ​ണ്​ ക​ന​ത്ത​നാ​ശം വി​ത​ച്ച​ത്. ഇ​തി​നു​പി​ന്നാ​ലെ​യു​ണ്ടാ​യ പ്ര​ള​യ​ത്തി​ലും വ​ലി​യ​തോ​തി​ൽ കൃ​ഷി​യി​ട​ങ്ങ​ൾ വെ​ള്ള​ത്തി​ലാ​യി. 16,078 ക​ർ​ഷ​ക​ർ​ക്കാ​ണ്​ ന​ഷ്​​ട​ങ്ങ​ളു​ണ്ടാ​യ​ത്.

മ​ല​വെ​ള്ള​പ്പാ​ച്ചി​ലി​ലും ഉ​രു​ൾ​പൊ​ട്ട​ലി​ലു​മാ​യി അ​ഞ്ഞൂ​റ് എ​ക്ക​റോ​ളം കൃ​ഷി​ഭൂ​മി ഒ​ലി​ച്ചു​പോ​യ​താ​യും വ​കു​പ്പി​െൻറ ക​ണ​ക്കെ​ടു​പ്പി​ൽ ക​ണ്ടെ​ത്തി​യി​ട്ടു​ണ്ട്. ഗ​ർ​ത്ത​മാ​യും മ​ണ്ണ്​ കൂ​ന​യാ​യും ഇ​വി​ട​ത്തെ കൃ​ഷി​ഭൂ​മി മാ​റി.

കൂ​ട്ടി​ക്ക​ൽ, എ​രു​മേ​ലി, മു​ണ്ട​ക്ക​യം, കോ​രു​ത്തോ​ട് അ​ട​ക്ക​മു​ള്ള കാ​ഞ്ഞി​ര​പ്പ​ള്ളി ബ്ലോ​ക്കി​ലാ​ണ് ഏ​റ്റ​വും അ​ധി​കം കൃ​ഷി ഭൂ​മി ഒ​ലി​ച്ചു​പോ​യ​ത്. ഇ​വി​ടെ 456.60 ഏ​ക്ക​ർ ഭൂ​മി​യാ​ണ്​ ഇ​ല്ലാ​താ​യ​ത്. ഉ​രു​ൾ​പൊ​ട്ട​ലി​ൽ പ​ല​രു​ടെ​യും കൃ​ഷി​യി​ട​ങ്ങ​ൾ കൊ​ക്ക​പോ​ലെ​യാ​യി. പ്ലാ​പ്പ​ള്ളി, കൂ​ട്ടി​ക്ക​ൽ, ഏ​ന്ത​യാ​ർ, ഇ​ളം​കാ​ട്, കാ​വാ​ലി, മ്ലാ​ക്ക​ര മേ​ഖ​ല​ക​ളി​ലാ​യി നി​ര​വ​ധി ഏ​ക്ക​ർ ഭൂ​മി പു​ല്ല​ക​യാ​റ്റി​ൽ ഒ​ഴു​കി​യെ​ത്തി. ഈ ​പ്ര​ദേ​ശ​ങ്ങ​ളി​ലൊ​ന്നും ഇ​നി കൃ​ഷി സാ​ധ്യ​മ​ല്ലെ​ന്ന് ക​ർ​ഷ​ക​ർ വേ​ദ​ന​യോ​ടെ പ​റ​യു​ന്നു. മ​ണ്ണ്​ നീ​ക്കാ​ൻ പോ​ലും ക​ഴി​യാ​ത്ത സാ​ഹ​ച​ര്യ​മാ​യ​തി​നാ​ൽ ഭൂ​മി ത​ന്നെ ഉ​പേ​ക്ഷി​ക്ക​ണ​മെ​ന്നും ഇ​വ​ർ പ​റ​യു​ന്നു. പൂ​ർ​ണ​മാ​യി ഇ​ല്ലാ​താ​യ​തി​നൊ​പ്പം വ​ലി​യ​തോ​തി​ൽ മേ​ൽ​മ​ണ്ണ്​ ഒ​ലി​ച്ചു​പോ​യ കൃ​ഷി​യി​ട​ങ്ങ​ളു​മു​ണ്ട്. ഇ​ത്ത​രം സ്​​ഥ​ല​ങ്ങ​ളി​ൽ ഉ​ട​ൻ കൃ​ഷി സാ​ധ്യ​മാ​കി​ല്ലെ​ന്നും ക​ർ​ഷ​ക​ർ പ​റ​യു​ന്നു. പൂ​ഞ്ഞാ​ർ തെ​ക്കേ​ക്ക​ര കൃ​ഷി​ഭ​വ​ന്​ കീ​ഴി​ലും ഭൂ​മി ഒ​ലി​ച്ചു പോ​യി​ട്ടു​ണ്ട്. പൂ​ഞ്ഞാ​ർ തെ​ക്കേ​ക്ക​ര​യി​ൽ 37.06 ഏ​ക്ക​ർ ഭൂ​മി​യാ​ണ്​ ന​ഷ്​​ട​പ്പെ​ട്ട​ത്. കൃ​ഷി​യെ മാ​ത്രം ആ​ശ്ര​യി​ച്ചി​രു​ന്ന നൂ​റു​ക​ണ​ക്കി​ന്​ മ​ല​യോ​ര​ക​ർ​ഷ​ക​രു​ടെ ​പ്ര​തീ​ക്ഷ​ക​ൾ​ക്ക്​ ഇ​ത്​ വ​ലി​യ തി​രി​ച്ച​ടി​യാ​യി.

മ​ല​യോ​ര​മേ​ഖ​ല​ക്കൊ​പ്പം ജി​ല്ല​യു​ടെ പ​ടി​ഞ്ഞാ​ൻ മേ​ഖ​ല​യും മ​ഴ നാ​ശം​വി​ത​ച്ചു. നെ​ല്ലു​ക​ൾ കൊ​യ്യാ​നാ​കാ​തെ​യും ഒ​രു​ക്കി​യ പാ​ട​ത്ത് കൃ​ഷി​യി​റ​ക്കാ​നാ​വാ​തെ​യും അ​പ്പ​ർ​കു​ട്ട​നാ​ട്ടി​ലെ നി​ര​വ​ധി ക​ർ​ഷ​ക​രാ​ണ് ദു​രി​ത​ത്തി​ലാ​യ​ത്. വി​വി​ധ പാ​ട​ങ്ങ​ളി​ലാ​യി കൊ​യ്യാ​റാ​യ അ​യ്യാ​യി​രം ഏ​ക്ക​റി​ലാ​ണ്​ വെ​ള്ളം ക​യ​റി​യ​ത്. ചി​ല പാ​ട​ങ്ങ​ളി​ൽ ക​തി​ർ ഒ​ടി​ഞ്ഞ് വീ​ണു. വെ​ള്ളം തു​ട​ർ​ച്ച​യാ​യി കെ​ട്ടി നി​ന്ന​തു​മൂ​ലം നെ​ൽ​ച്ചെ​ടി അ​ഴു​കു​ന്നു​മു​ണ്ട്. വൈ​ക്കം, ഏ​റ്റു​മാ​നൂ​ർ ബ്ലോ​ക്കു​ക​ളി​ലെ 1200 ഏ​ക്ക​ർ വി​ത​യാ​ണ്​ ന​ശി​ച്ച​ത്. 51 പാ​ട​ത്ത് മ​ട​വീ​ണു, 20 പാ​ട​ത്ത് പെ​ട്ടി, പ​റ മോ​ട്ടോ​റു​ക​ൾ ന​ശി​ച്ചു. 10 പാ​ട​ത്തെ റി​ങ്​ ബ​ണ്ട് ന​ശി​ച്ചി​ട്ടു​ണ്ട്. ച​ങ്ങ​നാ​ശ്ശേ​രി മാ​ട​പ്പ​ള്ളി ​​ബ്ലോ​ക്കി​ൽ 125 ഏ​ക്ക​റി​ൽ കൃ​ഷി​ക്കാ​യി ഒ​രു​ക്കി​യ നി​ലം ന​ശി​ച്ചു.

വി​ത ന​ശി​ച്ച പാ​ട​ങ്ങ​ളി​ൽ വീ​ണ്ടും വി​ത്ത് വി​ത​ര​ണം പൂ​ർ​ത്തി​യാ​ക്കി​യി​ട്ടു​ണ്ട്. കൃ​ഷി ന​ശി​ച്ച ക​ർ​ഷ​ക​ർ​ക്ക്​ എ​ത്ര​യും വേ​ഗം ന​ഷ്​​ട​പ​രി​ഹാ​രം ല​ഭ്യ​മാ​ക്കു​മെ​ന്നാ​ണ്​ കൃ​ഷി​വ​കു​പ്പ്​ പ​റ​യു​ന്ന​ത്. എ​ന്നാ​ൽ, മു​ൻ​വ​ർ​ഷ​ങ്ങ​ളി​ലെ നാ​ശ​ങ്ങ​ൾ​ക്കു​ള്ള ന​ഷ്​​ട​പ​രി​ഹാ​രം ഇ​പ്പോ​ഴും ല​ഭി​ക്കാ​നു​ണ്ടെ​ന്ന്​ നെ​ല്ല്​ ക​ർ​ഷ​ക​ർ പ​റ​യു​ന്നു.


Show Full Article
TAGS:landslides floods crop 
News Summary - Landslides, floods: Rs 80 crore crop loss in Kottayam, 500 acres washed away
Next Story