പച്ചപിടിക്കാതെ​ തോട്ടവും തൊഴിലാളികളും

കാപ്പി, തേയില, റബർ തുടങ്ങിയ കൃഷികളും അനുബന്ധ വ്യവസായവും കൂടിച്ചേർന്ന തോട്ടം മേഖലയിൽ തൊഴിലാളികൾ കടുത്ത പ്രത ിസന്ധിയിൽ​. രാജ്യത്തെ തോട്ടം മേഖലയുടെ പകുതിയോളം വരുന്ന കേരളത്തില്‍ കഴിഞ്ഞ മൂന്നു നാലു വർഷമായി ഉൽപാദനവും വരുമ ാനവും ഗണ്യമായി കുറഞ്ഞിരിക്കുകയാണ്​.

വയനാട്​ പോലുള്ള പ്രദേശങ്ങളിൽ ചില പ്രമുഖ എസ്​റ്റേറ്റുകൾ മാസങ്ങളായി പൂട്ടിക്കിടക്കുന്നു. ആയിരക്കണക്കിന്​ കോടി രൂപയുടെ നഷ്​ടം വൻകിട തോട്ടം മേഖലയിൽ മാത്രമുണ്ട്​. അതിനിടെ കോവിഡ്​ ലോക്​ഡൗൺ കൂടിയായപ്പോൾ സ്​ഥിതി രൂക്ഷം​. 2012-13 സാമ്പത്തിക വര്‍ഷം കൈവരിച്ച 21,000 കോടി രൂപയുടെ ഉൽപാദനം ഇപ്പോള്‍ 10,000 കോടിയിൽ താഴേക്ക്​ കൂപ്പുകുത്തി.

കേരളത്തിലെ തോട്ടം മേഖല 7,11,031 ഹെക്ടര്‍ ആണ്. കൃഷിഭൂമിയുടെ 27 ശതമാനം. ഏകദേശം മൂന്നു ലക്ഷത്തിലധികം തൊഴിലാളികള്‍ തോട്ടം മേഖലയിലുണ്ട്​. മേഖലയെ പരോക്ഷമായി ആശ്രയിച്ച്​ കഴിയുന്നവർ ​െതാഴിലാളി കുടുംബങ്ങളടക്കം 30 ലക്ഷത്തിലേറെ വര​ും. 25,000 കിലോ ചായപ്പൊടി ഉൽപാദിപ്പിച്ചിരുന്ന സ്​ഥാനത്ത്​ ഇപ്പോൾ 6000-7000 കിലോയാണ്​ ഉൽപാദനമെന്ന്​ മലബാർ എസ്​റ്റേറ്റ്​ വർക്കേഴ്​സ്​ യൂനിയൻ ജനറൽ സെക്രട്ടറി പി.കെ. അനിൽകുമാർ പറഞ്ഞു. തേയില, കാപ്പി, റബർ, ഏലം തോട്ടങ്ങളാണ്​ കൂടുതൽ പ്രതിസന്ധി നേരിടുന്നത്​. ആഭ്യന്തര-അന്താരാഷ്​ട്ര വിപണികൾ ഇല്ലാത്തതിനാൽ ചായപ്പൊടിയടക്കം കെട്ടിക്കിടക്കുന്നു.

ലോക്​ഡൗൺ ദിവസങ്ങളിൽ ജോലി മുടങ്ങിയതിനാൽ തേയില മൂത്തുപോയതായും ഇനി വളർന്ന ഭാഗം വെട്ടിയൊഴിവാക്കി പുതിയത്​ തളിർത്താലേ കിള്ളാനാകൂയെന്നും ഐ.എൻ.ടി.യു.സി ജില്ല പ്രസിഡൻറ്​ പി.പി. ആലി പറഞ്ഞു. വളം, കീടനാശിനികൾ, കൃഷി ഉപകരണങ്ങൾ എന്നിവ കിട്ടാനില്ലാത്തത് പ്രതിസന്ധി ഇരട്ടിപ്പിച്ചു. തമിഴ്നാട് ഉൾപ്പെടെ ഇതരസംസ്ഥാനങ്ങളിൽ നിന്നും തൊഴിലാളികൾ എത്താത്തതും പ്രതിസന്ധിയുണ്ടാക്കുന്നു.