കേ​ര​ള ചി​ക്ക​ൻ കോ​ഴി​ത്തീ​റ്റ​യും മ​രു​ന്നും ല​ഭി​ക്കാ​തെ ക​ർ​ഷ​ക​ർ വലയുന്നു

പൂ​ക്കോ​ട്ടും​പാ​ടം: വ്യാ​വ​സാ​യി​ക​മാ​യി കോ​ഴി ഫാം ​ന​ട​ത്തു​ന്ന ക​ർ​ഷ​ക​ർ കോ​ഴി​ത്തീ​റ്റ​യും മ​രു​ന്നു​ക​ളും ല​ഭി​ക്കാ​തെ ദു​രി​ത​ത്തി​ൽ. കേ​ര​ള ചി​ക്ക​ൻ പ​ദ്ധ​തി​യു​ടെ ഭാ​ഗ​മാ​യി ന​ട​ത്തു​ന്ന ക​ർ​ഷ​ക​രാ​ണ് ദു​രി​ത​ത്ത​ിലാ​യ​ത്. പ​ദ്ധ​തി​യു​ടെ ന​ട​ത്തി​പ്പ് ചു​മ​ത​ല​യു​ള്ള സം​ഘം മ​രു​ന്നു​ക​ളും തീ​റ്റ​യും എ​ത്തി​ക്കാ​ത്ത​താ​ണ് ക​ർ​ഷ​ക​രെ ദു​രി​ത​ത്തി​ലാ​ക്കി​യ​ത്.

സം​സ്ഥാ​ന സ​ർ​ക്കാ​റി​ന്റെ കേ​ര​ള ചി​ക്ക​ൻ പ​ദ്ധ​തി​യു​മാ​യി ബ​ന്ധ​പ്പെ​ട്ട് വ​യ​നാ​ട് ആ​സ്ഥാ​ന​മാ​യ സ​ഹ​ക​ര​ണ സം​ഘ​മാ​ണ് ജി​ല്ല​യി​ലെ 30ഓ​ളം കോ​ഴി ക​ർ​ഷ​ക​രു​മാ​യി ക​രാ​റി​ൽ ഏ​ർ​പ്പെ​ട്ട് കോ​ഴി വ​ള​ർ​ത്തു​ന്ന​ത്. കോ​ഴി​ക​ളെ വ​ള​ർ​ത്താ​നാ​വ​ശ്യ​മാ​യ കൂ​ടും അ​നു​ബ​ന്ധ ഉ​പ​ക​ര​ണ​ങ്ങ​ളും ക​ർ​ഷ​ക​ൻ ല​ഭ്യ​മാ​ക്കു​ക​യും കോ​ഴി​ക്കു​ഞ്ഞു​ങ്ങ​ളും തീ​റ്റ​യും മ​രു​ന്നും സം​ഘം ന​ൽ​കു​ന്ന​തു​മാ​ണ് പ​ദ്ധ​തി. കോ​ഴി വ​ള​ർ​ത്തി ഇ​റ​ച്ചി പ​രു​വ​മാ​കു​ന്ന​തോ​ടെ തി​രി​കെ എ​ടു​ത്ത് കൂ​ലി​യി​ന​ത്തി​ൽ എ​ട്ട് മു​ത​ൽ 11 രൂ​പ വ​രെ ക​ർ​ഷ​ക​ർ​ക്ക് ന​ൽ​കു​മെ​ന്ന് പ​റ​ഞ്ഞ് വ്യ​വ​സ്ഥ ഉ​ണ്ടാ​ക്കി​യാ​ണ് ക​ർ​ഷ​ക​ർ കോ​ഴി വ​ള​ർ​ത്ത​ലി​ലേ​ക്ക് ഇ​റ​ങ്ങി​യ​ത്.

കൂ​ടാ​തെ കോ​ഴി ഒ​ന്നി​ന് 130 രൂ​പ ക​രു​ത​ൽ ധ​ന​വും ക​ർ​ഷ​ക​രി​ൽ​നി​ന്ന് സം​ഘം ഈ​ടാ​ക്കി. എ​ന്നാ​ൽ, ആ​ദ്യ ഘ​ട്ട​ത്തി​ൽ മി​ക​ച്ച രീ​തി​യി​ൽ ന​ട​ത്തി​യ പ​ദ്ധ​തി ഇ​പ്പോ​ൾ താ​ളം​തെ​റ്റി. കോ​ഴി​ക​ളെ തി​രി​കെ​യെ​ടു​ക്കു​മ്പോ​ൾ ക​ർ​ഷ​ക​ന് കൂ​ലി ഇ​ന​ത്തി​ൽ ന​ൽ​കേ​ണ്ട തു​ക പൂ​ർ​ണ​മാ​യി ന​ൽ​കാ​തെ​യും കോ​ഴി​ക്കു​ഞ്ഞു​ങ്ങ​ളെ ഇ​റ​ക്കി​യ ശേ​ഷം ആ​വ​ശ്യ​മാ​യ തീ​റ്റ ന​ൽ​കാ​തെ​യും സം​ഘം ക​ർ​ഷ​ക​രെ ദു​രി​ത​ത്തി​ലാ​ക്കു​ക​യാ​ണ​ന്ന് അ​മ​ര​മ്പ​ലം പ​ഞ്ചാ​യ​ത്തി​ലെ വ​ട്ട​പ​റ​മ്പി​ൽ ഉ​ണ്ണി മൊ​യ്തീ​ൻ പ​റ​ഞ്ഞു. കോ​ഴി​ക്കു​ഞ്ഞു​ങ്ങ​ളെ ഇ​റ​ക്കി 31 ദി​വ​സം ക​ഴി​ഞ്ഞി​ട്ടും ആ​വ​ശ്യ​മാ​യ തീ​റ്റ ഇ​റ​ക്കി ന​ൽ​കാ​ത്ത​തി​നാ​ൽ കോ​ഴി​ക​ൾ പ​ര​സ്പ​രം കൊ​ത്തി ചാ​വു​ന്ന സ്ഥി​തി​യാ​ണ്.

ദി​നേ​ന 50 മു​ത​ൽ 100 വ​രെ കു​ഞ്ഞു​ങ്ങ​ൾ ഇ​ത്ത​ര​ത്തി​ൽ ചാ​വു​ന്നു​ണ്ട്. തീ​റ്റ ല​ഭി​ക്കാ​ത്ത​തി​നാ​ൽ 31 ദി​വ​സം പ്രാ​യ​മാ​യ കോ​ഴി​ക്കു​ഞ്ഞു​ങ്ങ​ൾ​ക്ക് 800 ഗ്രാ​മി​ൽ താ​ഴെ മാ​ത്ര​മേ തൂ​ക്ക​മാ​യി​ട്ടു​ള്ളൂ എ​ന്നും ക​ർ​ഷ​ക​ൻ പ​റ​യു​ന്നു. സം​ഘ​വു​മാ​യി ബ​ന്ധ​പ്പെ​ട്ട​പ്പോ​ൾ ക​ർ​ഷ​ക​രോ​ട് തീ​റ്റ വാ​ങ്ങി ന​ൽ​കാ​നാ​ണ് ആ​വ​ശ്യ​പ്പെ​ടു​ന്ന​ത്. എ​ന്നാ​ൽ, തീ​റ്റ ഇ​ന​ത്തി​ൽ ഭീ​മ​മാ​യ തു​ക താ​ങ്ങാ​നു​ള്ള സാ​ഹ​ച​ര്യം ത​ങ്ങ​ൾ​ക്കി​ല്ലെ​ന്ന്​ ഉ​ണ്ണി മൊ​യ്തീ​ൻ പ​റ​ഞ്ഞു. കൂ​ടു​ത​ൽ ക​ർ​ഷ​ക​രെ ഉ​ൾ​പ്പെ​ടു​ത്തി സ​മ​ര പ​രി​പാ​ടി​ക​ൾ ആ​സൂ​ത്ര​ണം ചെ​യ്യാ​നു​ള്ള ഒ​രു​ക്ക​ത്തി​ലാ​ണ് മ​ല​പ്പു​റ​ത്തെ ക​ർ​ഷ​ക​ർ.