Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightAgriculturechevron_rightAgri Newschevron_rightകാർഷിക മേഖലക്ക്​...

കാർഷിക മേഖലക്ക്​ അടിയന്തര പുനരുജ്ജീവനം ആവശ്യം

text_fields
bookmark_border
കാർഷിക മേഖലക്ക്​ അടിയന്തര പുനരുജ്ജീവനം ആവശ്യം
cancel

കോവിഡ്​ ലോക്​ഡൗൺ സംസ്​ഥാനത്തെ കാർഷിക മേഖലയെ സാരമായി ബാധിച്ചുകഴിഞ്ഞു. 68​ ലക്ഷം ഭൂവുടമകളിൽ 66 ലക്ഷവും ഒരു ഹെക് ​ടറിൽ താഴെ ഭൂമിയുള്ള നാമമാത്ര കർഷകരാണെന്നതാണ്​ സംസ്​ഥാനത്തി​​െൻറ സ്​ഥിതി ഗുരുതരമാക്കുന്നത്​. നഗര-ഗ്രാമ അന് തരം കുറവായ കേരളത്തിൽ പകുതിയിലധികം ജനങ്ങളും ജീവിക്കുന്നത്​ കൃഷിയുമായി ബന്ധപ്പെട്ട്​ ഗ്രാമങ്ങളിലാണ്​.

സംസ ്​ഥാനത്തെ മൊത്തം കൃഷി ഭൂമിയായ ഇരുപത്തിയഞ്ച്​ ലക്ഷം ഹെക്​ടറി​​െൻറ അറുപതു ശതമാനത്തിലധികവും ദീർഘകാല തോട്ടവി ളകളാണെന്നതും മറ്റൊരു പ്രത്യേകതയാണ്​. ഭക്ഷ്യ വിളകളായ നെല്ല്​, മരച്ചീനി, പച്ചക്കറികൾ, പഴങ്ങൾ എന്നിവയും ​െതങ്ങു ം കൂടി ബാക്കി നാൽപതു ശതമാനം. സംസ്​ഥാനത്തെ മൊത്തം തൊഴിലാളികളുടെ പതിനേഴ്​ ശതമാനവും കൃഷി രംഗത്താണ്.
സംസ്​ഥാന ത്ത്​ 1.97 ലക്ഷം ഹെക്​ടർ സ്​ഥലത്തുനിന്നും 5.78 ലക്ഷം ടൺ നെല്ലുൽപാദിപ്പിക്കുന്നു. ഇതി​​െൻറ നാൽപതു ശതമാനവും പുഞ്ചകൃഷ ിയാണ്​.

പ്രത്യേകിച്ച്​ ആലപ്പുഴ, തൃശൂർ, കോട്ടയം, പാലക്കാട്​ ജില്ലകളിൽ. കോവിഡ്​ കാലത്ത്​ കൊയ്​ത്തുമെതി യന്ത്രങ്ങളുടെ അഭാവം കൊയ്​ത്തിനെ സാരമായി ബാധിച്ചു. പ്രത്യേകിച്ചും ലോക്​ഡൗണി​​െൻറ ആദ്യ നാളുകളിൽ. കർണാടകത്തിൽനിന്നും തമിഴ്​നാട്ടിൽനിന്നും യന്ത്രങ്ങൾ എത്താതിരുന്നതാണ്​ കാരണം. കൊയ്​ത്ത്​ താമസിച്ചത്​ നെല്ല്​ സംഭരണത്തെയും തകിടംമറിച്ചു. തെങ്ങി​​െൻറ കാര്യത്തിലും മുഖ്യമായും വിളവെടുപ്പിനെയാണ്​ ബാധിച്ചത്​.
ഏകദേശം അമ്പതിനായിരം ഹെക്​ടർ സ്​ഥലത്ത്​ സംസ്​ഥാനത്ത്​ പച്ചക്കറി കൃഷി ചെയ്യുന്നുണ്ട്​. പ്രാദേശിക മാർക്കറ്റുകളെല്ലാം അടച്ചത്​ ആദ്യ ദിനങ്ങളിൽ പച്ചക്കറി-പഴം കർഷകരെ നഷ്​ടത്തിലാക്കി.

ലോക്​ഡൗൺ ബാധിച്ചത്​ ഇങ്ങനെ
 നെല്ല്​ സംഭരണം തകരാറിലായി
 കൃഷി ഉൽപന്നങ്ങൾ വിളവെടുത്ത്​ കച്ചവടക്കാരിൽ എത്തിക്കുന്നത്​ തടസ്സപ്പെട്ടു
 തൊഴിൽ ലഭ്യതക്കുറവ്​ വിളവെടുപ്പിനെ ബാധിച്ചു
 ഗതാഗത സംവിധാനം നിലച്ചത്​ വിപണി ഇല്ലാതാക്കി. വിൽപനയും തടസ്സപ്പെട്ടു
 ചന്തകൾ അടഞ്ഞുകിടന്നത്​ വിൽപനയെ ബാധിച്ചു
 കർഷകർക്ക്​ കിട്ടുന്ന വില ഗണ്യമായി കുറഞ്ഞു
 വേനൽക്കാല വിളകളായ ചേന, കാച്ചിൽ തുടങ്ങിയവയുടെ നടീൽ താമസിച്ചു
 വിതരണ ശൃംഖലയിലുണ്ടായ തകരാറുകൾ കൃഷിയുടെ എല്ലാ മേഖലകളെയും സ്​തംഭിപ്പിച്ചു

സ്വീകരിക്കേണ്ട നടപടികൾ

സംസ്​ഥാനത്തി​​െൻറ മൊത്തം ആഭ്യന്തര ഉൽപാദനത്തി​​െൻറ ഒമ്പതര ശതമാനം സംഭാവന ചെയ്യുന്ന കൃഷി മേഖലയെ എങ്ങനെ പുനരുജ്ജീവിപ്പിക്കാം എന്ന്​ ചിന്തിക്കേണ്ട സമയമാണിത്​. കർഷകരുടെ ഉൽപന്നങ്ങൾക്ക്​ ഡിമാൻറ്​ വർധിപ്പിക്കുക, വിലയിടിവ്​ പിടിച്ചുനിർത്തുക എന്നതാണ്​ ആദ്യം ചെയ്യേണ്ടത്​. കൃഷിക്ക്​ ഉപയോഗിക്കുന്ന വിത്ത്​, വളം തുടങ്ങിയവ കുറഞ്ഞ വിലയിൽ ലഭ്യമാക്കണം. നിലവിലുള്ള സബ്​സിഡി വിപുലമാക്കണം. പി.എം. കിസാൻ പദ്ധതിയിലൂടെ നൽകുന്ന ആനുകൂല്യങ്ങൾ പാട്ടകൃഷിക്കാർക്കും കൃഷി തൊഴിലാളികൾക്കുംകൂടി ലഭ്യമാക്കുന്നത്​ കർഷകർക്ക്​ വലിയ ആശ്വാസമാകും.

പാട്ടത്തിന്​ സ്​ഥലമെടുത്ത്​ കൃഷി നടത്തുന്ന കർഷകരുടെ എണ്ണം വളരെ കൂടുതലുള്ള സംസ്​ഥാനമാണിത്​. ഏകദേശം പത്തു ലക്ഷം തൊഴിലാളികൾ വിവിധ കാർഷിക പ്രവർത്തനങ്ങളുമായി ബന്ധപ്പെടുന്നുണ്ട്​. സംസ്​ഥാനത്ത്​ ലഭ്യമായ വിള ഇൻഷുറൻസ്,​ കൃഷി ചെലവുമായി താരതമ്യം ചെയ്യു​േമ്പാൾ വളരെ തുച്ഛമാണ്​. തൊഴിലാളികളുടെ കൂലിയും മറ്റു​ ചെലവുകളും മറ്റു സംസ്​ഥാന​ങ്ങളെക്കാൾ കൂടുതലായതിനാൽ അതി​​െൻറ അടിസ്​ഥാനത്തിൽ ഇൻഷുറൻസ്​ തുക നിശ്ചയിക്കുന്നത്​ കർഷകർക്ക്​ ഗുണകരമാകും. ഭക്ഷ്യ വിതരണ ശൃംഖല പുനഃസ്​ഥാപിക്കുക എന്നത്​ സമയമെടുക്കുമെങ്കിലും അതിനാണ്​ പ്രധാനമായും ഊന്നൽ നൽകേണ്ടത്​. പണം ഇല്ലെങ്കിൽ കർഷകർക്ക്​ കൃഷി ആവശ്യത്തിനുള്ള സാധനങ്ങൾ വാങ്ങാൻ കഴിയില്ല.

കർഷകരിൽനിന്നും നേരിട്ടുതന്നെ അവരുടെ എല്ലാ വിളകളും ആവശ്യക്കാർക്ക്​ വാങ്ങാൻ കഴിയുന്ന സംവിധാനം ഉണ്ടാക്കണം. പ്രത്യേകിച്ച്​ പെ​ട്ടെന്ന്​ നശിച്ചുപോകുന്ന പഴം, പച്ചക്കറി എന്നിവ. ദേശീയ തൊഴിലുറപ്പു പദ്ധതിയിൽപെടുത്തി ചില സംസ്​ഥാനങ്ങളിൽ തൊഴിലില്ലായ്​മ വേതനം നൽകിയിട്ടുണ്ട്​. ലോക്​ഡൗൺ കാരണം ദുരിതമനുഭവിക്കുന്ന നല്ലൊരു വിഭാഗത്തിന്​ ഈ രീതിയിൽ വേതനം അനുവദിക്കുന്നത്​ ഭൂരഹിതർക്കും അന്തർസംസ്​ഥാന തൊഴിലാളികൾക്കും വലിയ​ ആശ്വാസമാകും. അടുത്ത വിളവിറക്കുന്നതിന്​ മുമ്പായി കാർഷിക വായ്​പകൾ നൽകുന്നതിനെപ്പറ്റിയും അടിയന്തര പരിശോധനവേണം.​

(ലേഖകൻ​ സി.ടി.സി.ആർ.ഐ തിരുവനന്തപുരത്തെ പ്രിൻസിപ്പൽ സയൻറിസ്​റ്റാണ്​)

Show Full Article
TAGS:Kerala Agriculture farmers covid 19 
Web Title - kerala agriculture news updates
Next Story