ചാലിശേരി ഗ്രാമത്തിൽ ചക്ക നിറക്കാൻ ഒരുങ്ങുന്നു

പെ​രു​മ്പി​ലാ​വ്: ചാ​ലി​ശേ​രി ഗ്രാ​മ​ത്തി​ൽ ച​ക്ക​യു​ടെ നി​റ​കാ​ലം വ​രു​ന്നു. ഗ്രാ​മ​ത്തി​ലെ 500 വീ​ടു​ക​ളി​ലേ​ക്ക് ക​ർ​ഷ​ക​ൻ ഷി​ജോ​യ് തോ​ല​ത്താ​ണ് സൗ​ജ​ന്യ​മാ​യി പ്ലാ​വ് തൈ​ക​ൾ ന​ൽ​കു​ന്ന​ത്. വ്യ​ത്യ​സ്ത ത​ര​ത്തി​ലു​ള്ള ഫ​ല​വൃ​ക്ഷ​ക​ൾ കൃ​ഷി​ചെ​യ്യു​ന്ന മി​ക​ച്ച ക​ർ​ഷ​ക​നാ​യി ഷി​ജോ​യ് തോ​ല​ത്തി​നെ ക​ഴി​ഞ്ഞ​ദി​വ​സം ചാ​ലി​ശേ​രി കൃ​ഷി​ഭ​വ​ൻ ആ​ദ​രി​ച്ചി​രു​ന്നു.

ഈ ​സാ​ഹ​ച​ര്യ​ത്തി​ലാ​ണ് ര​ണ്ട് ല​ക്ഷം രൂ​പ​യോ​ളം വി​ല​മ​തി​ക്കു​ന്ന 500 പ്ലാ​വ് തൈ​ക​ൾ സൗ​ജ​ന്യ​മാ​യി ന​ൽ​കാ​മെ​ന്ന് ഷി​ജോ​യ് കൃ​ഷി ഭ​വ​നെ അ​റി​യി​ച്ച​ത്. ചാ​ലി​ശേ​രി പ​ടി​ഞ്ഞാ​റെ മു​ക്കി​ലെ പ​ത്തേ​ക്ക​റി​ൽ സ്ഥി​തി ചെ​യ്യു​ന്ന എ​സ്. എ​സ്.​ആ​ർ ജാ​ക്ക് ഫ്രൂ​ട്ട് ഫാ​മി​ൽ പ്ര​ത്യേ​ക​മാ​യി ച​ക്ക​കു​രു​മു​ള​പ്പി​ച്ചും തൈ​ക​ൾ ബ​ഡി​ങ് ചെ​യ്തു​മാ​ണ് ആ​റ് മു​ത​ൽ പ​ത്ത് മാ​സ​ത്തി​ന​കം ഫ​ലം ത​രു​ന്ന പ്ലാ​വ് തൈ​ക​ൾ കൃ​ഷി​ഭ​വ​ൻ മു​ഖാ​ന്തി​രം ന​ൽ​കു​ന്ന​ത്.

തോ​ട്ട​ത്തി​ലെ ആ​യി​ര​ക്ക​ണ​ക്കി​ന് ച​ക്ക​ക​ൾ ഈ ​കാ​ല​യ​ള​വി​നു​ള്ളി​ൽ സൗ​ജ​ന്യ​മാ​യാ​ണ് ആ​വ​ശ്യ​ക്കാ​ർ​ക്ക് ന​ൽ​കി​യ​ത്. വീ​ടു​ക​ളി​ലേ​ക്ക് ന​ൽ​കു​ന്ന 500 പ്ലാ​വ് തൈ​ക​ൾ ഫ​ലം ത​രു​ന്ന​തോ​ടെ വീ​ട്ടു​കാ​ർ​ക്ക് ന​ല്ല ഭ​ക്ഷ​ണ​ം ലഭിക്കും. വ​ർ​ഷ​ത്തി​ൽ എ​ല്ലാ ദി​വ​സ​വും ച​ക്ക ല​ഭി​ക്കു​ന്ന വ​ലി​യൊ​രു ഗ്രാ​മ​മാ​യി ചാ​ലി​ശേ​രി മാ​റും. പാ​ര​മ്പ​ര്യ ക​ർ​ഷ​ക കു​ടും​ബ​മാ​യ തോ​ല​ത്ത് താ​രു​വി​നൊ​ടൊ​പ്പം വീ​ട്ടു​വ​ള​പ്പി​ലെ പ​റ​മ്പി​ലും അ​ട​ക്ക തോ​ട്ട​ത്തി​ലും സ​ജീ​വ​മാ​യി​രു​ന്ന മ​ക​ൻ ഷി​ജോ​ക്ക് കു​ട്ടി​ക്കാ​ലം മു​ത​ൽ കാ​ർ​ഷി​ക അ​റി​വു​ക​ൾ ഏ​റെ ഇ​ഷ്ട​മാ​യി​രു​ന്നു. അ​ടു​ത്ത മാ​സാ​ദ്യം തൈ​ക​ളു​ടെ വി​ത​ര​ണം ന​ട​ത്തു​മെ​ന്ന് പ്ര​സി​ഡ​ന്റ് എ.​വി. സ​ന്ധ്യ പ​റ​ഞ്ഞു.