അ​രനൂ​റ്റാ​ണ്ടി​ന്‍റെ പാ​ൽ​ച​ങ്ങാ​ത്തം

കൊ​ട്ടി​യം: പ​ശു​ക്ക​ളു​മാ​യി ച​ങ്ങാ​ത്ത​മി​ല്ലാ​ത്തൊ​രു കാ​ലം അ​ഞ്ച്​ പ​തി​റ്റാ​ണ്ടി​നി​ടെ ഗി​രി​ദീ​പ​ത്തി​ൽ ഒ​രി​ക്ക​ൽ​പോ​ലും ഉ​ണ്ടാ​യി​ട്ടി​ല്ല. ശു​ദ്ധ​മാ​യ പാ​ൽ ന​ൽ​കി കൊ​ട്ടി​യം നി​വാ​സി​ക​ളു​ടെ ചു​ണ്ടി​ൽ പാ​ൽ​പു​ഞ്ചി​രി വി​ട​ർ​ത്താ​ൻ​ ചൂ​ര​ൽ പൊ​യ്ക ഗി​രി​ദീ​പ​ത്തി​ൽ ഗി​രീ​ഷ്​ തു​ട​ങ്ങി​യി​ട്ട്​​ അ​ര നൂ​റ്റാ​ണ്ട്​ പി​ന്നി​ട്ടു. പ​ത്താം വ​യ​സ്സി​ൽ തു​ട​ങ്ങി​യ ക്ഷീ​ര​പ​രി​പാ​ല​നം അ​റു​പ​തും പി​ന്നി​ട്ട്​ തു​ട​രു​ക​യാ​ണ്.

സ്വ​ദേ​ശി, വി​ദേ​ശി ഇ​ന​ങ്ങ​ളി​ൽ​പ്പെ​ട്ട ഇ​രു​പ​തോ​ളം പ​ശു​ക്ക​ളു​ണ്ട് ഇ​വി​ടു​ത്തെ ഫാ​മി​ൽ. അ​വ​യെ പ​രി​പാ​ലി​ക്കു​ന്ന​തും ക​റ​ക്കു​ന്ന​തു​മൊ​ക്കെ ഗി​രീ​ഷാ​ണ്. പു​ല​ർ​ച്ചെ കൊ​ട്ടി​യ​ത്തും പ​രി​സ​ര​ത്തു​മു​ള്ള വീ​ടു​ക​ളി​ലും ക്ഷീ​ര സം​ഘ​ത്തി​ലു​മാ​യി പാ​ൽ എ​ത്തി​ക്കും. പ​ശു​ക്ക​ളെ കു​ളി​പ്പി​ച്ച്​ അ​കി​ട്​ തു​ട​ച്ച്​ ക​റ​ന്നെ​ടു​ക്കു​ന്ന പാ​ൽ അ​ധി​കം വൈ​കാ​തെ വീ​ടു​ക​ളി​ൽ എ​ത്തി​ക്കു​ന്ന​താ​ണ് ജ​ന​വി​ശ്വാ​സം ആ​ർ​ജി​ക്കാ​ൻ ഇ​ട​യാ​ക്കി​യ​ത്.

ജേ​ഴ്സി, എ​ച്ച്.​എ​ഫ്, ഗി​ർ ഇ​ന​ങ്ങ​ളി​ൽ​പ്പെ​ട്ട പ​ശു​ക്ക​ളും നാ​ട​ൻ പ​ശു​ക്ക​ളു​മാ​ണ് ഇ​വി​ടെ​യു​ള്ള​ത്. കു​ട്ടി​ക്കാ​ല​ത്ത് പി​താ​വ് വ​ള​ർ​ത്തി​യി​രു​ന്ന പ​ശു​ക്ക​ളെ പ​രി​പാ​ലി​ച്ചാ​യി​രു​ന്നു തു​ട​ക്കം. പ​ശു​ക്ക​ൾ​ക്ക്​ എ​ന്തെ​ങ്കി​ലും അ​സ്വാ​ഭാ​വി​ക​ത​യു​ണ്ടാ​യാ​ൽ തി​രി​ച്ച​റി​യാ​നു​ള്ള ക​ഴി​വും അ​ദ്ദേ​ഹ​ത്തി​നു​ണ്ട്. അ​ര​ലി​റ്റ​ർ വീ​തം ക​വ​റി​ലാ​ക്കി​യാ​ണ് വി​ൽ​പ​ന. മി​ക​ച്ച ക്ഷീ​ര​ക​ർ​ഷ​ക​നു​ള്ള പ​ഞ്ചാ​യ​ത്തി​ന്‍റെ ആ​ദ​ര​വും കേ​ന്ദ്ര സ​ർ​ക്കാ​റി​ന്‍റെ ഉ​പ​ഹാ​ര​വും ല​ഭി​ച്ചി​ട്ടു​ണ്ട്.