കമ്പത്തെ മുന്തിരിക്ക് ഭൗമസൂചിക പദവി: കർഷകർക്ക് ഇരട്ടി മധുരം

കു​മ​ളി: സം​സ്ഥാ​ന അ​തി​ർ​ത്തി ജി​ല്ല​യാ​യ തേ​നി​യി​ലെ ക​മ്പം മേ​ഖ​ല​യി​ലെ മു​ന്തി​രി​ക്ക് കേ​ന്ദ്ര സ​ർ​ക്കാ​റി​ന്‍റെ ഭൗ​മ​സൂ​ചി​ക പ​ദ​വി ല​ഭി​ച്ച​ത് ക​ർ​ഷ​ക​ർ​ക്ക് ഇ​ര​ട്ടി മ​ധു​ര​മാ​യി. വ​ർ​ഷ​ങ്ങ​ൾ നീ​ണ്ട കാ​ത്തി​രി​പ്പി​നൊ​ടു​വി​ലാ​ണ് ക​മ്പ​ത്തെ മു​ന്തി​രി​യെ​ത്തേ​ടി കേ​ന്ദ്ര അം​ഗീ​കാ​രം എ​ത്തി​യ​ത്.

ദേ​ശ​പ​ര​മാ​യ സ​വി​ശേ​ഷ​ത​ക​ളാ​ലും ഭൂ​മി​ശാ​സ്ത്ര​പ​ര​മാ​യ പ്ര​ത്യേ​ക​ത​ക​ളാ​ലും പ​ര​മ്പ​രാ​ഗ​ത മേ​ന്മ വ​ഴി​യും ല​ഭി​ക്കു​ന്ന​താ​ണ് ഭൗ​മ​സൂ​ചി​ക പ​ദ​വി.മി​ക​ച്ച ഗു​ണ​നി​ല​വാ​ര​വും ത​നി​മ​യു​മു​ള്ള ഉ​ൽ‌​പ​ന്ന​ങ്ങ​ൾ​ക്കാ​ണ് പ്ര​ദേ​ശ​ത്തി​ന്‍റെ പേ​രി​ൽ ഇ​ത്ത​രം അം​ഗീ​കാ​രം പ​ഠ​ന​ങ്ങ​ൾ​ക്കും വി​ല​യി​രു​ത്ത​ലു​ക​ൾ​ക്കും ശേ​ഷം ന​ൽ​കു​ക.

കേ​ര​ള​ത്തി​ൽ ഭൗ​മ​സൂ​ചി​ക പ​ദ​വി​യി​ൽ ആ​ദ്യം എ​ത്തി​യ​ത് ആ​റ​ന്മു​ള ക​ണ്ണാ​ടി​യാ​ണ്. പി​ന്നീ​ട് ആ​ല​പ്പു​ഴ ക​യ​റും ന​വ​ര അ​രി​യും പാ​ല​ക്കാ​ട​ൻ മ​ട്ട​യും മ​റ​യൂ​ർ ശ​ർ​ക്ക​ര​യും പ​ട്ടി​ക​യി​ൽ ഇ​ടം പി​ടി​ച്ചു.ഊ​ട്ടി​യി​ലു​ള്ള ഭ​ക്ഷ​ണ​വി​ഭ​വ​മാ​യ വ​ർ​ക്കി, ആ​ത്തൂ​ർ വെ​റ്റി​ല, മാ​ർ​ത്താ​ണ്ഡ​ത്തെ തേ​ൻ, മ​ണ​പ്പാ​റ​യി​ലെ മു​റു​ക്ക് എ​ന്നി​വ​ക്കൊ​പ്പ​മാ​ണ് ക​മ്പ​ത്തെ മു​ന്തി​രി​യും പ​ട്ടി​ക​യി​ൽ ക​ട​ന്നു​കൂ​ടി​യ​ത്. മേ​ഘ​മ​ല വ​ന്യ​ജീ​വി സ​ങ്കേ​ത​ത്തി​ന്‍റെ അ​ടി​വാ​ര പ്ര​ദേ​ശ​ത്ത്​ ക​മ്പം കാ​ർ​ഷി​ക​മേ​ഖ​ല​യി​ലെ നൂ​റോ​ളം ഗ്രാ​മ​ങ്ങ​ളി​ലാ​ണ് മു​ന്തി​രി വി​ള​യു​ന്ന​ത്. പ്ര​ദേ​ശ​ത്തെ താ​പ​നി​ല, മ​ണ്ണ്, വെ​ള്ളം എ​ന്നി​വ​യെ​ല്ലാം അ​നു​കൂ​ല ഘ​ട​ക​മാ​യ​തോ​ടെ മി​ക​ച്ച വി​ള​വാ​ണ് മു​ന്തി​രി ക​ർ​ഷ​ക​ർ​ക്ക് ല​ഭി​ക്കു​ന്ന​ത്. രാ​ജ്യ​ത്ത് മ​ഹാ​രാ​ഷ്ട്ര​യി​ലാ​ണ് മു​ന്തി​രി കൃ​ഷി​യു​ള്ള​ത്.

ഇ​വി​ടെ വ​ർ​ഷ​ത്തി​ൽ ഒ​രു ത​വ​ണ മാ​ത്ര​മാ​ണ് വി​ള​വെ​ടു​ക്കാ​നാ​വു​ന്ന​ത്. എ​ന്നാ​ൽ, തേ​നി, ക​മ്പം മേ​ഖ​ല​ക​ളി​ൽ വ​ർ​ഷ​ത്തി​ൽ മൂ​ന്നു​ത​വ​ണ വി​ള​വെ​ടു​ക്കാ​റു​ണ്ടെ​ന്ന് ക​ർ​ഷ​ക​ർ പ​റ​യു​ന്നു. കൃ​ഷി​ക്ക് മു​ല്ല​പ്പെ​രി​യാ​റി​ൽ​നി​ന്നു​ള്ള വെ​ള്ള​മാ​ണ് ഉ​പ​യോ​ഗി​ക്കു​ന്ന​ത്. ഭൗ​മ​സൂ​ചി​ക പ​ദ​വി ല​ഭി​ച്ച​തോ​ടെ ക​യ​റ്റു​മ​തി വ​ർ​ധി​ക്കു​ക​യും മി​ക​ച്ച വി​ല ല​ഭി​ക്കു​ക​യും ചെ​യ്യു​മെ​ന്ന​താ​ണ് ക​ർ​ഷ​ക​രെ സ​ന്തോ​ഷ​ത്തി​ലാ​ക്കു​ന്ന​ത്.