നെല്ല്​ സംഭരിക്കാൻ കർഷകരുടെ അടുത്തേക്ക്​ പോകുമെന്ന്​ ആന്ധ്ര സർക്കാർ

11:16 AM
15/04/2020
jagan-mohan-reddy

ഗുണ്ടൂർ: ഗ്രാമങ്ങളിലെ നെല്ല്​ സംഭരിക്കാൻ കർഷകരുടെ അടുത്തേക്ക്​ പോകുമെന്ന്​ ആ​​ന്ധ്ര പ്രദേശ്​ മുഖ്യമന്ത്രി ജഗൻ മോഹൻ റെഡ്ഡി. ഇനി കർഷകർ അവരുടെ വിളവുകളുമായി സംഭരണ ​േകന്ദ്രങ്ങൾ തേടി പോകേണ്ടി വരില്ലെന്നും അദ്ദേഹം പറഞ്ഞു. 

കർഷകരുടെ വിളവ്​ സംഭരിക്കുന്നതും അതിന്​ മാന്യമായ വില ഉറപ്പ്​ വരുത്തുന്നതും സർക്കാറി​​െൻറ ഉത്തരവാദിത്വമാണ്​. നേരിട്ട്​ വിളവ്​ സംഭരിക്കുന്നതോടെ ഇടനിലക്കാരുടെ ഇടപെടൽ ഒഴിവാകുമെന്നും അദ്ദേഹം പറഞ്ഞു. 

ആന്ധ്രയിലെ കർകർക്ക്​ മാന്യമായ വില കിട്ടുന്നുവെന്ന്​ ഉറപ്പ്​ വരുത്തുന്നതിനായി തെലങ്കാനയിൽ നിന്ന്​ തൽകാലം അരി വാങ്ങില്ലെന്നും ജഗൻ പറഞ്ഞു. കാർഷിക ഉൽപന്നങ്ങളുടെ വില നിലവാരം നിരീക്ഷിക്കുന്നതിനും ആവശ്യമായ നടപടി എടുക്കുന്നതിനും കലക്​ടർമാരെ ചുമതലപ്പെടുത്തിയിട്ടുണ്ട്​. 

കേവിഡ്​ പശ്ചാത്തലത്തിൽ കാർഷിക ഉൽപന്നങ്ങൾ പുറത്തേക്ക്​ അയക്കുന്നതിനുള്ള പ്രയാസം കാരണം പ്രാദേശിക വിപണിയെ കൂടുതൽ ആശ്രയി​േകണ്ടേതുണ്ട്​. പ്രദേശിക വിപണിക്ക്​ ഉൗന്നൽ നൽകിയുള്ള മാർക്കറ്റിങ്​ പ്രവർത്തനങ്ങൾ പുരോഗമിക്കുകയാണെന്നും മുഖ്യമന്ത്രി പറഞ്ഞു.

Loading...
COMMENTS