ഗ്രാമ്പുവിന് നല്ലകാലം; പ​േക്ഷ, വിപണിയിലെത്തിക്കാനില്ല

അ​ടി​മാ​ലി: ആ​ഭ്യ​ന്ത​ര വി​പ​ണി​യി​ല്‍ ആ​വ​ശ്യ​ക്കാ​ര്‍ വ​ര്‍ധി​ച്ച​തും ഉ​ൽ​പാ​ദ​ന​ത്തി​ലു​ണ്ടാ​യ ഇ​ടി​വും​മൂ​ലം ഗു​ണ​മേ​ന്മ​യേ​റി​യ ഹൈ​റേ​ഞ്ച് ഗ്രാ​മ്പു​വി‍െൻറ വി​ല ഉ​യ​ര്‍ന്നു. കോ​വി​ഡ് നി​യ​ന്ത്ര​ണ​ങ്ങ​ളി​ല്‍ ഇ​ള​വു​വ​ന്ന​തി​നെ തു​ട​ര്‍ന്ന് വി​പ​ണി​യി​ല്‍ ആ​വ​ശ്യ​ക്കാ​ർ ഏ​റി​യ​തും ക്രി​സ്​​മ​സ്​ സീ​സ​ണ്‍ മു​ന്നി​ൽ​ക്ക​ണ്ട് വ്യാ​പാ​രി​ക​ള്‍ സം​ഭ​രി​ച്ച​തു​മാ​ണ് വി​ല ഉ​യ​രാ​ന്‍ കാ​ര​ണ​മെ​ന്നാ​ണ് സൂ​ച​ന.

അ​തേ​സ​മ​യം, വി​ല ഉ​യ​ര്‍ന്നെ​ങ്കി​ലും തു​ട​ര്‍ച്ച​യാ​യ മ​ഴ​യെ​ത്തു​ട​ര്‍ന്ന് ഉ​ൽ​പാ​ദ​ന​മി​ടി​ഞ്ഞ​തി​നാ​ൽ വി​പ​ണി​യി​ലെ​ത്തി​ക്കാ​ന്‍ ഗ്രാ​മ്പു​വി​ല്ലെ​ന്ന് ക​ര്‍ഷ​ക​ര്‍ പ​റ​യു​ന്നു. ര​ണ്ടു​വ​ര്‍ഷം മു​മ്പു​വ​രെ ഹൈ​റേ​ഞ്ച് ഗ്രാ​മ്പു​വി​ന് 700 മു​ത​ല്‍ 750 രൂ​പ വി​ല ല​ഭി​ച്ചി​രു​ന്നു. എ​ന്നാ​ല്‍, കോ​വി​ഡ് സ​മ്പ​ര്‍ക്ക വി​ല​ക്കി​നെ​ത്തു​ട​ര്‍ന്ന് ആ​വ​ശ്യ​ക്കാ​ര്‍ ഇ​ല്ലാ​താ​യി.

വി​ല കു​ത്ത​നെ താ​ഴ്ന്ന് 450 രൂ​പ​വ​രെ​യെ​ത്തി. വി​ല​യി​ടി​വി​നൊ​പ്പം ഉ​യ​ര്‍ന്ന ഉ​ൽ​പാ​ദ​ന, വി​ള​വെ​ടു​പ്പ്​ ചെ​ല​വ് താ​ങ്ങാ​ന്‍ ക​ഴി​യാ​തെ ഹൈ​റേ​ഞ്ചി​ലെ ക​ര്‍ഷ​ക​രി​ല്‍ പ​ല​രും കൃ​ഷി ഉ​പേ​ക്ഷി​ച്ചി​രു​ന്നു. ഗ്രാ​മ്പു മ​ര​ങ്ങ​ള്‍ക്ക് കാ​ര്യ​മാ​യ കീ​ട​ബാ​ധ​ക​ള്‍ ഇ​ല്ലെ​ങ്കി​ലും വ​ള​പ്ര​യോ​ഗ​വും വി​ള​വെ​ടു​പ്പു​കൂ​ലി​യും ഉ​ള്‍പ്പെ​ടെ ഒ​രു​കി​ലോ ഉ​ൽ​പാ​ദി​പ്പി​ക്കാ​ന്‍ 350 രൂ​പ​യോ​ളം വ​രും.

വി​ല താ​ഴ്ന്ന് 450ല്‍ ​എ​ത്തി​യ​പ്പോ​ള്‍ ക​ര്‍ഷ​ക​രി​ല്‍ ചി​ല​ര്‍ ഗ്രാ​മ്പു മ​ര​ങ്ങ​ള്‍ വെ​ട്ടി​മാ​റ്റു​ക​യോ, പാ​ട്ട​ത്തി​ന് ന​ല്‍കു​ക​യോ ചെ​യ്തു. ഇ​തോ​ടെ ക​മ്പോ​ള​ത്തി​ലെ​ത്തു​ന്ന ഗ്രാ​മ്പു​വി​െൻറ അ​ള​വി​ലും ഗ​ണ്യ​മാ​യ കു​റ​വു​ണ്ടാ​യ​താ​യി വ്യാ​പാ​രി​ക​ള്‍ പ​റ​യു​ന്നു.