കൊയ്യാനാളില്ല; ഭാര്യയുമായി പാടത്തിറങ്ങി മൂ​േന്നക്കർ കൊയ്​തെടുത്ത്​ തഹസിൽദാർ

അ​മ്പ​ല​പ്പു​ഴ: കൊ​യ്ത്തു​പാ​ട്ടി‍െൻറ ഈ​ണം മ​റ​ക്കാ​ത്ത കു​ഞ്ഞു​മോ​ന് കൊ​യ്ത്ത​രി​വാ​ള്‍ പു​ത്ത​രി​യ​ല്ല. ത​ന്നെ ഇ​ത്ര​ത്തോ​ളം എ​ത്തി​ച്ച മ​ണ്ണി​നെ​യും നെ​ല്ലി​നെ​യും ഹൃ​ദ​യ​ത്തോ​ട് ചേ​ര്‍ത്തു​പി​ടി​ക്കു​ക​യാ​ണ് ഈ ​ത​ഹ​സി​ല്‍ദാ​ര്‍. ആ​ല​പ്പു​ഴ ക​ല​ക്​​ട​റേ​റ്റി​ലെ റ​വ​ന്യൂ വി​ഭാ​ഗം ത​ഹ​സി​ല്‍ദാ​ര്‍ അ​മ്പ​ല​പ്പു​ഴ വ​ട​ക്ക് പ​ഞ്ചാ​യ​ത്ത് നാ​ലാം വാ​ര്‍ഡി​ല്‍ സൗ​പ​ര്‍ണി​ക​യി​ല്‍ സ​ജീ​വ​ന് (കു​ഞ്ഞു​മോ​ന്‍) കൃ​ഷി​യി​ടം ഹൃ​ദ​യ​മാ​ണ്. കാ​ലം​തെ​റ്റി​യെ​ത്തി​യ മ​ഴ​യി​ല്‍ കു​തി​ര്‍ന്നു​വീ​ണ നെ​ല്ല് ന​ശി​ക്കു​ന്ന​ത് കാ​ണാ​നാ​കു​ന്നി​ല്ല. യ​ന്ത്രം ഇ​റ​ങ്ങി​യാ​ല്‍ നെ​ല്‍ക്ക​തി​ര്‍ ച​ളി​യി​ല്‍ താ​ഴ്ന്ന് പോ​കും. കൊ​യ്യാ​ൻ തൊ​ഴി​ലാ​ളി​ക​ളെ​യും കി​ട്ടാ​നി​ല്ല. ഒ​ടു​വി​ല്‍ മു​ന്‍ ജി​ല്ല പ​ഞ്ചാ​യ​ത്ത്​ അം​ഗ​വും നി​ല​വി​ല്‍ അ​മ്പ​ല​പ്പു​ഴ വ​ട​ക്ക് പ​ഞ്ചാ​യ​ത്ത് അം​ഗ​വു​മാ​യ ഭാ​ര്യ കു​ഞ്ഞു​മോ​ളു​മൊ​ത്ത് അ​രി​വാ​ളു​മാ​യി സ​ജീ​വ​ന്‍ പാ​ട​ത്തി​റ​ങ്ങി.

പു​ന്ന​പ്ര വെ​ട്ടി​ക്ക​രി പാ​ട​ശേ​ഖ​ര​ത്തി​ല്‍ മൂ​ന്ന​ര ഏ​ക്ക​ര്‍ നി​ല​മാ​ണ് സ​ജീ​വ​നു​ള്ള​ത്. കൊ​യ്യാ​ന്‍ പാ​ക​മാ​യ​പ്പോ​ള്‍ അ​പ്ര​തീ​ക്ഷി​ത​മാ​യി പെ​യ്​​ത മ​ഴ​യി​ല്‍ നെ​ല്‍ച്ചെ​ടി​ക​ള്‍ നി​ലം​പൊ​ത്തി. പ​കു​തി​യോ​ളം കി​ളി​ര്‍ത്ത് ന​ശി​ച്ചു. ബാ​ക്കി​യു​ള്ള​ത് കൊ​യ്​​ത്​ ക​ര​ക്കെ​ടു​ക്കാ​ന്‍ ആ​രെ​യും കി​ട്ടി​യി​ല്ല. ഒ​ടു​വി​ലാ​ണ് ഇ​രു​വ​രും പാ​ട​ത്തി​റ​ങ്ങി​യ​ത്. അ​ടി​ഞ്ഞ നെ​ല്‍ക്ക​തി​രു​ക​ള്‍ അ​രി​വാ​ള്‍ത്തു​മ്പി​ല്‍ കോ​രി​യെ​ടു​ത്താ​ണ് ഒ​രാ​ഴ്​​ച​കൊ​ണ്ട് മൂ​ന്നേ​ക്ക​ര്‍ നി​ലം കൊ​യ്​​െ​ത​ടു​ത്ത​ത്. ക​റ്റ​ക​ള്‍ ത​ല​ച്ചു​മ​ടാ​യി 200 മീ​റ്റ​റോ​ളം ഇ​ടു​ങ്ങി​യ വ​ര​മ്പി​ലൂ​ടെ ന​ട​ന്നു​വേ​ണം ക​ര​ക്കെ​ത്തി​ക്കാ​ന്‍. ഇ​രു​വ​രും ചേ​ര്‍ന്നാ​ണ് ക​റ്റ​ക​ള്‍ ക​ര​ക്കെ​ത്തി​ച്ച​ത്.

പ​ര​മ്പ​രാ​ഗ​ത ക​ര്‍ഷ​ക കു​ടും​ബ​ത്തി​ല്‍ ജ​നി​ച്ച​വ​രാ​ണ് സ​ജീ​വ​നും കു​ഞ്ഞു​മോ​ളും. പ​ഠി​ക്കു​മ്പോ​ഴും മാ​താ​പി​താ​ക്ക​ളെ സ​ഹാ​യി​ക്കാ​നും കൊ​യ്യാ​നും ഇ​രു​വ​രും പോ​കു​മാ​യി​രു​ന്നു. ക്ഷീ​ര​ക​ര്‍ഷ​ക​ന്‍ കൂ​ടി​യാ​ണ്​ സ​ജീ​വ​ന്‍. വി​ല്ലേ​ജ് ഓ​ഫി​സ​റാ​യി ജോ​ലി ചെ​യ്യു​മ്പോ​ഴും കി​ട്ടു​ന്ന​സ​മ​യം കൃ​ഷി​യി​ലാ​യി​രു​ന്നു താ​ല്‍പ​ര്യം. വീ​ട്ടു​വ​ള​പ്പി​ല്‍ അ​ത്യാ​വ​ശ്യം പ​ച്ച​ക്ക​റി കൃ​ഷി​യു​മു​ണ്ട്. എ​സ്.​ഡി കോ​ള​ജി​ലെ ബി.​എ​സ്​​സി ര​ണ്ടാം വ​ര്‍ഷ വി​ദ്യാ​ർ​ഥി​നി​യാ​യ മ​ക​ള്‍ അ​ഭി​മ​ന്യ​യാ​ണ് പ​ച്ച​ക്ക​റി കൃ​ഷി ചെ​യ്യു​ന്ന​ത്. ക​ര്‍ഷ​ക​നാ​യി അ​റി​യ​പ്പെ​ടു​ന്ന​താ​ണ്​ ഏ​റെ താ​ല്‍പ​ര്യ​മെ​ന്നാ​ണ് അ​ദ്ദേ​ഹം പ​റ​യു​ന്ന​ത്.