ഇസ്രായേലിലെ കൃഷിരീതി മാതൃകയാക്കി കർഷകൻ

മു​ക്കം: കൃ​ഷി​വ​കു​പ്പി​ന് കീ​ഴി​ൽ ഇ​സ്രാ​യേ​ലി​ൽ പോ​യി നൂ​ത​ന കൃ​ഷി​രീ​തി പ​ഠി​ച്ച യു​വ​ക​ർ​ഷ​ക​ൻ ത​ന്റെ കൃ​ഷി​യി​ട​ത്തി​ൽ മാ​തൃ​കാ കൃ​ഷി​ക്ക് തു​ട​ക്ക​മി​ട്ടു. കീ​ഴു​പ​റ​മ്പ് കു​നി​യി​ൽ കോ​ലോ​ത്തും​തൊ​ടി അ​ബ്ദു​സ്സ​മ​ദാ​ണ് കാ​ര​ശ്ശേ​രി ക​റു​ത്ത​പ​റ​മ്പ് മോ​ലി​ക്കാ​വി​ലു​ള്ള ത​ന്റെ ര​ണ്ട​ര​യേ​ക്ക​ർ സ്ഥ​ല​ത്ത് നൂ​ത​ന കൃ​ഷി​രീ​തി ആ​രം​ഭി​ച്ച​ത്.

തെ​ങ്ങി​ൻ​തൈ ന​ട​ലി​ന്റെ ഉ​ദ്ഘാ​ട​നം കാ​ര​ശ്ശേ​രി ഗ്രാ​മ​പ​ഞ്ചാ​യ​ത്ത് അം​ഗം ശാ​ഹി​ന നി​ർ​വ​ഹി​ച്ചു. ഇ​സ്രാ​യേ​ലി​ലെ കൃ​ഷി​രീ​തി​ക​ൾ പൂ​ർ​ണ​മാ​യും ന​ട​പ്പി​ലാ​ക്കാ​ൻ ക​ഴി​യി​ല്ലെ​ങ്കി​ലും പ​ഠി​ച്ചെ​ടു​ത്ത ചി​ല​തെ​ല്ലാം ത​ന്റെ കൃ​ഷി​യി​ട​ത്തി​ലും ഇ​ദ്ദേ​ഹം പ​രീ​ക്ഷി​ക്കും.

അ​ത്യു​ൽ​പാ​ദ​ന ശേ​ഷി​യു​ള്ള 200 തെ​ങ്ങി​ൻ തൈ​ക​ളാ​ണ് കൃ​ഷി ചെ​യ്യു​ന്ന​ത്. അ​തോ​ടൊ​പ്പം 400 ക​മു​ങ്ങ് തൈ, ​വാ​ഴ, മ​റ്റു കി​ഴ​ങ്ങു വ​ർ​ഗ​ങ്ങ​ളും കൃ​ഷി ചെ​യ്യു​ന്നു​ണ്ട്. ശാ​സ്ത്രീ​യ​മാ​യി കു​ഴി​യെ​ടു​ത്താ​ണ് തെ​ങ്ങി​ൻ​തൈ ന​ട്ട് പി​ടി​പ്പി​ക്കു​ന്ന​ത്. നി​ശ്ചി​ത അ​ക​ലം പാ​ലി​ച്ച് ശാ​സ്ത്രീ​യ പ​രി​ച​ര​ണ​ത്തോ​ടെ​യു​ള്ള കൃ​ഷി​ക്ക് മൂ​ന്നു വ​ർ​ഷ​ത്തി​ന​കം കാ​യ്ഫ​ലം ല​ഭി​ക്കു​മെ​ന്നാ​ണ് സ​മ​ദി​ന്റെ പ്ര​തീ​ക്ഷ. സ​മ്മി​ശ്ര കൃ​ഷി​യി​ലൂ​ടെ മെ​ച്ച​പ്പെ​ട്ട സ​മ്പാ​ദ്യ​മു​ണ്ടാ​ക്കാ​മെ​ന്ന​തും സ​മ​ദി​ന്റെ ല​ക്ഷ്യ​മാ​ണ്. ഇ​വി​ടെ​യു​ണ്ടാ​യി​രു​ന്ന 450 റ​ബ​ർ വെ​ട്ടി​മാ​റ്റി​യാ​ണ് പു​തി​യ കൃ​ഷി​യി​റ​ക്കു​ന്ന​ത്. പ​ന്നി​ശ​ല്യം ത​ട​യാ​നാ​യി സോ​ളാ​ർ വേ​ലി​യും ജ​ല​സേ​ച​ന​ത്തി​നു​ള്ള സം​വി​ധാ​ന​വും ഒ​രു​ക്കി​ട്ടു​ണ്ട്. കൃ​ഷി വ​കു​പ്പി​ന്റെ പ​രി​പൂ​ർ​ണ പി​ന്തു​ണ​യു​മു​ണ്ട്.